Bigg Boss 6 Telugu: ఏం ఫిట్టింగ్ పెట్టావు బిగ్‌బాస్, ఇలాంటి నామినేషన్ అని పాపం ఊహించి ఉండరు, నామినేషన్లో ఆ ఎనిమిది మంది

Bigg Boss 6 Telugu: నామినేషన్ అనగానే చాలా ఊహించి ఉంటారు.. కానీ ఈసారి నామినేషన్ వెరైటీ.

(Image credit: Star maa)

Bigg Boss 6 Telugu: నామినేషన్ డే అనగానే ఆ రోజు ఫైటింగులు మామూలుగా ఉండవు. ప్రేక్షకులకు పండగే. ఇంట్లో ఉన్నవారందరిలో తనకు నచ్చని ఇద్దరిని ఎంచుకుని నామినేట్ చేసేవారు. కానీ ఇప్పుడు బిగ్ బాస్ ఆ అవకాశం ఇవ్వలేదు. తానే ఇద్దరినీ ఎంపిక చేసి, వారిద్దరిలో ఒకరిని నామినేట్ అవ్వమని కోరాడు. ఎవరు నామినేట్ అవుతారో వారిద్దరే వాదించుకోవాలి. బిగ్ బాస్ ఎంపిక చేసిన జోడీలు మామూలుగా లేవు. ఇంట్లో ఏ ఇద్దరికీ పడదో వారిని, ఏ ఇద్దరూ స్నేహంగా ఉంటారో వారిని ఎంపిక చేశాడు. దీనివల్ల వాదనలు ఎక్కువ అవుతాయి, కంటెంట్ వస్తుందన్ని బిగ్ బాస్ ప్లాన్. ఇది వర్కవుట్ అయిందో లేదో ఎపిసోడ్ చూశాకే తెలుస్తుంది. 

ఇక ప్రోమోలో ఏముందంటే...గార్డెన్ ఏరియాలో సంకెళ్లు పెట్టారు. తాము చెప్పినప్పుడు  ఇద్దరు వెళ్లి ఆ సంకెళ్లను చేతికి వేసుకోవాలి. ఎవరు నామినేట్ అవుతారో తేల్చుకోవాలి. ఇకపై ఇంటిలోకి జంటగా వచ్చిన మెరీనా - రోహిత్‌లు విడివిడిగా ఆడతారని చెప్పాడు బిగ్ బాస్. మెరీనా - రోహిత్ లలో ఎవరినో ఒకరిని నామినేట్ అవ్వమని అడిగాడు. వారిద్దరిలో మెరీనా నామినేట్ అయింది. తనకు తానే నామినేట్ అవుతున్నట్టు,తాను ఉన్నా లేకపోయినా భర్తను బాగా ఆడమని చెప్పింది. మెరీనా నామినేట్ అయింది. 

ఇక సుదీప - వాసంతిని పిలిచాడు బిగ్ బాస్. ఇద్దరూ కాసేపు వాదించుకున్నారు. సుదీప తాను టెన్షన్ జోన్లోకి వెళ్లనని, అందుకే నామినేట్ అవ్వనని చెప్పింది. వాసంతి తనకు ఓ అవకాశం ఇస్తే నిరూపించుకుంటానని చెప్పింది. సుదీప ఎంతకీ ఒప్పుకోలేదు. దీంతో వాసంతి కోపంగా వెళ్లిపోయింది. 

శ్రీ సత్యను నమ్మితే ఇంతే...
గత వారం అర్జున్ తన గేమ్ మానేసి మరీ శ్రీసత్యకు చాలా హెల్ప్ చేశాడు. ఈసారి వారిద్దరిలో ఒకరిని నామినేట్ అవ్వమని చెప్పాడు బిగ్ బాస్. గత వారం చేసిన సాయాన్ని కూడా మర్చిపోయి శ్రీ సత్య అర్జున్ తో ఆటాడుకుంది. అర్జున్ గత వారం నీకు చాలా సాయం చేశాను కదా అన్నాడు, దానికి శ్రీ సత్య నువ్వు ఫ్రీగా ఇవ్వలేదు, పనులు చేయించుకుని ఇచ్చావ్ అంటూ వాదించింది. మళ్లీ శ్రీ సత్య డబుల్ గేమ్ లో ఓడిపోయాడు అర్జున్ కళ్యాణ్. 

ఇనయా వర్సెస్ శ్రీహాన్
ఇనయా,  శ్రీహాన్‌లకు ఒక్క నిమిషం పడదు. వారిద్దరినీ పిలిచాడు బిగ్ బాస్. ఇందులో ఇద్దరూ ఎప్పటిలాగే వాదించుకున్నారు. చివరికి ఇనయా తానే నామినేట్ అవుతానని, తాను కప్పు కొట్టేందుకు డిజర్వ్ పర్సన్ అని చెప్పుకుంది. 

ఆదిరెడ్డి - రేవంత్ లలో ఆదిరెడ్డి నామినేట్ అయినట్టు సమాచారం. అలాగే గీతూ - చంటిలలో చంటి నామినేట్ అయ్యాడని తెలుస్తోంది. 

ఎప్పుడు నామినేషన్లలో ఉండే రేవంత్, గీతూ మాత్రం ఈ సారి నామినేషన్లలో లేరు. కానీ నామినేషన్లలో ఉంటేనే ఫ్యాన్ బేస్ పెరుగుతుందని వారికి తెలియడం లేదు. 

అందుతున్న సమాచారం ప్రకారం ఎనిమిది మంది నామినేషన్లలో ఉన్నారు.

1. చంటి 
2. బాలాదిత్య
3. మెరీనా
4. ఆదిరెడ్డి
5. వాసంతి
6. ఫైమా
7. అర్జున్
8. ఇనయా