Ram Pothineni: రామ్,బోయపాటి సినిమాలో బాలయ్య ఎపిసోడ్ - ఫ్యాన్స్ కి పండగే

రామ్-బోయపాటి సినిమాకి సంబంధించిన ఆసక్తికర వార్త సోషల్ మీడియాలో చక్కర్లు కొడుతోంది.  

రామ్,బోయపాటి సినిమాలో బాలయ్య ఎపిసోడ్

టాలీవుడ్ యంగ్ హీరో రామ్ పోతినేని ప్రస్తుతం లింగుస్వామి దర్శకత్వంలో 'వారియర్' అనే సినిమాలో నటిస్తున్నారు. ఇప్పటికే ఈ సినిమా షూటింగ్ పూర్తయింది. ఇటీవల విడుదలైన ఈ సినిమా టీజర్ ప్రేక్షకులను ఆకట్టుకుంటుంది. వచ్చే నెలలో ఈ సినిమా ప్రేక్షకుల ముందుకు రానుంది. ఇందులో కృతిశెట్టి హీరోయిన్ గా కనిపించనుంది. ఈ సినిమా తరువాత బోయపాటి దర్శకత్వంలో సినిమా చేయనున్నారు రామ్. 

దీనికి సంబంధించిన అఫీషియల్ అనౌన్స్మెంట్ కూడా వచ్చింది. శ్రీనివాసా చిట్టూరి ఈ సినిమాను నిర్మించనున్నారు. ఆగస్టులో ఈ సినిమా సెట్స్ పైకి వెళ్లనుంది. మాస్ ఎంటర్టైనర్ గా ఈ సినిమాను రూపొందిస్తున్నారు. ఇదిలా ఉండగా.. ఈ సినిమాకి సంబంధించిన ఆసక్తికర వార్త సోషల్ మీడియాలో చక్కర్లు కొడుతోంది. అదేంటంటే.. ఈ సినిమాలో బాలయ్య కనిపిస్తారట. కథ ప్రకారం.. ఈ సినిమాలో రామ్.. బాలయ్య అభిమానిగా కనిపించనున్నారని సమాచారం. 

ఓ సన్నివేశం మొత్తం బాలయ్య రిఫరెన్స్ లతో నిండిపోతుందట. ఆ సన్నివేశం బాలయ్య ఫ్యాన్స్ కి మంచి ట్రీట్ అని అంటున్నారు. ఇదివరకు వెండితెరపై చాలా మంది హీరోలు బాలయ్య అభిమానులుగా కనిపించారు. నాని కూడా 'కృష్ణగాడి వీరప్రేమ గాథ' సినిమాలో బాలయ్య ఫ్యాన్ గా కనిపించారు. అయితే ఈసారి మాత్రం చాలా స్పెషల్. ఎందుకంటే.. బోయపాటి శ్రీను ఆ సన్నివేశాన్ని డిజైన్ చేస్తున్నారు. ఆయన బాలయ్యను వెండితెరపై ఓ రేంజ్ లో ప్రెజంట్ చేస్తారు. ఇప్పుడు బాలయ్య అభిమానిగా రామ్ క్యారెక్టర్ ను ఎలా చూపిస్తారో మరి!

 

 

 

 

 

View this post on Instagram

 

 

 

 

 

 

 

 

 

 

 

A post shared by RAm POthineni (@ram_pothineni)