Rashmika Mandanna: జిమ్‌లో మిడ్ నైట్ రష్మిక వర్కవుట్స్... 100 కేజీలు ఎత్తిన నేషనల్ క్రష్

వరుస పాన్ ఇండియా మూవీస్ తో ఫుల్ బిజీగా గడుపుతోంది రష్మిక మందన్న. తాజాగా ఈ ముద్దుగుమ్మ నైట్ షూటింగ్ లతో ఫుల్ బిజీగా ఉన్నట్లు వెల్లడించింది. రాత్రి ఏదో, పగలు ఏదో తెలియట్లేదని చెప్పుకొచ్చింది.

హీరోయిన్ రష్మిక మందన్న(Photo Credit:Rashmika Mandanna/Instagram)

Rashmika Mandanna About ‘Kubera’ Night Shootings: కన్నడలో తన సినీ జర్నీని మొదలు పెట్టిన ముద్దుగుమ్మ రష్మిక మందన్న. ప్రస్తుతం పాన్ ఇండియన్ హీరోయిన్ గా మారిపోయింది. ‘పుష్ప’ సినిమాతో దేశ వ్యాప్తంగా గుర్తింపు తెచ్చుకున్న ఆమె... రీసెంట్ గా ‘యానిమల్’ చిత్రంతో సత్తా చాటింది. ఈ సినిమా ఏకంగా రూ. 900 కోట్లకు పైగా వసూళ్లు సాధించింది. ప్రస్తుతం సౌత్ తో పాటు నార్త్ లోనూ సత్తా చాటుతోంది. వరుస సినిమాలో దూసుకెళ్తోంది. అల్లు అర్జున్ తో కలిసి ‘పుష్ప 2’తో పాటు ధనుష్, నాగార్జునతో కలిసి ‘కుబేర’ సినిమా చేస్తోంది. అటు ‘గర్ల్ ఫ్రెండ్’ అనే లేడీ ఓరియెంటెడ్ మూవీలోనూ నటిస్తోంది.

‘కుబేర‘ కోసం కష్టపడుతున్న రష్మిక

‘పుష్ప 2’ సినిమా షూటింగ్ కొద్ది రోజుల క్రితమే పూర్తి చేసుకున్న రష్మిక, ప్రస్తుతం ధనుష్ ‘కుబేర’ సినిమాలో నటిస్తోంది. టాలీవుడ్ డైరెక్టర్ శేఖర్ కమ్ముల ఈ సినిమాను తెరకెక్కిస్తున్నారు. పాన్ ఇండియా మూవీగా ఈ చిత్రం తెరకెక్కుతోంది. ఈ సినిమా కోసం నేషనల్ క్రష్ రష్మిక ప్రజెంట్ ముంబైలో ఉంది. అక్కడ బాగా కష్టపడుతోంది. పగలు, రాత్రి అనే తేడా లేకుండా షూటింగ్ షెడ్యూల్స్ ఉండటంతో స్లీపింగ్ససైకిల్ (నిద్రించే వేళ్లల్లో మార్పులు వచ్చాయి) దెబ్బ తిన్నాయని చెప్పుకొచ్చింది. గత కొద్ది రోజులుగా తన రోజువారీ పనులు ఎలా ఉన్నాయో సోషల్ మీడియా వేదికగా రాసుకొచ్చింది.

“గత కొద్ది రోజులుగా నైట్ షూటింగ్స్ కు వెళ్తున్నాను. రోజు ఎలా ప్రారంభం అవుతుందో తెలియడం లేదు. నైట్ షూటింగ్ కంప్లీట్ చేసుకుని రూమ్ కి వచ్చే సరికి ఉదయం 8 అవుతుంది. మీల్స్ చేసి, చదువుకుని పడుకునే సరికి మధ్యాహ్నం 12 అవుతుంది. మళ్లీ సాయంత్రం 6 గంటలకు నిద్రలేచి మళ్లీ షూటింగ్ కు రెడీ అవుతున్నాను. బాడీనికి కాస్త ఫిట్ గా ఉంచుకునేందుకు కాస్త వర్కౌట్స్ చేస్తున్నాను. అదీ రాత్రి 1 గంటకు. తాజాగా 100 కేజీల బరువు ఎత్తాను. కాళ్లు, కీళ్లు బలంగా మార్చుకునే ప్రయత్నం చేస్తున్నాను. రన్నింగ్ చేస్తున్నాను. మళ్లీ రూమ్ కి వచ్చి డిన్నర్ చేసి షూటింగ్ కి వెళ్తున్నాను. ధనుష్ సర్, శేఖర్ సర్ తో పాటు ‘కుబేర’ టీమ్ తో కలిసి పని చేయడం చాలా ఫన్ గా ఉంది. ఇవాళ్టితో 30 రోజులు. ఎప్పటిలాగే ఉదయం 7 అవుతోంది. నా స్లీప్ సైకిల్ పూర్తిగా మారిపోయింది” అని రాసుకొచ్చింది.

ఇక ధనష్ కెరీర్ లో ‘కుబేర’ 51వ సినిమాగా రూపొందుతోంది. ఇందులో రష్మిక హీరోయిన్ గా కనిపించనుంది. నాగార్జున కీలక పాత్రలో నటిస్తున్నారు. ఇక ఇప్పటి వరకు ఫ్యామిలీ ఆడియెన్స్ ను మెప్పించిన శేఖర్ కమ్ముల, ఇప్పుడు ఎలాంటి కథతో ఆడియెన్స్ ముందుకు వస్తారో? అని అందరూ ఎదురు చూస్తున్నారు. ప్రస్తుతం షూటింగ్ జరుపుకుంటున్న ఈ సినిమాకు సంబంధించిన మరిన్ని వివరాలు త్వరలో బయటకు వచ్చే అవకాశం ఉంది.