Ram Charan: ఈ గట్టున రామ్‌చరణ్‌ - ఆ గట్టున అల్లు అర్జున్, గేమ్‌ ఛేంజర్‌ ఎవరు?

Andhra Pradesh News: ఏపీ ఎన్నికల వేళ అరుదైన ఘట్టం చోటు చేసుకుంది. ఓ వైపు పిఠాపురంలో రామ్ చరణ్ పర్యటిస్తుండగా.. అల్లు అర్జున్ నంద్యాలలోని వైసీపీ ఎమ్మెల్యే అభ్యర్థి ఇంటికి వెళ్లారు.

కోనసీమలో రామ్ చరణ్ - రాయలసీమలో అల్లు అర్జున్

Mega Family In Ap Election Campaign: ఏపీలో సార్వత్రిక ఎన్నికల ప్రచారానికి శనివారం సాయంత్రంతో తెరపడనుంది. ఈ క్రమంలో రాష్ట్రంలో అరుదైన ఘట్టం చోటు చేసుకుంది. క్యాంపెయిన్ లో టాలీవుడ్ ప్రముఖ నటుల ఎంట్రీతో ఒక్కసారిగా పొలిటికల్ సీన్ ఎంతో ఆసక్తికరంగా మారింది. ఇప్పటికే గ్లోబల్ స్టార్ రామ్ చరణ్ (Ram Charan).. తన తల్లి సురేఖ, మామయ్య అల్లు అరవింద్ తో కలిసి పిఠాపురం (Pithapuram) చేరుకున్నారు. ఈ క్రమంలో రాజమండ్రి ఎయిర్ పోర్టుకు చేరుకున్న ఆయనకు అభిమానులు, జనసేన శ్రేణులు ఘన స్వాగతం పలికారు. దారి పొడవునా పూలు చల్లుతుండగా.. రామ్ చరణ్ అభివాదం చేస్తూ ముందుకు సాగారు. అనంతరం ఆయన జనసేన అధ్యక్షుడు పవన్ కల్యాణ్ ను ఆయన నివాసంలో మర్యాదపూర్వకంగా కలిశారు. అయితే, కుక్కుటేశ్వర ఆలయంలో ప్రత్యేక పూజల అనంతరం చరణ్.. బాబాయ్ కు మద్దతుగా ప్రచారం చేయనున్నట్లు తెలుస్తోంది. 

కొద్ది నిమిషాల క్రితం @PawanKalyan గారి నివాసానికి విచ్చేసిన గ్లోబల్ స్టార్ @AlwaysRamCharan గారు.@pithapuramjsp#PawanKalyanWinningPithapuram#VoteForGlass#Pithapuram pic.twitter.com/C10qL4zPKH

— JanaSena Shatagni (@JSPShatagniTeam) May 11, 2024

వైసీపీ అభ్యర్థిగా మద్దతుగా అల్లు అర్జున్

మరోవైపు, ఐకాన్ స్టార్ అల్లు అర్జున్ (Allu Arjun) నంద్యాలలో (Nandyal) శనివారం సందడి చేశారు. ఈ క్రమంలో ఆయన్ను చూసేందుకు అభిమానులు అధిక సంఖ్యలో తరలిరావడంతో ఎటు చూసిన జనసంద్రంగా మారింది. అల్లు అర్జున్ కు గజమాలతో ఘనంగా సత్కరించారు. అభిమానుల కోలాహలం మధ్య ఆయన తన సతీమణి స్నేహారెడ్డితో కలిసి వైసీపీ ఎమ్మెల్యే అభ్యర్థి శిల్పా రవిచంద్రారెడ్డి ఇంటికి చేరుకున్నారు. ఈ క్రమంలో వారికి శిల్పా దంపతులు ఘన స్వాగతం పలికారు. అనంతరం శిల్పా రవి ఇంటి బాల్కనీ నుంచి అల్లు అర్జున్ ఫ్యాన్స్ కు అభివాదం చేశారు. దీనికి సంబంధించిన వీడియో సోషల్ మీడియాలో వైరల్ గా మారుతోంది. కాగా, గత ఎన్నికల్లో తొలిసారి నంద్యాల అసెంబ్లీ స్థానం నుంచి శిల్పా రవిచంద్రారెడ్డి ఎన్నికల బరిలో నిలిచారు. అప్పుడు బన్నీ తన మిత్రుడికి మద్దతుగా నిలిచారు. ఇప్పుడు కూడా ఎన్నికల టైంలో తన మిత్రుడి ఇంటికి వచ్చి సందడి చేశారు. శిల్వా రవిచంద్రారెడ్డి చేతిని పట్టుకుని ఫ్యాన్స్ కు చూపించారు. దీనికి సంబంధించిన వీడియోలను ఐకాన్ స్టార్ ఫ్యాన్స్, వైసీపీ శ్రేణులు వాటిని షేర్ చేస్తున్నారు. నంద్యాల వైసీపీ అభిమానులు ఫుల్ జోష్ లో కనిపిస్తున్నారు. 

వైసీపీ అభ్యర్థి తరపున అల్లు అర్జున్ ప్రచారం

నంద్యాల వైసీపీ అభ్యర్థి శిల్పా రవిచంద్రారెడ్డికి మద్దతుగా ప్రచారానికి వచ్చిన ఐకాన్ స్టార్ అల్లు అర్జున్. pic.twitter.com/xKBgqR89su

— Telugu Scribe (@TeluguScribe) May 11, 2024

అయితే, ఓ వైపు కోనసీమలో రామ్ చరణ్, మరోవైపు రాయలసీమ ప్రాంతంలో అల్లు అర్జున్ ఎన్నికల టైంలో పర్యటించడం అంతటా ఆసక్తిగా మారింది. గ్లోబల్ స్టార్ రామ్ చరణ్ తన బాబాయ్ తరఫున ప్రచారం నిర్వహిస్తారనే ప్రచారం సాగుతుండగా.. ఐకాన్ స్టార్ అల్లు అర్జున్ వైసీపీ అభ్యర్థి ఇంటికి వెళ్లి అతని చేతిని పట్టుకుని అభిమానులకు అభివాదం చేయడం అందరిలోనూ ఉత్కంఠ రేపుతోంది.