Nandamuri Balakrishna: బాలయ్య షోలో ముందుగా మంచు ఫ్యామిలీ.. ఆ తరువాత మెగాఫ్యామిలీ..

నందమూరి బాలకృష్ణ హోస్ట్ చేయబోయే షోలో మెగాస్టార్ చిరంజీవి తన కొడుకు రామ్ చరణ్ తో కలిసి పార్టిసిపేట్ చేయబోతున్నారట.

బాలయ్య షోలో ముందుగా మంచు ఫ్యామిలీ

నందమూరి బాలకృష్ణ తొలిసారి హోస్ట్ గా వ్యవహరించబోతున్నారు. ప్రముఖ డిజిటల్​ ప్లాట్​ఫామ్​ 'ఆహా' కోసం ఓ టాక్ షో చేయబోతున్నారు బాలయ్య. 'Unstoppable With NBK' అనే పేరుతో ఈ షోని టెలికాస్ట్ చేయబోతున్నారు. ఈ షోలో సినిమా ఇండస్ట్రీకి చెందిన పలువురు సెలబ్రిటీలను ఇంటర్వ్యూలు చేయబోతున్నారు. అయితే ఇందులోని తొలి ఎపిసోడ్​లో మంచు మోహన్​ బాబు అతిథిగా రానున్నారని ప్రచారం జరుగుతోంది. మోహన్ బాబుతో పాటు ఆయన ముగ్గురు పిల్లలు మంచు విష్ణు, మంచు మనోజ్, మంచు లక్ష్మీ కూడా రాబోతున్నారట. 

 

 

దీనికి సంబంధించిన ప్రోమోను దసరా నాడు విడుదల చేయడానికి ప్లాన్ చేస్తున్నారు. ఇదిలా ఉండగా.. ఈ షోకు సంబంధించిన మరో ఆసక్తికరమైన వార్త ఇప్పుడు టాలీవుడ్​లో చక్కర్లు కొడుతోంది. అదేంటంటే.. అన్నీ అనుకున్నట్లుగా జరిగితే ఈ షోలో మెగాస్టార్ చిరంజీవి తన కొడుకు రామ్ చరణ్ తో కలిసి పాల్గొనే ఛాన్స్ ఉంది. ప్రస్తుతం అల్లు అరవింద్ దీనికి సంబంధించిన చర్చలు మొదలుపెట్టేశారు. ఈ ఇద్దరి స్టార్ల వీలుని బట్టి ఎపిసోడ్ ని ప్లాన్ చేయబోతున్నారు. 

 

చిరంజీవిని బాలయ్య ఇంటర్వ్యూ చేయడమనేది అభిమానుల్లో ఉత్సాహాన్ని నింపడం ఖాయం. ఆ విధంగా రెండు వర్గాల ఫ్యాన్స్ ను ఆకట్టుకునే ప్రయత్నం చేస్తోంది 'ఆహా' టీమ్. ప్రస్తుతం బాలయ్య నటించిన 'అఖండ' సినిమా విడుదలకు సిద్ధంగా ఉంది. దీని తరువాత గోపీచంద్ మలినేని దర్శకత్వంలో ఓ సినిమా చేయబోతున్నారు బాలయ్య. అలానే మరికొంతమంది దర్శకులు లైన్లో ఉన్నారు. 

Aayana adugesi, Show modaledithe...

The Baap of all talk shows is here! 💥
Get ready for the Paisa Vasool entertainment.🤑#NBKonAHA pic.twitter.com/bPExyZ0Fbd

— ahavideoIN (@ahavideoIN) October 10, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి