News
News
X

Bigg Boss Non Stop Live Updates: నామినేషన్ ప్రక్రియ షురూ - మళ్లీ వారియర్స్ కి షాకిచ్చిన బిగ్ బాస్

‘బిగ్ బాస్’ హౌస్‌లో 2వ రోజు ఏం జరిగిందో తెలుసుకోవాలని ఉందా? ఈ పేజ్ ఎప్పటికప్పుడు రిఫ్రెష్ చేయండి.

FOLLOW US: 
నామినేషన్ లో ఉన్న కంటెస్టెంట్స్ ఎవరంటే :

ఈ వారం నామినేట్ అయిన కంటెస్టెంట్స్ ఎవరంటే.. నటరాజ్ మాస్టర్, సరయు, ముమైత్ ఖాన్, హమీద, అరియానా, అఖిల్. 

నామినేషన్ ప్రక్రియ షురూ

ఈరోజే నామినేషన్ ప్రక్రియ షురూ చేశారు బిగ్ బాస్. ఛాలెంజర్స్ టీమ్ నుంచి ప్రతి ఒక్కరూ.. వారియర్స్ టీమ్ నుంచి ఇద్దరు సభ్యులను ఇంటి నుంచి బయటకు పంపడానికి నామినేట్ చేయాల్సి ఉంటుంది. ఛాలెంజర్స్ టీమ్ సభ్యులు ఎవరినైతే నామినేట్ చేయాలనుకుంటున్నారో.. వాళ్లకి కొన్ని ట్యాగ్స్ ను ఇచ్చి కారణాలు చెప్పి నామినేట్ చేయాలని చెప్పారు బిగ్ బాస్. అంటే ఈ వారం ఛాలెంజర్స్ టీమ్ నుంచి ఎవరూ కూడా నామినేషన్ లో ఉండరన్నమాట.

యాంకర్ శివపై ముమైత్ కామెంట్స్: 

అఖిల్ రెండు, మూడు సార్లు బిగ్ బాస్ పంపించిన టాస్క్ రూల్స్ చదివి వినిపించుకున్నాడు. తరువాత అఖిల్, ముమైత్, స్రవంతి, అజయ్ కూర్చొని మాట్లాడుకున్నారు. యాంకర్ శివ గురించి మాట్లాడుకున్నారు. 'అతడు బయట వేరు ఇక్కడ వేరు' అంటూ స్రవంతి చెప్పింది. శివ టూమచ్ చేస్తున్నాడని ముమైత్ అంది. 

ఛాలెంజర్స్ టీమ్ పై అఖిల్ ఫైర్:

ఛాలెంజర్స్ టీమ్.. వారియర్స్ కి టాస్క్ లు ఇస్తుండడంతో అఖిల్.. చైతుపై కోప్పడ్డాడు. బిగ్ బాస్ ఇచ్చిన రూల్స్ ప్రకారం.. ఛాలెంజర్స్ టీమ్.. వారియర్స్ తో పనులు చేయించుకోవాలే తప్ప టాస్క్ లు ఇవ్వకూడదని అన్నారు. ఈ విషయాన్ని చైతు.. తన ఛాలెంజర్స్ టీమ్ తో క్లారిటీగా చెప్పడంతో వారంతా అంగీకరించారు. అయితే ఛాలెంజర్స్ ని ఇంప్రెస్ చేస్తేనే.. వారి దగ్గర నుంచి బెడ్ రూమ్ యాక్సెస్, బట్టలను దక్కించుకోవచ్చు కాబట్టి వారియర్స్ వాళ్లు చెప్పినట్లుగా వినడం తప్ప మరో ఆప్షన్ లేకుండా పోయింది. అయితే ఛాలెంజర్స్ టీమ్.. తమను సర్వెంట్స్ గా ట్రీట్ చేసే విధానం బాలేదని అఖిల్ ఫీలయ్యాడు. మనం మన సర్వెంట్స్ ని అలా ట్రీట్ చేయం కదా అంటూ తన వారియర్స్ టీమ్ తో చెప్పాడు. 

