Vimanam Movie Update: ‘విమానం’ నుంచి సరికొత్త అప్ డేట్, మే డే సందర్భంగా అనసూయ స్టన్నింగ్ లుక్ రివీల్!

సముద్రఖని, అనసూయ భరద్వాజ్, మీరా జాస్మిన్, మాస్ట‌ర్ ధ్రువ‌న్‌, రాహుల్ రామ‌కృష్ణ‌, ధ‌న్‌రాజ్‌, రాజేంద్ర‌న్ ప్రధాన పాత్రల్లో నటించిన సినిమా 'విమానం'. తెలుగు, తమిళ భాషల్లో ఈ సినిమా ఒకేసారి తెరకెక్కిస్తున్నారు. శివ ప్రసాద్ యానాల దర్శకత్వంలో తెరకెక్కుతున్న ఈ సినిమాతో  మీరా జాస్మిన్ తెలుగులోకి రీ ఎంట్రీ ఇస్తున్నారు.

మేడే సందర్భంగా స్పెషల్ అప్ డేట్

మేడే(మే1న) సందర్భంగా చిత్ర బృందం సరికొత్త అప్ డేట్ ఇచ్చింది. అనసూయకు సంబంధించిన ఫస్ట్ లుక్ విడుదల చేసింది. తెలుగు, తమిళ భాషల్లో ఈ సినిమా పోస్టర్లను రిలీజ్ చేసింది. ఎర్ర రంగు జాకెట్, పూల పూల చీరలో చక్కటి చిరునవ్వుతో అనసూయ ఆకట్టుకుంటోంది. చేతికి ఎర్రని గాజులు, ముక్కుకు ముక్కెర, కాళ్లకు పట్టీలు పెట్టుకుని ఇంటి ముందు అరుగు మీద కూర్చుని స్టన్నింగ్ లుక్స్ తో మెస్మరైజ్ చేస్తోంది.  

She is strong & courageous with utmost inner belief ❤️

The dazzling @anusuyakhasba is ready to swoon you in #VIMANAM ✈️

- https://t.co/IZ8n3XD46E#HappyMayDay

Landing in your nearest theatres on June 9th🎥@thondankani #Meerajasmine @eyrahul @DhanrajOffl #SivaPrasadYanala pic.twitter.com/sis6BHLN6i

— Zee Studios South (@zeestudiossouth) May 1, 2023

మే 2న 'రేలా రేలా..' సాంగ్

'విమానం' సినిమాలో తొలి పాట 'రేలా రేలా...'ను మే 2న మధ్యాహ్నం మూడు గంటలకు విడుదల చేయనున్నట్లు ఇప్పటికే చిత్ర బృందం తెలిపింది. ఈ చిత్రానికి చరణ్ అర్జున్ సంగీతం అందిస్తున్నారు. ఆల్రెడీ విడుదల చేసిన పాటలో సముద్రఖనిని వికలాంగుడిగా చూపించారు.

The Heartwarming 1st single #RelaRela | #YeleYele from #VIMANAM will be out on May 2nd @ 3:00 PM 🤗

Stay tuned ⏳

Landing in your nearest theatres on June 9th🎥@thondankani @anusuyakhasba #Meerajasmine @eyrahul @DhanrajOffl #SivaPrasadYanala @KkCreativeWorks @lemonsprasad… pic.twitter.com/WP6O2n12zP

— Zee Studios South (@zeestudiossouth) April 29, 2023

జూన్ 9న 'విమానం' విడుదల

జూన్ 9న ఈ చిత్రాన్ని విడుదల చేయనున్నట్లు మేకర్స్ తెలిపారు. జీ స్టూడియోస్‌, కిర‌ణ్‌ కొర్ర‌పాటి క్రియేటివ్ వ‌ర్క్స్ సంస్థలు నిర్మిస్తున్న చిత్రమిది. ‘విమానం’ సినిమా నుంచి ఇప్పటికే విడుదలైన సముద్రఖని ఫస్ట్ లుక్, ప్రోమో ప్రేక్షకులలో క్యూరియాసిటీ పెంచుతున్నాయి. ఈ చిత్రంలో సముద్రఖని పాత్ర ప్రత్యేకంగా ఉండబోతుందని అర్థం అవుతోంది. అంగ వైక‌ల్యంతో బాధ‌ప‌డే మ‌ధ్య వ‌య‌స్కుడిగా, భార్య లేక‌పోయినా కన్న కుమారుడిని జాగ్ర‌త్త‌గా చూసుకునే తండ్రి వీర‌య్య పాత్ర‌లో సముద్రఖని న‌టించారు. ప్రోమోలో తండ్రీ కుమారుల మధ్య అనుబంధాన్ని అందంగా ఆవిష్కరించారు.   

''జీవితంలో ఏదో సాధించాల‌ని మ‌న‌కు చెప్పే పాత్ర‌ల‌ను వెండితెర‌పై చూడ‌టానికి ప్రేక్ష‌కులు ఎప్పుడూ ఇష్ట‌ప‌డ‌తారు. అలాంటి పాత్రల‌తో రూపొందిన చిత్ర‌మే ఈ 'విమానం'. తండ్రి కుమారుల అనుబంధంతో పాటు ఎన్నో మంచి అంశాలు మా సినిమాలో ఉన్నాయి'' అని చిత్ర బృందం పేర్కొంది. ఈ సినిమాలో అనసూయ పాత్ర ప్రత్యేకంగా ఉండబోతుందట. ప్రోమోకు లభిస్తున్న స్పందన పట్ల చిత్ర బృందం సంతోషం వ్యక్తం చేసింది.  ఈ సినిమాను జూన్ 9న ప్ర‌పంచ వ్యాప్తంగా విడుదల చేయనున్నట్టుగా ప్రకటించింది.

Read Also: ఖరీదైన బ్యాగ్‌తో కనిపించిన మహేష్ బాబు, దాని ధర ఎంతో తెలిస్తే ఆశ్చర్యపోవ్వాల్సిందే!