అన్వేషించండి

ఎన్నికల ఫలితాలు 2024

(Source: Poll of Polls)

Dhanush-Aishwarya: రజినీ ఇద్దరు కూతుళ్లదీ అదే బాట.. ఐశ్వర్య విడాకులపై సౌందర్య స్పందన ఇది..

ధనుష్-ఐశ్వర్యల విషయంలో చాలాసార్లు రూమర్లు వచ్చాయి. 18 ఏళ్లపాటు కలిసి ఉన్న ఈ జంట చివరిగా విడాకుల ప్రకటన చేసింది.

By : ABP Desam | Updated at : 18 Jan 2022 06:24 PM (IST)

రజినీ ఇద్దరు కూతుళ్లదీ అదే బాట..

తమిళ సూపర్ స్టార్ రజినీకాంత్ ఇద్దరు కూతుళ్లూ విడాకుల బాట పట్టారు. దాదాపు ఐదేళ్ల క్రితం రజినీకాంత్ చిన్న కూతురు సౌందర్య విడాకుల ప్రకటన చేశారు. ఒక వ్యాపారవేత్తతో ఆమెకి వివాహం కాగా.. వారికొక బిడ్డ కూడా జన్మించాడు. అయితే వారి పెళ్లి బంధం ఎక్కువరోజులు నిలవలేదు. భర్తతో విడాకులు తీసుకున్న సౌందర్య.. ఆ తరువాత మరో పెళ్లి చేసుకుంది. మూడేళ్ల క్రితమే కుటుంబసభ్యుల సమక్షంలో ఆమెకి రెండో పెళ్లి జరిగింది.

ఇక ధనుష్-ఐశ్వర్యల విషయంలో చాలాసార్లు రూమర్లు వచ్చాయి. 18 ఏళ్లపాటు కలిసి ఉన్న ఈ జంట చివరిగా విడాకుల ప్రకటన చేసింది. ఇలా తమిళసూపర్ స్టార్ రజినీకాంత్ ఇద్దరి కూతుళ్ల జీవితంలోనూ విడాకులు చోటుచేసుకున్నాయి. తన సోదరి ఐశ్వర్యకు ఈ విషయంలో సపోర్ట్ గా నిలిచింది రజినీకాంత్ చిన్న కూతురు. అక్క విడాకుల నిర్ణయానికి సపోర్ట్ ఇస్తున్నట్లుగా ట్విట్టర్ ఖాతాలో ప్రొఫైల్ ఫొటోను మార్చింది.

తండ్రి రజినీకాంత్ తో చిన్నప్పుడు దిగిన ఫొటోను తన ప్రొఫైల్ పిక్ గా పెట్టుకుంది. అందులో రజినీకాంత్ ఇద్దరు కూతుళ్లను ఎత్తుకొని ఉన్నారు. ప్రస్తుతం ఈ ఫొటో సోషల్ మీడియాలో వైరల్ అవుతోంది. సౌందర్యను ఐశ్వర్యకు సపోర్ట్ గా ఉండమంటూ నెటిజన్లు కోరుతున్నారు. మరి సౌందర్య లానే ఐశ్వర్య కూడా మరో వివాహం చేసుకుంటుందేమో చూడాలి!