Bigg Boss Telugu 6: 'ఏ బిడ్డా ఇది నా అడ్డా' - ఆర్జే సూర్య గ్రాండ్ ఎంట్రీ

16వ కంటెస్టెంట్ గా ఆర్జే సూర్య ఎంట్రీ ఇచ్చారు.

ఆర్జే సూర్య గ్రాండ్ ఎంట్రీ

బుల్లితెరపై నెంబర్ వన్ రియాలిటీ షోగా దూసుకుపోతుంది బిగ్ బాస్(Bigg Boss). అన్ని భాషల్లో ఈ షో సూపర్ హిట్ అయింది. తెలుగులో కూడా ఈ షోకి మంచి గుర్తింపు వచ్చింది. ఇప్పటివరకు ఐదు సీజన్లను పూర్తి చేసుకుంది. అలానే ఈ ఏడాది ఓటీటీ వెర్షన్ తో ఆడియన్స్ ను ఎంటర్టైన్ చేయాలనుకున్నారు. హాట్ స్టార్ లో 24 గంటల కాన్సెప్ట్ తో ఈ షోని నడిపించారు. కానీ ఆశించిన స్థాయిలో ఓటీటీ వెర్షన్ క్లిక్ అవ్వలేదు.
 
ఇదిలా ఉండగా.. బిగ్ బాస్ సీజన్ 6 కోసం రంగం సిద్ధమైంది. సెప్టెంబర్ 4 నుంచి ఈ షోని మొదలుపెట్టారు. ఇప్పటివరకు నాలుగు సార్లు ఈ షోని హోస్ట్ చేసిన నాగార్జున ఇప్పుడు ఐదోసారి కూడా హోస్ట్ గా వ్యవహరించనున్నారు. ఈసారి మొత్తం 18 మంది కంటెస్టెంట్స్ కనిపించనున్నారు. ఆదివారం నాడు గ్రాండ్ గా షో మొదలైంది. ఇక కంటెస్టెంట్స్ ను ఒక్కొక్కరిగా నాగార్జున ఇంట్రడ్యూస్ చేస్తున్నారు.

 

16వ కంటెస్టెంట్ గా ఆర్జే సూర్య ఎంట్రీ ఇచ్చారు. 10 క్లాస్ సమయంలోనే మిమిక్రీ చేసేవాడినని.. ఇంట్లో ప్రాక్టీస్ చేస్తుంటే చూసి.. అమ్మ భయపడి డాక్టర్ కి చూపించిందని అన్నారు సూర్య. ఆ తరువాత స్క్రీన్ మీద ఒక్కో స్టార్ ని చూపిస్తూ మిమిక్రీ చేయమని చెప్పారు నాగార్జున. మహేష్ బాబు, ఎన్టీఆర్, ప్రకాష్ రాజ్, రామ్ చరణ్ లను మిమిక్రీ చేసి చూపించారు. అల్లు అర్జున్ ని మిమిక్రీ చేయడం చాలా కష్టమని.. చాలా కష్టపడి నేర్చుకున్నానని.. చేసి చూపించారు. 

 

కంటెస్టెంట్స్ ని ఒక్కొక్కరినీ ఒక్కో కార్డు సెలెక్ట్ చేసుకోమని అడుగుతున్నారు నాగార్జున. ఆర్జే సూర్య సెలెక్ట్ చేసుకున్న కార్డు బ్లాక్ హార్ట్. దానికి అర్ధం ఏంటో తరువాత చెబుతానని అన్నారు నాగార్జున. 

 

ఇక ఈసారి అబ్బాయిల నెంబర్ కంటే అమ్మాయిలే ఎక్కువ మంది హౌస్ లో కనిపించబోతున్నారు. ఎప్పటిలానే ఈసారి కూడా బిగ్ బాస్ హౌస్ ని చాలా కొత్తగా డిజైన్ చేశారు. మొత్తం 18 మంది పోటీదారులు కాబట్టి ఈసారి షో 100 రోజులకు పైగానే ఉండే ఛాన్స్ ఉంది. మధ్యలో డబుల్ ఎలిమినేషన్స్ కూడా ఉంటాయి. ఇక టాస్క్ ల విషయానికొస్తే.. బిగ్ బాస్ హిందీ వెర్షన్ నుంచి కొన్ని టాస్క్ లను సీజన్ 6 కోసం తీసుకోబోతున్నారని సమాచారం. గత సీజన్లలో కూడా టాస్క్ లకు సంబంధించి ఇలానే చేశారు. 

 

We welcome our 16th contestant #RJSurya to Bigg Boss house.
#RJSuryaOnBBTelugu#BiggBossTelugu6 #BBLiveOnHotstar@StarMaa @DisneyPlusHSTel pic.twitter.com/Iw5mvbRmlC

— Disney+ Hotstar Telugu (@DisneyPlusHSTel) September 4, 2022