అషుతో తేజస్వి గొడవ:

రేషన్ గురించి ఛాలెంజర్స్ పట్టించుకోవడం లేదని ముమైత్.. వారియర్స్ టీమ్ కి చెప్పడంతో అషు నేరుగా వెళ్లి శివను నిలదీసింది. దీంతో శివ.. మేనేజర్ ముమైత్ ఖాన్ ను ప్రశ్నించాడు. ఛాలెంజర్స్ అలా చెప్పలేదని.. మీరు తప్పుగా అర్ధం చేసుకున్నారని అన్నాడు. దీంతో ముమైత్ వెళ్లి  అషురెడ్డిని ప్రశ్నించింది. ఇక్కడ విషయాలు అక్కడ చెప్పొద్దని వార్నింగ్ ఇచ్చింది. దీంతో అషు హర్ట్ అయింది కానీ అక్కడితో వదిలేసింది. కానీ తేజస్వి ఆ టాపిక్ ను ఎక్స్టెండ్ చేస్తూ.. 'ఇందాక నటరాజ్ మాస్టర్ తో పెరుగు తీసుకెళ్లి వాళ్ల(ఛాలెంజర్స్) మోహన కొడతానని సరదాగా డిస్కస్ చేస్తుంటే.. అషు కల్పించుకొని ఆ వర్డ్ వాడొద్దని చెప్పిందని' తేజస్వి తెలిపింది. తను ఎలా ఉండాలో కూడా ఆమె చెప్పేస్తుందని అనగా.. అషురెడ్డి తన వెర్షన్ చెప్పే ప్రయత్నం చేసింది. కానీ తేజస్వి మాత్రం వినలేదు. కావాలనే నన్ను, నటరాజ్ మాస్టర్ ని తప్పుగా పోట్రే చేస్తుందంటూ మండిపడింది.

చైతు చేసిన పనికి అషురెడ్డి షాక్:

ఛాలెంజర్స్.. వారియర్స్ తో సేవలు చేయించుకోవచ్చు కాబట్టి.. ఆర్జే చైతు  అషురెడ్డిని నీళ్లు తీసుకురమ్మని చెప్పాడు. ఆమె వాటర్ బాటిల్ ఫుల్ గా వాటర్ తీసుకురాగా.. తాగించమని అడిగాడు చైతు. ఆయన చెప్పినట్లుగానే చేసింది అషు. అయితే సడెన్ గా తన నోట్లో నీళ్లని అషు మొహంపై ఊశాడు చైతు. దీంతో అషు షాకైంది. నీళ్లు ఎక్కువ తాగించడంతోనే అలా చేయాల్సి వచ్చిందని చెప్పాడు. కానీ చైతు కావాలనే చేశాడనే విషయం క్లియర్ గా తెలుస్తుంది. దీన్ని అషురెడ్డి సీరియస్ గా తీసుకోకపోవడంతో ఇష్యూ అవ్వలేదు. 

మేనేజర్ గా ముమైత్..

ఫైనల్ గా ఛాలెంజర్స్ అందరూ డిసైడ్ చేసుకొని.. నటరాజ్ మాస్టర్,  తేజస్వి,అరియనా, అఖిల్ లను చెఫ్ లుగా ఎంపిక చేశారు. హౌస్‌ కీపింగ్ టీమ్ గా.. అషు, మహేష్, హమీద, సరయులను ఎంపిక చేశారు. మేనేజర్ గా ముమైత్ ను ఫైనల్ చేశారు. 

నటరాజ్ మాస్టర్ పై ఛాలెంజర్స్ ఫైర్:

అరియనా తను ఏ పనైనా చేయగలనని ఛాలెంజర్స్ కి చెప్పింది. ఈ క్రమంలో వారు అడిగే ప్రశ్నలకు ఫన్నీగా సమాధానాలు చెప్పింది. తనకు మేనేజర్ పొజిషన్ వద్దని.. పనులు బాగా చేయగలనని.. బ్రేక్ ఫాస్ట్ త్వరగా సర్వ్ చేయగలనని చెప్పారు. మేనేజర్ జాబ్ చేయగలరా..? అని ప్రశ్నించగా.. ప్రయత్నిస్తానని కొంచెం యాటిట్యూడ్ తో చెప్పడంతో ఛాలెంజర్స్ అప్సెట్ అయ్యారు. పొగరుగా సమాధానం చెప్పడం కరెక్ట్ కాదని.. కాస్త రెస్పెక్ట్ ఇవ్వాలంటూ ఛాలెంజర్స్ చెప్పారు. 

బిగ్ బాస్ హౌస్‌లో జాబ్ మేళా మొదలు

వారియర్స్‌ టీమ్‌కు పనులు కేటాయించేందుకు బిగ్ బాస్ హౌస్‌లో జాబ్ మేళా మొదలైంది. ఛాలెంజర్స్ టీమ్.. వారియర్స్ టీమ్‌ను ఇంటర్వ్యూ చేస్తున్నారు. 

