Akhanda Collections: అమెరికాలో 3 రోజుల్లో రూ.5 కోట్లు.. బాలయ్య స్టామినా ఇది..

కోవిడ్ సెకండ్ వేవ్ తరువాత ఓవర్సీస్ లో విడుదలై అత్యధిక వసూళ్లు రాబట్టిన సినిమా 'అఖండ' అని తెలుస్తోంది. 

అమెరికాలో 3 రోజుల్లో రూ.5 కోట్లు.. బాలయ్య స్టామినా ఇది..

నందమూరి బాలకృష్ణ నటించిన 'అఖండ' సినిమా థియేటర్లలో సందడి చేస్తోంది. ఈ మధ్యకాలంలో బేరియర్స్ అనేవి లేకుండా ప్రేక్షకులంతా కలిసి ఎంజాయ్ చేస్తోన్న సినిమా ఇదేనేమో. అన్ని వర్గాల ప్రేక్షకుల నుండి ఈ సినిమాకి భారీ రెస్పాన్స్ వస్తోంది. రెండు తెలుగు రాష్ట్రాల్లోనే కాకుండా.. ఓవర్సీస్ కూడా ఈ సినిమా బాక్సాఫీస్ ను షేక్ చేస్తోంది. తొలి షో నుంచే భారీ కలెక్షన్స్ ను సాధిస్తూ రికార్డు సృష్టిస్తోంది. కోవిడ్ సెకండ్ వేవ్ తరువాత ఓవర్సీస్ లో విడుదలై అత్యధిక వసూళ్లు రాబట్టిన సినిమా 'అఖండ' అని తెలుస్తోంది. 

ఇండియన్ కరెన్సీ ప్రకారం.. ఈ సినిమా కెనడాలో రూ.13 లక్షలు, యూకేలో రూ.32 లక్షలు, ఆస్ట్రేలియాలో రూ.52 లక్షలు రాబట్టింది తెలుస్తోంది. ఇక అమెరికాలో మూడు రోజులకు కలిపి ఈ సినిమా రూ.5 కోట్లకు పైగా కలెక్షన్స్ ను రాబట్టింది. ఈ విషయాన్ని ఓవర్సీస్‌ డిస్ట్రిబ్యూషన్‌ సంస్థ రాధాకృష్ణ ఎంటర్‌టైన్‌మెంట్స్‌ వెల్లడించింది. వీకెండ్ లో కలెక్షన్స్ మరింత పెరిగే ఛాన్స్ ఉంది. లాంగ్ రన్ లో ఈ సినిమా సత్తా చాటడం ఖాయం.

ఈ సినిమాలో బాలయ్యకు జోడీగా ప్రగ్యాజైస్వాల్ నటించింది. శ్రీకాంత్, నితిన్ మెహతా లాంటి నటులు విలన్ పాత్రల్లో కనిపించారు. జగపతి బాబు, పూర్ణ లాంటి తారలు కీలకపాత్రలు పోషించారు. తమన్ ఈ సినిమాకి సంగీతం అందించగా.. ద్వారకా క్రియేషన్స్‌ పతాకంపై మిర్యాల రవీందర్‌ రెడ్డి ఈ సినిమాను నిర్మించారు. 

Unstoppable Boxoffice Bonanza #Balakrishna #Akhanda 🦁 in 🇺🇸 USA. Crossed $700k. Catch the movie on big screen near you @Cinemark MovieClub @AMCTheatres enabled @RegalMovies @Marcus_Theatres @CMXCinemas @AppleCinemas @Kerasotes @ShowPlaceIcon @Malcotheatres @mjrtheatres pic.twitter.com/dIta8bOCtp

— Radhakrishnaentertainments (@Radhakrishnaen9) December 5, 2021

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి