Pooja Hegde: వారెవ్వా ఎంత శ్రద్ధ, కాలికి గాయమైనా షూటింగ్‌లో పాల్గొన్న బుట్టబొమ్మ!
వరుస సినిమాలు చేస్తూ దూసుకుపోతున్న పూజా హెగ్డే, సోషల్ మీడియా వేదికగా షాకింగ్ ఫోటోలను షేర్ చేసింది. కాలికి గాయమైనా షూటింగ్ లో పాల్గొంటున్నట్లు వెల్లడించింది.
సౌత్, నార్త్ అనే తేడా లేకుండా తెలుగు, తమిళం, కన్నడతో పాటు హిందీలోనూ సత్తా చాటుతోంది పూజా హెగ్డే. అన్ని ఇండస్ట్రీలలోనూ ఈ ముద్దుగుమ్మకు వరుసగా అవకాశాలు వస్తున్నాయి. ఓవైపు ఆమె నటించిన తాజా సినిమాలు ప్రేక్షకులను అంతగా ఆకట్టుకోకపోయినా, ఆఫర్లు మాత్రం ఆగడం లేదు. ప్రస్తుతం టాలీవుడ్ సూపర్ స్టార్ మహేష్ బాబు, మాటల మాంత్రికుడు త్రివిక్రమ్ కాంబోలో వస్తున్న సినిమాలో ఈ అమ్మడు నటిస్తోంది. అటు పూరి జగన్నాథ్, విజయ్ దేవరకొండ కలిసి చేస్తున్న ‘జనగణమన’ సినిమాలోనూ హీరోయిన్ గా ఛాన్స్ కొట్టేసింది. బాలీవుడ్ లో రెండు సినిమాలను లైన్లో పెట్టింది.
కాలికి గాయమైనా షూటింగ్ లో పాల్గొన్న పూజా
వరుస సినిమాలతో క్షణం తీరిక లేకుండా గడుపుతున్న పూజా హెగ్డే.. తాజాగా సోషల్ మీడియా వేదికగా షేర్ చేసిన ఫోటోలు అభిమానులను కలవర పాటుకు గురి చేశాయి. తన కాలికి గాయమైందని చెప్తూ ఫోటోలను, వీడియోలను ఇన్‌స్టాగ్రామ్ స్టేటస్‌లో పోస్ట్ చేసింది. కాలికి బ్యాండేజ్ ఉన్నా, ముఖానికి మేకప్ వేసుకుంటూ కనిపించింది ఈ పొడుగు కాళ్ల బ్యూటీ. సినిమా షూటింగ్ పట్ల ఈమెకు ఉండే కమిట్‌మెంట్‌కు ఈ ఫోటోనే సాక్ష్యం అంటూ నెటిజన్లు సోషల్ మీడియాలో ప్రశంసలు కురిపిస్తున్నారు. 
Read Also: ‘సర్దార్’ ఆడియన్స్ రివ్యూ: కార్తీ ఫ్యాన్స్‌కు పండగేనట
క్షణం తీరిక లేకుండా వరుస షూటింగులు
వాస్తవానికి పూజా కాలుకు నిన్ననే గాయమైంది. ఈ విషయాన్ని వెల్లడిస్తూ తన సోషల్ మీడియా అకౌంట్లలో నిన్ననే ఫోటోలను షేర్ చేసింది. గాయం మానే వరకు సినిమాలకు బ్రేక్ ఇస్తుందని అభిమానులు భావించారు. కానీ, అందరినీ ఆశ్చర్య పరుస్తూ శుక్రవారం షూటింగ్ లో పాల్గొంది. కాలికి పట్టీ వేసుకునే షూటింగ్ కు హాజరైంది. షో నడవాలి కదా అంటూ కాలి ఫోటోలు, వీడియోలు పోస్ట్ చేసింది. వరుస సినిమాలు చేయడం, చాలా సినిమాల షూటింగులు శరవేగంగా జరుగుతుండటంతో ఆమెకు రెస్టు తీసుకునే వెసులు బాటు కూడా ఉండటం లేదు. అందుకే తప్పని పరిస్థితుల్లో షూటింగ్స్ లో పాల్గొంటుందని ఆమె అనుచరులు తెలిపారు.
Read Also: ‘ఓరి దేవుడా’ ఆడియన్స్ రివ్యూ - ఊహించని స్పందన!
ముంబైలో ‘కిసి కా భాయ్ కిసి కా జాన్’ సినిమా షూటింగ్ కు హాజరు
ప్రస్తుతం బాలీవుడ్ కండల వీరుడు సల్మాన్ ఖాన్ హీరోగా నటిస్తున్న ‘కిసి కా భాయ్ కిసికా జాన్’ సినిమా షూటింగ్ లో పూజా హెగ్డే పాల్గొంది. ముంబైలో జరుగుతున్న ఈ సినిమా షూటింగ్ చాలా వరకు కంప్లీట్ అయ్యింది. ఫైనల్ సీన్లు షూట్ చేస్తున్నట్లు తెలుస్తున్నది. అందుకే ఈ షూటింగ్ కు పూజా తప్పని పరిస్థితుల్లో హాజరైనట్లు సమాచారం. అటు గాయం నుంచి పూజా త్వరగా కోలుకోవాలని ఆమె అభిమానులు కోరుకుంటున్నారు.
View this post on Instagram
టాప్ హెడ్ లైన్స్
ట్రెండింగ్ వార్తలు
