అన్వేషించండి

Anasuya: చంద్రకళగా అనసూయ, ఎంత పద్దతిగా ఉందో

రవితేజ నటించిన 'ఖిలాడి' సినిమాలో నటించింది అనసూయ. ఇందులో ఆమె చంద్రకళ అనే క్యారెక్టర్ పోషిస్తుంది.

By : ABP Desam | Updated at : 04 Feb 2022 06:32 PM (IST)

చంద్రకళగా అనసూయ, ఎంత పద్దతిగా ఉందో

యాంకర్ అనసూయ బుల్లితెరపై పలు టీవీ షోలతో బిజీగా ఉన్నా.. వెండితెరపై కూడా తన సత్తా చాటుతోంది. సినిమాల్లో కీలకపాత్రలు పోషిస్తూ.. తన క్రేజ్ ను పెంచుకుంటుంది. ఇటీవల 'పుష్ప' సినిమాలో దాక్షాయణి క్యారెక్టర్ లో కనిపించింది ఈ బ్యూటీ. డిఫరెంట్ గెటప్ లో కనిపిస్తూ.. తన నటనతో ఆకట్టుకుంది. 'పుష్ప' పార్ట్ 2లో అనసూయ రోల్ హైలైట్ గా నిలుస్తుందని చెబుతున్నారు.

ఇదిలా ఉండగా.. ఈ బ్యూటీ రవితేజ నటించిన 'ఖిలాడి' సినిమాలో నటించింది. ఇందులో ఆమె చంద్రకళ అనే క్యారెక్టర్ పోషిస్తుంది. దీనికి సంబంధించిన పోస్టర్ ను చిత్రబృందం విడుదల చేసింది. ఈ పోస్టర్ లో చీర కట్టుకొని, సిగ్గుపడుతూ కనిపించింది అనసూయ. ప్రస్తుతం ఈ పోస్టర్ సోషల్ మీడియాలో వైరల్ అవుతోంది.

అయితే ఈ సినిమాలో అనసూయ డ్యూయల్ రోల్ పోషిస్తుందని.. హీరోయిన్ తల్లి క్యారెక్టర్ లో, హీరోకి అత్తగా కనిపిస్తుందని ఇలా ఆమె పాత్రకు సంబంధించిన వార్తలు వినిపిస్తూనే ఉన్నాయి. కానీ అనసూయ గెటప్ చూస్తుంటే.. తల్లి క్యారెక్టర్ చేసేలా కనిపించడం లేదు. త్వరలోనే ఆమె రోల్ పై క్లారిటీ రానుంది.

రవితేజ హీరోగా నటించిన ఈ సినిమాలో మీనాక్షి చౌదరి, డింపుల్ హయతి హీరోయిన్లుగా నటించారు. కోనేరు సత్యనారాయణ, హవీష్ నిర్మించిన ఈ సినిమాను రమేష్ వర్మ డైరెక్ట్ చేశారు. దేవిశ్రీప్రసాద్ సంగీతం అందిస్తోన్న ఈ సినిమాను ఫిబ్రవరి 11న విడుదల చేయబోతున్నట్లు అనౌన్స్ చేశారు. అయితే ఏపీలో ఇప్పటికీ నైట్ కర్ఫ్యూ నడుస్తోంది. ఇది సినిమా కలెక్షన్స్ పై ఎఫెక్ట్ చూపిస్తుందేమో చూడాలి!