ఛాలెంజర్స్ భోజనం చేశాకే, వారియర్స్ తినాలి

ఛాలెంజర్స్ భోజనం చేశాకే, వారియర్స్ తినాలి: ఇక భోజనం కూడా ఛాలెంజర్స్ తిన్న తర్వాతే వారియర్స్ తినాలి. వారియర్స్ అంతా ఒకే చోటు కూర్చొని తినాలి. వారియర్స్‌లో ఉన్న సభ్యులు పాత హౌస్‌మేట్స్ కాబట్టి.. వారికి ఇంటిని శుభ్రంగా ఉంచుకోవడం ఎలా ఉంటుందో తెలుస్తుందని, కాబట్టి ఇంటి పనులన్నీ ఇకపై వారియర్స్ మాత్రమే చేయాలని బిగ్ బాస్ కండీషన్ పెట్టాడు. ఈ రూల్స్ తప్పిన వారియర్స్‌ను శిక్షించే అవకాశాన్ని కూడా ఛాలెంజర్స్‌కే ఇచ్చాడు బిగ్ బాస్. వారియర్స్‌కు పనులు కేటాయించేందుకు బిగ్ బాస్ జాబ్ మేళా పెట్టాడు. ఈ సందర్భంగా వారియర్స్‌ను చాంఫియన్స్ ఇంటర్వ్యూ చేసి పనులు కేటాయిస్తారు. ఆ పనులకు సంబంధించిన ట్యాగ్‌ను వారికి ఇస్తారు. వారియర్స్ సక్రమంగా పనిచేసేందుకు వారిలో ఒకరిని మేనేజర్‌గా ఎంపిక చేస్తారు.  

సీనియర్లకు ‘బిగ్ బాస్’ షాక్, ఇక ఇంటి చాకిరీతోపాటు జూనియర్స్ చెప్పినట్లు చేయాల్సిందే!

సీనియర్స్ (వారియర్స్)కు ‘బిగ్ బాస్’ షాకిచ్చాడు. ఇకపై ఇంట్లో ఏ ప్రయోజనాలు కావాలన్నా జూనియర్స్ (ఛాలెంజర్స్)పై ఆధారపడాల్సిందే. వారియర్స్ అంటే.. ఇదివరకు ‘బిగ్ బాస్’ సీజన్లో పాల్గొన్న మాజీ కంటెస్టెంట్లు. ఛాలెంజర్స్ అంటే కొత్తగా ‘బిగ్ బాస్’లోకి వచ్చిన కంటెస్టెంట్లు. ఇక బిగ్ బాస్ పెట్టిన కొత్త రూల్స్‌లోకి వెళ్తే.. బెడ్ రూమ్ యాక్సెస్‌ను వారియర్స్‌కు పరిమితం చేశారు. ఛాలెంజర్స్ అనుమతి లభిస్తేనే బెడ్ రూమ్‌లో నిద్రపోయే అవకాశం వారియర్స్‌కు లభిస్తుంది. అలాగే వారియర్స్ పూర్తి లగేజ్ కూడా ఛాలెంజర్స్ ఆధ్వర్యంలోనే ఉంటుంది. ఆ లగేజ్ నుంచి ఒక్క వారియర్ మాత్రమే 5 వస్తువులు తీసుకోవాలి. ఇందుకు వారు ఛాలెంజర్స్ అనుమతి తీసుకోవాలి. 

‘బిగ్ బాస్‌’లో లొల్లి మొదలు: వీళ్లే నాకు నచ్చారు, అషును తేజు టార్గెట్ చేసుకోబోతుందా?

