Ajith Kumar: అజిత్ ఇంటికి నేరుగా వెళ్లి పరామర్శించిన విజయ్ - పోటీ బాక్సాఫీస్ దగ్గరే, పర్సనల్ లైఫ్‌లో కాదు!

తమిళ స్టార్ హీరో అజిత్ తండ్రి పీఎస్ మణి శుక్రవారం మరణించిన సంగతి తెలిసిందే. మరో తమిళ హీరో  విజయ్... అజిత్‌ను స్వయంగా పరామర్శించి, ఆయన తండ్రి మృతి పట్ల సంతాపం తెలిపారు. గత నాలుగేళ్లుగా స్ట్రోక్‌తో బాధపడుతున్న నటుడు అజిత్ తండ్రి పీఎస్ మణి ఈరోజు (మార్చి 24) తెల్లవారుజామున 85 ఏళ్ల వయసులో మరణించారు. చెన్నైలోని ఎంచంబాక్కంలోని అజిత్ ఇంటికి విజయ్ వెళ్లి సంతాపం వ్యక్తం చేయగా ఈ విషయాన్ని అజిత్, విజయ్ ఫ్యాన్స్ ఇంటర్నెట్‌లో విపరీతంగా షేర్ చేస్తున్నారు.

తెల్లవారుజామున 3.15 గంటల ప్రాంతంలో పీఎస్ మణి అనారోగ్యంతో కన్నుమూశారు. తమిళనాడు ముఖ్యమంత్రి స్టాలిన్, పామా అధ్యక్షుడు అన్బుమణి రామదాస్, పలువురు రాజకీయ నేతలు, సినీ పరిశ్రమ ఆయన తండ్రిని కోల్పోయిన అజిత్‌కు సంతాపం తెలియజేస్తూనే ఉన్నారు. అంతకుముందు మంత్రి ఉదయనిధి స్టాలిన్, మాజీ మంత్రి జయకుమార్ తదితరులు అజిత్ నివాసానికి వెళ్లి సంతాపం తెలిపారు.

విజయ్, అజిత్ స్నేహం

నటులు అజిత్, విజయ్ 1995లో విడుదలైన 'రాజావిన్ పర్వాయిలే' అనే చిత్రంలో కలిసి నటించారు, అప్పటి నుండి వారిద్దరూ తమ స్క్రీన్ లైఫ్‌కు మించిన స్నేహాన్ని ఎంజాయ్ చేస్తున్నారు. అజిత్ భార్య షాలిని కూడా విజయ్‌తో ‘వల్లంకు కుంశ’, ‘కన్నుకున్ నిలవు’ చిత్రాల్లో నటించడంతో అజిత్ కుటుంబం, విజయ్ కుటుంబం మంచి స్నేహాన్ని కొనసాగిస్తున్నాయి.

ఈ సంక్రాంతికి అజిత్ ‘తునివు’, విజయ్ ‘వారిసు’ థియేటర్లలో విడుదలయ్యాయి. ఇద్దరి ఫ్యాన్స్ మధ్య సోషల్ మీడియాలో వివాదం నెలకొంది. అటువంటి పరిస్థితిలో అజిత్ ఇంటికి వెళ్లి విజయ్ ఓదార్చడం సోషల్ మీడియాలో వైరల్ అవుతుంది.

సుబ్రమణియం వయసు 84 ఏళ్ళు. ఆయన స్వస్థలం కేరళ రాష్ట్రంలోని పాలక్కాడ్. ఆయనకు భార్య మోహిని, ముగ్గురు పిల్లలు ఉన్నారు. ముగ్గురిలో అజిత్ కుమార్ హీరో కాగా... మరో ఇద్దరి పేర్లు అనూప్ కుమార్, అనిల్ కుమార్. కొన్ని రోజులు అజిత్ ఫ్యామిలీ హైదరాబాద్ సిటీలో ఉన్నారు.

అంతకుముందు అజిత్ కుటుంబం విడుదల చేసిన ఒక ప్రకటనలో, "మా నాన్న పీ. ఎస్. మణి (85) చాలా రోజులుగా అనారోగ్యంతో బాధపడుతూ మంచం మీద ఉన్నారు. ఈ తెల్లవారుజామున నిద్రలోనే తుదిశ్వాస విడిచారు.

ఈ విషాద సమయంలో మా నాన్నగారి మరణవార్త గురించి ఆరా తీయడానికి, మా కుటుంబాలను ఓదార్చడానికి చాలా మంది మాకు ఫోన్‌లు చేశారు, మెసేజ్‌లు పంపారు. ప్రస్తుత వాతావరణంలో మీ కాల్‌కు లేదా మెసేజ్‌కు ప్రత్యుత్తరం ఇవ్వలేని మా అసమర్థతను మీరు అర్థం చేసుకుంటారని మేం ఆశిస్తున్నాము.

మా నాన్నగారి అంత్యక్రియలను కుటుంబ కార్యంగా భావిస్తున్నాం. కావున ఈ మరణం గురించి తెలిసిన వారందరూ మా బాధను, నష్టాన్ని అర్థం చేసుకుని కుటుంబ సభ్యులతో కలిసి సంతాపాన్ని పాటించి అంత్యక్రియలను ఏకాంతంగా నిర్వహించాలని కోరుతున్నాము - అనూప్ కుమార్, అజిత్ కుమార్, అనిల్ కుమార్,” అని పేర్కొన్నారు.

సినిమాలకు వస్తే... విఘ్నేష్ శివన్ దర్శకత్వంలో హీరోగా ఓ సినిమా చేయాలని అజిత్ కుమార్ ప్లాన్ చేశారు. అయితే, ఆ సినిమా మధ్యలో ఆగింది. దాన్ని పక్కన పెట్టేశారు. విఘ్నేష్ శివన్ బదులు 'కలగ తలైవన్' దర్శకుడు తిరుమేని (Magizh Thirumeni) తో సినిమా చేస్తున్నారు అజిత్. లైకా ప్రొడక్షన్స్ సంస్థ ఆ సినిమా ప్రొడ్యూస్ చేయనుంది.