Bigg Boss Season 7: ఆ ఇద్దరికి బ్రెయిన్‌ లేదు అంటున్న కంటెస్టెంట్స్, భోలే బిగ్ బాస్‌కు ఎందుకు వచ్చాడో తెలీదట!
Bigg Boss Season 7: బిగ్ బాస్ సీజన్ 7లో వేర్వేరు బ్యాక్‌గ్రౌండ్స్ నుండి వచ్చిన కంటెస్టెంట్స్ అంతా ఒక్కచోట ఉంటారు కాబట్టి అందరికీ ఒక్కొక్క కంటెస్టెంట్‌పై ఒక్కొక్క విధమైన అభిప్రాయం ఏర్పడుతుంది.
బిగ్ బాస్ రియాలిటీ షోలలో వీకెండ్ ఎపిసోడ్‌లో ఎంత ఫన్ ఉంటుందో.. అంతే సీరియస్ యాంగిల్ కూడా ఉంటుంది. మామూలుగా ప్రతీ శనివారం ప్రసారం అయ్యే ఎపిసోడ్‌లో నాగార్జున.. కంటెస్టెంట్స్‌తో ఆడించే గేమ్స్ సరదాగానే ఉన్నా.. దాని వల్ల కంటెస్టెంట్స్ మధ్య గొడవలు ఎక్కువయ్యే అవకాశం కూడా ఉంటుంది. తాజాగా అలాంటి ఒక టాస్కే కంటెస్టెంట్స్‌తో ఆడించారు నాగ్. కంటెస్టెంట్స్ ముందు మూడు రకాల ట్యాగ్స్ పెట్టారు. అవే ‘బ్రెయిన్‌లెస్, యూజ్‌లెస్, ఏయిమ్‌లెస్’. అంటే ఒక్కొక్క కంటెస్టెంట్ వచ్చి తమ దృష్టిలో ఎవరు ఎక్కువగా మెదడు ఉపయోగించడం లేదని అనుకుంటున్నారో లేదా ఎవరు హౌజ్‌లో పనికిరారు అనుకుంటున్నారో లేదా ఎవరైతే లక్ష్యం లేకుండా ముందుకు వెళుతున్నారని అనుకుంటున్నారో చెప్పమన్నారు. అయితే కంటెస్టెంట్స్‌లో ఎక్కువమంది ఇద్దరిని బ్రెయిన్‌లెస్ అని, ఒకరిని ఏయిమ్‌లెస్ అని ఫిక్స్ చేశారు.
ఆట మొదలుపెట్టని భోలే షావలి..
ఈ టాస్కును అర్జున్‌తో మొదలుపెట్టమన్నారు నాగార్జున. దీంతో ముందుగా అర్జున్ వచ్చి ఏయిమ్‌లెస్ అనే ట్యాగ్‌ను తీసుకొని భోలే షావలి మెడలో వేశాడు. భోలే ఎప్పుడూ సరదాగా ఉంటూ, అందరినీ నవ్విస్తూ ఉంటున్నారు కానీ అసలు ఏది లక్ష్యం పెట్టుకోకుండా బిగ్ బాస్‌లోకి వచ్చారేమో అనిపిస్తుందని అర్జున్ తన అభిప్రాయాన్ని బయటపెట్టాడు. అర్జున్ తర్వాత ప్రియాంక కూడా భోలే ఏయిమ్‌లెస్ అని ఫీల్ అయ్యింది. సందీప్ కూడా అసలు భోలే ఇంకా గేమ్ సీరియస్ తీసుకోవడం లేదని, ఫన్నీగా మాట్లాడుతున్నారని అనుకుంటున్నారు కానీ ఒక్కొక్కసారి ఆయన మాటలకు కంట్రోల్ ఉండడం లేదని అన్నాడు. సందీప్, ప్రియాంక, అర్జున్.. భోలేను ఏయిమ్‌లెస్ అని భావిస్తే.. అమర్‌దీప్ మాత్రం బ్రెయిన్‌లెస్ అని భావించి తనకు ఆ ట్యాగ్‌ను ఇచ్చాడు.
జీనియస్ టాస్కులో ఫెయిల్..
ఇక ఈ వారం అమర్‌దీప్ ఆట బాగుందని నాగార్జున ప్రశంసించారు. కానీ కంటెస్టెంట్స్ మాత్రం తనను బ్రెయిన్‌లెస్ అని ట్యాగ్ వేశారు. ఇక శివాజీ తన అభిప్రాయాన్ని చెప్పడానికి ముందుకు వచ్చిన ప్రతీసారి అందులో అమర్‌దీప్ పేరు కచ్చితంగా ఉంటుంది. ఈసారి కూడా జీనియస్ టాస్క్‌లో అమర్‌దీప్ సరిగా ఆడకపోవడం వల్లే తనకు బ్రెయిన్‌లెస్ ట్యాగ్ ఇస్తున్నట్టు కారణం చెప్పి మరీ ఇచ్చారు శివాజీ. ఇక గౌతమ్ కూడా అదే టాస్క్‌ను గుర్తుచేసుకొని అమర్‌కు బ్రెయిన్‌లెస్ ట్యాగ్‌ను ఇచ్చాడు. ప్రిన్స్ యావర్ కూడా తనతో కూల్ డ్రింక్ విషయంలో గొడవపడ్డాడని, కెప్టెన్ తప్పా కూల్ డ్రింక్ తాగే అధికారం ఎవరికీ లేదని తెలిసినా.. గొడవపడ్డాడని అమర్‌ను బ్రెయిన్‌లెస్ అన్నాడు యావర్.
అశ్వినితో పూజా పోటీ..
వైల్డ్ కార్డ్ ఎంట్రీ ద్వారా బిగ్ బాస్ హౌజ్‌లోకి ఎంటర్ అయిన అశ్విని శ్రీ.. మొదటిరోజు నుండే అందరితో గొడవపెట్టుకోవడం మొదలుపెట్టింది. దీంతో నయని పావని, పూజా, శోభా శెట్టి.. అశ్వినితో అయిన గొడవలను గుర్తుచేసుకొని తనకు బ్రెయిన్‌లెస్ అనే ట్యాగ్ ఇచ్చారు. ఈ క్రమంలో తను స్ట్రాంగ్ అని చెప్పినా ఎవరూ నమ్మడం లేదని అశ్విని వాపోయింది. దీంతో పూజాతో కలిసి చేతి కుస్తీలో పోటీపడమని నాగార్జున చెప్పారు. ఆడిన మూడు ఆటల్లో రెండుసార్లు అశ్వినినే గెలిచి చూపించింది. అయితే తనను అందరూ కలుపుకోవాలి అంటే ముందు తను అందరితో కలవాలి అని అశ్వినికి సలహా ఇచ్చారు నాగార్జున.
Also Read: శోభా శెట్టి, తేజ డేటింగ్ - మోకాళ్లపై కూర్చొని ప్రపోజల్, శోభా సమాధానం ఇదే!
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