బిగ్ బాస్‌లో అప్పుడే గ్రూపులు ఏర్పడేలా కనిపిస్తున్నాయి. అషూరెడ్డి, సరయు, అరియానా, శివ ఎక్కువగా కలిసి కనిపిస్తున్నారు. మరోవైపు తేజస్వీ, ముమైత్‌లు కలిసి కనిపిస్తున్నారు. ఈ సందర్భంగా ముమైత్, తేజుల మధ్య ఆసక్తికరమైన చర్చ జరిగింది. ఇప్పటివరకు ఉన్న సభ్యుల్లో తనకు నచ్చినవాళ్లు వీరేనని చెప్పుకొచ్చింది. అషూ చేస్తున్న హడావిడి గురించి ప్రస్తావించింది. అయితే, తనకు నచ్చిన వ్యక్తుల్లో అషూ పేరును చెప్పకపోవడంతో త్వరలో తేజస్వి ఆమెను టార్గెట్ చేసుకొనే అవకాశాలు ఉన్నాయనిపిస్తోంది. ఇక తనకు ముమైత్, అజయ్, నటరాజ్, స్రవంతి అంటే ఇష్టమని చెప్పింది. మహేష్ విట్టా 60 శాతం నచ్చుతాడని చెప్పింది. అరియానా, అఖిల్‌తో తనకు పెద్దగా బాండ్ లేదని తేజు తెలిపింది. వారితో బాండ్ దానికదే కావాలని పేర్కొంది. ప్రస్తుతం అంతా సరదాగానే ఉన్నా.. మరికొద్ది సేపట్లో ‘బిగ్ బాస్’ పేల్చే బాంబ్ వీరి మధ్య చిచ్చుపెట్టే అవకాశాలున్నాయి. బిగ్ బాస్ సీనియర్స్ వారియర్స్‌కు, కొత్తగా వచ్చిన సభ్యులు ఛాంపియన్స్‌కు కొన్ని బెనిఫిట్స్ ఉంటాయని బిగ్ బాస్ చెప్పాడు. అవేంటనేది కొద్ది నిమిషాల్లో తెలిసిపోతుంది.  

ఎవరైనా గోకితే బాగుంటుందని అరియానా అనుకుంటోంది: అషూ

అరియానా, శివ, అషూ రెడ్డి వాష్ రూమ్ వద్ద పంచాయితీ పెట్టారు. అరియానా తనని ఎవరైనా గోకుతే బాగుంటుందని అనుకుంటుందని అషూ రెడ్డి అనడంతో.. అరియానా సరదాగా తీసుకుంది. గోకడమంటే ఆ గోకడం కాదని అషూ క్లారిటీ ఇచ్చే ప్రయత్నం చేసింది. తనతో పులిహోర కలపడానికి ప్రయత్నిస్తున్న శివకు అరియానా స్వీట్ వార్నింగ్ ఇచ్చింది. ‘‘పైకి ఎత్తి అక్కడ కూర్చోబెడతా, చూస్కో’’ అని సరదాగా హెచ్చరించింది. 

నన్ను పెళ్లి చేసుకుంటావా? చైతూకు సరయు బంపర్ ఆఫర్, డిస్కౌంట్స్ లేవట!

‘‘నీకు బంపర్ ఆఫర్ ఇస్తున్నా నన్ను పెళ్లి చేసుకుంటావా?’’ అంటూ సరయూ.. ఆర్జే చైతూను కాసేపు ఆట పట్టించింది. దీంతో చైతూ సరయు తో మాట్లాడుతూ ఈ  ఆఫర్‌లో డిస్కౌంట్స్ ఉంటాయా అని అడిగాడు. మరోవైపు హమీదా, నటరాజ్ కిచెన్‌లో కాసేపు సందడి చేశారు. నటరాజ్ ‘‘ఏం మాట్లాడుతున్నావ్, నరాలు కట్ అయిపోతున్నాయ్’’ అని అంటే.. హమీదా మరోలా అర్థం చేసుకుని.. ‘‘బిగ్ బాస్.. నా నరాలు కట్ చేస్తానని నటరాజ్ అంటున్నారు’’ అంటూ హంగామా చేసింది. దీంతో దోసలు వేస్తున్న నటరాజ్.. అట్లకర్ర చూపిస్తూ ‘‘వాతలు పెడతా’’ అన్నాడు. దీన్ని కూడా హమీదా వదిలి పెట్టకుండా సందడి చేసింది. అయితే, ఇదంతా సరదాకు మాత్రమే చేయడంతో నటరాజ్ కూడా సీరియస్‌గా తీసుకోలేదు. 

అషు రెడ్డి పొట్ట బయటకు వస్తోంది.. డాక్టర్‌ను పిలవండి: అరియానా

అషూ రెడ్డిని అరియానా ఆటపట్టిస్తూ.. ‘‘అషుకు పొట్ట బయటకు వస్తోంది. డాక్టర్‌ను పిలవండి. ఏమైనా తేడా జరిగితే కష్టం’’ అని పేర్కొంది. దీంతో అషూ ఇదేదో తేడాగా ఉందని రిప్లయ్ ఇచ్చింది. ఇందుకు బదులుగా ‘‘నన్ను సరిగ్గా పెంచలేదు’’ అని పేర్కొంది. 

