Bigg Boss OTT Telugu: ఛాలెంజర్స్ టీమ్ పై ముమైత్ ఫైర్, ఎవరూ తగ్గట్లేదుగా 

'బిగ్ బాస్' నాన్-స్టాప్ షోలో నాల్గో రోజు మంగళవారం మార్నింగ్ నుంచి ఈవినింగ్ వరకు జరిగిన హైలెట్స్‌ను ఇప్పుడు చూసేద్దాం!

ఛాలెంజర్స్ టీమ్ పై ముమైత్ ఫైర్(Image Credit: Hotstar)

Bigg Boss Non Stop: 'బిగ్ బాస్' నాన్-స్టాప్ షో మొదలైంది. హోస్ట్ నాగార్జున 17 మంది కంటెస్టెంట్లను హౌస్‌లోకి పంపించారు. గత బిగ్ బాస్ సీజన్లలోని బిగ్ బాస్ సభ్యులను వారియర్స్‌గా, కొత్త సభ్యులను ఛాలెంజర్స్‌గా హౌస్‌లోకి పంపించారు. నాల్గో రోజు మంగళవారం మార్నింగ్ నుంచి ఈవినింగ్ వరకు జరిగిన హైలెట్స్‌ను ఇప్పుడు చూసేద్దాం!

అఖిల్ పై సెటైర్లు : ఈరోజు ఎపిసోడ్‌లో అఖిల్(Akhil), ముమైత్ ఖాన్(Mumaith Khan), స్రవంతి(Sravanthi), అజయ్‌(Ajay)లు కలిసి కాసేపు సరదాగా కబుర్లు చెప్పుకున్నారు. అఖిల్‌కు తగిన జోడీ దొరకడం లేదంటూ ముమైత్ ఖాన్న అనడంతో.. వైల్డ్ కార్డు ద్వారా అందమైన, కొత్త అమ్మాయిని పంపితే బాగుంటుందని అజయ్ అన్నాడు. దీంతో అఖిల్ 'పాతవాళ్లైనా పర్వాలేదు' అని సిగ్గుపడుతూ చెప్పాడు. దీంతో స్రవంతి, అజయ్‌లు.. 'నువ్వు ఎవరు రావాలని అనుకుంటున్నావో మాకు తెలుసు' అంటూ కాసేపు ఆటపట్టించారు. ఇంతలో ముమైత్ కూడా 'అవును, మీ గురించి విన్నాను. ఆమె నీకు వీడియో కాల్ చేసినప్పుడు నీతో మాట్లాడాను గుర్తుందా? అప్పుడు నిన్ను రమ్మని పిలిచాం, రాలేదు ఎందుకు?' అని ముమైత్ ఖాన్ అడిగింది. ఇందుకు అఖిల్ సమాధానం ఇస్తూ.. 'మేమిద్దరం మంచి ఫ్రెండ్స్, ఆమె కోసం వెతుకుతూ అక్కడికి వస్తే వేరేలా అనుకుంటారు. షూటింగ్స్ వల్ల ఆమెను మళ్లీ కలవడం కుదరలేదు. తాను కూడా షూటింగ్స్‌తో బిజీగా ఉంది' అని తెలిపాడు. 

కెప్టెన్సీ టాస్క్:  కెప్టెన్సీ టాస్క్ పోటీదారుల కోసం బిగ్ బాస్ వారియర్స్ అండ్ ఛాలెంజర్స్ కి కొన్ని టాస్క్ లు ఇచ్చారు. 'దమ్ముంటే చేసి చూపించు' అనే ఈ టాస్క్ లో రెండు టీమ్ లు పోటీపడ్డాయి. ఫైనల్ గా వారియర్స్ టీమ్ లీడ్ లో ఉండడంతో ఆ గ్రూప్ నుంచి కెప్టెన్సీ పోటీదారుల పేర్లను అనౌన్స్ చేయమని బిగ్ బాస్ చెప్పగా.. అందరూ కలిసి మహేష్ విట్టా, తేజస్వి పేర్లు చెప్పారు. 

నటరాజ్ మాస్టర్ కన్నీళ్లు : ఛాలెంజర్స్ టీమ్.. నటరాజ్ మాస్టర్(Nataraj Master) ని టార్గెట్ చేసినట్లుగా అతడిపై విరుచుకుపడ్డారు. నామినేషన్ ప్రాసెస్ జరిగిన దగ్గర నుంచి నటరాజ్ మాస్టర్ పై జోకులేసుకోవడం, ఆయన్ని కావాలనే మాటలనడం ఇలా జరుగుతుండడంతో నటరాజ్ మాస్టర్ ఎమోషనల్ అయ్యారు. తన కూతురి ఫొటో చూసుకుంటూ కన్నీళ్లు పెట్టుకున్నారు. ఆయన ఎమోషనల్ అవుతుంటే ఛాలెంజర్స్ టీమ్ లో కొందరు (శివ, స్రవంతి, అజయ్, అనిల్, బిందు మాధవి)ఆయనపై కామెడీ చేసుకున్నారు. అలా వెంటనే ఏడుపు ఎలా వస్తుందో ఆయనకు.. ఆయన్ని చూస్తే జాలేస్తుందంటూ వెటకారంగా కామెంట్స్ చేసుకున్నారు. 

ముమైత్ ఫైర్: వారియర్స్ అండ్ ఛాలెంజర్స్ కి బిగ్ బాస్ ఇచ్చిన టాస్క్ లో భాగంగా.. ఒక్కో టీమ్ నుంచి ముగ్గురు చొప్పున పోటీ పడాల్సి ఉంటుంది. స్టిక్కర్లు అతికించుకునే ఈ టాస్క్ లో వారియర్స్ టీమ్ కి సంచాలక్ గా ముమైత్, ఛాలెంజర్స్ టీమ్ కి సంచాలక్ గా శివ వ్యవహరించారు. ఏ టీమ్ అయితే ఎక్కువ స్టిక్కర్లను అవతలి టీమ్ వాళ్లపై అంటిస్తుందో వాళ్లే విజేతలు. స్టిక్కర్లను లెక్కించే క్రమంలో ముమైత్ కి ఛాలెంజర్స్ టీమ్ తో వాగ్వాదం చోటుచేసుకుంది. బిందు మాధవి మధ్యలోకి వచ్చి మాట్లాడడం ముమైత్ కి నచ్చలేదు. దీంతో ఆమె ఫైర్ అయింది. ముమైత్ ని కంట్రోల్ చేయడానికి అఖిల్ చాలా ప్రయత్నించాడు. అయినప్పటికీ ముమైత్ కోపం మాత్రం కంట్రోల్ అవ్వలేదు. తన టీమ్ నుంచి ఎవరూ మధ్యలో వచ్చి మాట్లాడలేదని.. ఛాలెంజర్స్ టీమ్ నుంచి రావడం కరెక్ట్ కాదని మండిపడింది. ఈ గేమ్ ఇంకా కంటిన్యూ అవుతూనే ఉంది.