Avika Gor: NET ట్రైలర్: గ్లామర్ డోసు పెంచిన అవికా గోర్.. బోల్డ్ సీన్స్‌లో రాహుల్ రామకృష్ణ

అవికా గోర్ గ్లామర్ డోస్ పెంచేసింది. తాజాగా విడుదలైన ‘నెట్’ వెబ్‌సీరిస్‌ ట్రైలర్‌లో హాట్‌గా కుర్రకారును కనువిందు చేస్తోంది.

Image Credit: Zee5/YouTube

‘చిన్నారి పెళ్లికూతురు’ సీరియల్‌తో తెలుగు ప్రేక్షకులకు పరిచయమైన అవికా గోర్ ఆ తర్వాత టాలీవుడ్‌లో ఓ మెరుపు మెరిసింది. ఇటీవలే లాంగ్ బ్రేక్ తీసుకున్న ఈ బ్యూటీ.. సెకండ్ ఇన్నింగ్స్‌లో గ్లామర్ డోసు పెంచేసింది. హాస్య నటుడు రాహుల్ రామకృష్ణ ప్రధాన పాత్రలో తెరకెక్కిన ‘NET’ వెబ్‌సీరిస్‌తో అవికా మరోసారి ప్రేక్షకులను అలరించేందుకు ముందుకొచ్చేస్తుంది. ఈ సందర్భంగా చిత్రం యూనిట్ తాజాగా ట్రైలర్ విడుదల చేసింది. థ్రిల్లర్‌, సస్పెన్స్ జోనర్‌లో రూపొందిన ఈ చిత్రంలో అడల్ట్ కంటెంట్ కూడా ఉన్నట్లు తెలుస్తోంది. మొత్తానికి అవికా ఈ సీరిస్‌తో డేరింగ్ చేస్తుందనే చెప్పాలి. ఇక ట్రైలర్ విషయానికి వస్తే...

అవికాగోర్ ఇంట్లో ఎవరో సీక్రెట్ కెమెరాలు పెడతారు. ఆ లైవ్‌ స్ట్రీమింగ్‌ను రాహుల్ రామకృష్ణ వీక్షిస్తూ... ఆనందిస్తుంటాడు. ఆమె తన బాయ్‌ఫ్రెండ్‌తో ఏకాంతంగా గడుపుతున్న క్షణాల నుంచి ఆమె దుస్తులు మార్చుకోవడం వరకు ప్రతి ఒక్కటీ తన మొబైల్‌లో చూస్తూ గడిపేస్తుంటాడు. మొబైల్‌లో ఏం చూస్తున్నావ్? అని అడిగిన భార్యను వేదిస్తాడు. ఆ వీడియోలు చూస్తున్న సమయంలో అతడికి అవికా ఇంట్లో ఓ అపరిచితుడు కనిపిస్తాడు. అతడి వల్ల ఆమెకు ముప్పు ఉందనుకుంటాడు. మరి, రాహుల్ రామకృష్ణ అవికాను రక్షించాడా? ఇంతకీ ఆ వ్యక్తి ఎవరు? ఈ ప్రశ్నలకు సమాధానం తెలియాలంటే.. NET సినిమా విడుదలయ్యే వరకు వేచి చూడాల్సిందే. 

ఈ చిత్రంలో అవికాగోర్ ప్రియా అనే మోడ్రన్ అమ్మాయి పాత్రలో నటిస్తోంది. చిత్ర యూనిట్ ఈ సినిమా టీజర్‌ను గురువారం విడుదల చేసింది. ఇందులో రాహుల్.. అవికాగోర్‌ను సీక్రెట్ కెమేరాల ద్వారా లైవ్‌‌స్ట్రీమింగ్‌లో చూస్తుంటాడు. తన మొబైల్ తీసిన భార్యపై అతడు మండిపడతాడు. అవికాగోర్ ప్రైవేట్ లైఫ్ మొత్తాన్ని మొబైల్‌లో చూసేందుకు అతడు ఓ నిఘా సంస్థలో రిజిస్టర్ అవుతాడు. వారు స్ట్రీమింగ్ చేసే వీడియోలు చూస్తూ ఆనందిస్తాడు. ఆ తర్వాత కొన్ని ఉత్కంటభరిత సన్నివేశాలతో ట్రైలర్ ముగిసింది. ఈ థ్రిల్లర్ సినిమాను చూడాలంటే కొద్ది రోజులు వేచి చూడాల్సిందే. ‘నెట్’ సినిమా సెప్టెంబరు 10న ZEE5 ఓటీటీ ప్లాట్‌ఫామ్‌లో విడుదల కానుంది. ట్రైలర్‌ను ఇక్కడ చూసేయండి. 

ట్రైలర్:

రాజు గారి గది 3’ సినిమా తర్వాత అవికా గోర్ మళ్లీ ఏ సినిమాలోనూ నటించలేదు. ‘నెట్’తోపాటు మరో సినిమాతో తెలుగు ప్రేక్షకుల ముందుకు వస్తోంది.  నవీన్ చంద్రతో కలిసి నటిస్తొంది. అయితే, హీరోయిన్‌గా మాత్రం కాదు.. అతడికి చెల్లెల్లుగా కనిపించనుంది. ఇటీవల హీరోయిన్ రష్మిక మందన్నా చేతుల మీదుగా ఈ మూవీ టైటిల్ పోస్టర్‌ను విడుదల చేశారు. హ్యాష్ ట్యాగ్ బ్రో (#BRO) టైటిల్‌తో వస్తున్న ఈ సినిమా తప్పకుండా అందరినీ అలరిస్తుందని దర్శక నిర్మాతలు భావిస్తున్నారు. రాఖీ పండుగ నేపథ్యంలో ఈ చిత్రాన్ని విడుదల చేసే అవకాశాలు కనిపిస్తున్నాయి. ఈ చిత్రానికి కార్తీక్ తురుపాని దర్శకత్వం వహిస్తోన్నారు. ఈ మూవీని రవిచంద్ నిర్మిస్తుండగా.. శేఖర్ చంద్ర సంగీతాన్ని సమకూరుస్తున్నారు.