సరయును ఎందుకు పంపించారు? బయట బోలెడన్ని వివాదాలున్నాయ్: అషురెడ్డి

సరయు, అరియానా, అషూ రెడ్డి కాసేపు తమ మేకప్ గురించి కబుర్లు చెప్పుకున్నారు. ఈ సందర్భంగా సరయును ఆట పట్టిస్తూ.. ‘‘ఈమెను ఎందుకు లోపలికి పంపించారు బిగ్ బాస్? ఈమెపై చాలా కంట్రవర్శీలు ఉన్నాయి’’ అని అషూ పేర్కొంది. అయితే సరయు దీనిపై పెద్దగా స్పందించలేదు.

అరియానాతో గోవా వెళ్లా: చైతూ

అరియానా తనకు ముందే తెలుసని చైతూ.. తేజస్వికి తెలిపాడు. 4వ సీజన్ ముగిసిన తర్వాత అరియానాతో కలిసి గోవాకు వెళ్లా, అక్కడ మేము.. అంటూ మధ్యలో ఆపేశాడు. బిగ్ బాస్ సాంగ్ కోసం వేచిచూస్తూ.. వీళ్లు ఇలా కబుర్లు చెప్పుకుంటూ టైంపాస్ చేస్తున్నారు. 

కోడి కూయక ముందే నిద్రలేచిన ఆర్జే చైతూ

ఆదివారం బిగ్ బాస్ నాన్ స్టాప్ (Bigg Boss Non Stop)లో ఆర్జే చైతూ ఇతర హౌస్ మేట్స్ కంటే ముందే నిద్రలేచాడు. ‘బిగ్ బాస్’తో కబుర్లు చెబుతూ టైంపాస్ చేశాడు. హౌస్‌లో అన్ని సామాన్లు తానే క్లీన్ చేశానని, రేపు తనకు పెళ్లయితే తన భార్య సామాన్లు తోమమని చెబితే ఏం చెప్పాలి అంటూ వాపోయాడు. ఆ తర్వాత తేజస్వి మదివాడ నిద్రలేవడంతో ఆమెతో కబుర్లు చెప్పాడు. సమయం 9.30 కావస్తున్నా.. బిగ్ బాస్ ఇంకా ఎవరినీ నిద్రలేకపోవడం విశేషం. 

Background

తెలుగు ప్రేక్షకులు ఎప్పుడెప్పుడా అని ఎదురు చూస్తున్న ‘బిగ్ బాస్ - నాన్‌స్టాప్’ ఓటీటీ సీజన్-1 శనివారం మొదలైపోయింది. హోస్ట్ అక్కినేని నాగార్జున 17 మంది సభ్యులను హౌస్‌లోకి పంపించారు. వీరిలో పాత, కొత్త కంటెస్టెంట్స్ ఉన్నారు. అంటే.. ‘బిగ్ బాస్’ గత సీజన్లలో ఎలిమినేట్ అయిన సభ్యులను మళ్లీ ఒకే వేదిక మీద చూసే అవకాశాన్ని ‘బిగ్ బాస్’ కల్పించాడు. ఈ నేపథ్యంలో ఆట మరింత రంజుగా ఉండనుంది. గత సీజన్లతో పోల్చితే బిగ్ బాస్ భిన్నంగా, కొత్తగా ఉండనుందని తెలుస్తోంది. మరి, ఆ హైలెట్స్ ఏమిటో చూసేయండి మరి. 

⦿ ఈ బిగ్ బాస్‌లో 17 మంది సభ్యులు ఎంట్రీ ఇచ్చారు. 
⦿ బిగ్ బాస్‌లో కంటెస్టెంట్లు 100 రోజులు ఉండేవారు. ఓటీటీ వెర్షన్‌ మాత్రం 84 రోజులకే ముగియనుంది. 
⦿ సాధారణ ‘బిగ్ బాస్’ సీజన్లలో అంతా కొత్త సెలబ్రిటీలే ఉంటారు. కానీ, ఈ బిగ్ బాస్‌లో మాత్రం గత సీజన్లో ఎలిమినేటైన సభ్యులు కూడా ఉన్నారు. 
⦿ గత సీజన్‌లో ఉన్న సభ్యులను వారియర్స్‌గా, కొత్త సభ్యులును ఛాలెంజర్స్‌గా విభిజించారు. 
⦿ ఈ సారి హౌస్‌లోకి ఎంట్రీ ఇచ్చేవారికి ఒక ‘హ్యాష్‌ట్యాగ్‌’ను ఇచ్చారు. వారు హౌస్‌లో ఎలా ఉండనున్నారో చెప్పేందుకు ఇదొక ట్యాగ్.
⦿ గత సీజన్లో ఉన్న బిగ్ బాస్ హౌస్ కంటే.. ఓటీటీ ‘నాన్ స్టాప్’ సీజన్ హౌస్ చాలా పెద్దదిగా, విశాలంగా ఉంది. 
⦿ ఈ సారి గార్డెన్ ఏరియాలో స్విమ్మింగ్ పూల్‌తోపాటు బాత్ టబ్ కూడా ఏర్పాటు చేశారు. 
⦿ గత సీజన్లలో కంటే.. భిన్నంగా, కలర్‌ఫుల్‌గా హౌస్ డిజైన్ చేశారు. 
⦿ రెగ్యులర్ ‘బిగ్ బాస్’ సీజన్లలో కంటే ఎక్కువ టాస్క్‌లు ఈ కొత్త సీజన్లో ఉండనున్నాయి. 
⦿ ‘బిగ్ బాస్ నాన్ స్టాప్’ 24x7 టెలికాస్ట్ కానుందనే సంగతి తెలిసిందే. అయితే, శనివారం మాత్రం రికార్డెడ్ ఎపిసోడ్స్‌ను మాత్రమే టెలికాస్ట్ చేశారు. ఆ తర్వాత లైవ్ టెలికాస్ట్ మొదలుపెట్టారు. 

బిగ్ బాస్ కంటెస్టెంట్లు వీరే:
వారియర్స్ టీమ్: 
1. అషురెడ్డి (సీజన్ 3)
2. మహేష్ విట్టా (సీజన్ 3)
3. ముమైత్ ఖాన్ (సీజన్ 1)
4. అరియనా (సీజన్ 4)
5. నటరాజ్ మాస్టర్ (సీజన్ 5)
6. తేజస్వి మదివాడ (సీజన్ 2)
7. సరయు (సీజన్ 5)
8. హమీద (సీజన్ 5) 
9. అఖిల్ సార్థక్ (సీజన్ 4)
 
ఛాలెంజర్స్:
1. ఆర్జే చైతు (ఆర్జే)
2. అజయ్ కతుర్వర్ (నటుడు)
3. స్రవంతి చొక్కారపు (యాంకర్)
4. శ్రీరాపాక (నటి)
5. అనిల్ రాథోడ్ (మోడల్)
6. మిత్రా శర్మ (నటి, నిర్మాత)
7. యాంకర్ శివ (యూట్యూబ్ యాంకర్)
8. బిందు మాధవి (హీరోయిన్) 

టాప్ స్టోరీస్

CM KCR Sings National Anthem: అబిడ్స్ లో సామూహిక జాతీయ గీతాలాపనలో పాల్గొన్న సీఎం కేసీఆర్ | ABP Desam

CM KCR Sings National Anthem: అబిడ్స్ లో సామూహిక జాతీయ గీతాలాపనలో పాల్గొన్న సీఎం కేసీఆర్ | ABP Desam

BJP Office: బీజేపీ ఆఫీసు ముందు కారు కలకలం, లోపల సూట్‌కేసు - బాంబ్‌ స్క్వాడ్‌కు కాల్, ఫైనల్‌గా ట్విస్ట్!

BJP Office: బీజేపీ ఆఫీసు ముందు కారు కలకలం, లోపల సూట్‌కేసు - బాంబ్‌ స్క్వాడ్‌కు కాల్, ఫైనల్‌గా ట్విస్ట్!

AP Dharmika Parishat : ఏపీలో ఆలయాల, మఠాల వ్యవహారాలన్నీ ఇక ధార్మిక పరిషత్ చేతుల మీదుగానే - ప్రభుత్వ జీవో రిలీజ్ !

AP Dharmika Parishat : ఏపీలో ఆలయాల, మఠాల వ్యవహారాలన్నీ ఇక ధార్మిక పరిషత్ చేతుల మీదుగానే -  ప్రభుత్వ జీవో రిలీజ్ !

Project K: రెండు భాగాలుగా ప్రభాస్ 'ప్రాజెక్ట్ K' - ఫ్యాన్స్‌కి పండగే!

Project K: రెండు భాగాలుగా ప్రభాస్ 'ప్రాజెక్ట్ K' - ఫ్యాన్స్‌కి పండగే!