UGC NET Admit Cards: యూజీసీ నెట్ - 2024 హాల్‌ టికెట్లు విడుదల - వాయిదా పడిన పరీక్షలు ఎప్పుడంటే?
UGC NET Admit Card: జనవరి 15న నిర్వహించాల్సిన యూజీసీ నెట్ డిసెంబరు 2024 పరీక్షలకు సంబంధించిన అడ్మిట్ కార్డులను ఎన్టీఏ విడుదల చేసింది. అధికారిక వెబ్‌సైట్‌లో అందుబాటులో ఉంచింది.
UGC NET 2024 Admit Card: నేషనల్ టెస్టింగ్ ఏజెన్సీ ఇటీవల రెండు సెషన్లలో జరగాల్సిన పరీక్షలను వాయిదావేసిన సంగతి తెలిసిందే. ఆ పరీక్షలను జనవరి 21, 27 తేదీల్లో నిర్వహించనున్నారు. తాజాగా ఆ పరీక్షలకు సంబంధించిన అడ్మిట్ కార్డులను ఎన్టీసీ విడుదల చేసింది. అధికారిక వెబ్‌సైట్‌లో అడ్మిట్‌కార్డులను అందుబాటులో ఉంచింది. యూజీసీ నెట్‌కు దరఖాస్తు చేసుకున్న అభ్యర్థులు తమ అప్లికేషన్ నెంబరు, పుట్టినతేదీ వివరాలు నమోదుచేసి హాల్‌టికెట్లు డౌన్‌లోడ్ చేసుకోవచ్చు.
ముందుగా ప్రకటించిన షెడ్యూల్‌ ప్రకారం.. జనవరి 15న జరగాల్సిన రెండు సెషన్ల పరీక్షలను వాయిదావేశారు. ఆ పరీక్షలను జనవరి 21న ఉదయం సెషన్‌లో, జనవరి 27న మధ్యాహ్నం సెషన్‌లో నిర్వహించనున్నారు. మొత్తంగా 85 సబ్జెక్టులకు యూజీసీ నెట్ పరీక్షలు నిర్వహించనున్నారు. యూజీసీ నెట్‌కి సంబంధించి ఏమైనా సందేహాలుంటే ఫోన్ నెంబరు- 011-40759000 లేదా ఈమెయిల్- ugcnet@nta.ac.in ద్వారా సంప్రదించవచ్చు.
యూజీసీ నెట్-2024 అడ్మిట్ కార్డు ఇలా డౌన్‌లోడ్ ఇలా..
Step 1: అడ్మిట్ కార్డు కోసం అభ్యర్థులు మొదట అధికారిక వెబ్‌సైట్‌లోకి వెళ్లాలి. -ugcnet.nta.nic.in.
Step 2: అక్కడ హోంపేజీలో కనిపించే 'UGC NET June 2024: Click Here to Download Admit Card' లింక్ మీద క్లిక్ చేయాలి.
Step 3: అభ్యర్థులు తమ రిజిస్ట్రేషన్ నెంబర్, పుట్టినతేదీ వివరాలు నమోదుచేసి లాగిన్ అవ్వాలి.
Step 4: కంప్యూటర్ స్క్రీన్ మీద అడ్మిట్ కార్డు దర్శనమిస్తుంది.
Step 5: అడ్మిట్ కార్డు డౌన్‌లోడ్ చేసుకొని, భవిష్యత్ అవసరాల కోసం ప్రింట్ తీసి భద్రపర్చుకోవాలి.
UGC NET Admit Card (December)-2024
పరీక్ష విధానం..
➥ ఆన్‌లైన్ విధానంలో నిర్వహించే ఈ పరీక్షలో మొత్తం 2 పేపర్లు ఉంటాయి. రెండు పేపర్లకు కలిపి మూడు గంటల సమయం ఉంటుంది.
➥ పేపర్-1కు గంట, పేపర్-2 కు రెండు గంటల సమయం ఉంటుంది. పేపర్-1 లో 100 మార్కులకుగాను 50 ప్రశ్నలు అడుగుతారు. ప్రతి ప్రశ్నకు రెండు మార్కులు. రీజనింగ్ ఎబిలిటీ, రీడింగ్ కాంప్రహెన్షన్, డైవర్‌జెంట్ థింకింగ్, జనరల్ అవేర్‌నెస్ నుంచి ప్రశ్నలు అడుగుతారు.
➥ పేపర్-2లో 200 మార్కులకుగాను 100 ప్రశ్నలు అడుగుతారు. ఇందులో అభ్యర్థికి సంబంధించిన సబ్జెక్టు నుంచి ప్రశ్నలు ఉంటాయి. ప్రతి ప్రశ్నకు రెండు మార్కులు. అభ్యర్థుల ఆప్షనల్ సబ్జెక్టు నుంచి ప్రశ్నలు ఉంటాయి. హిందీ, ఇంగ్లిష్ మాధ్యమాల్లో ప్రశ్నలు అడుగుతారు.
తెలంగాణలో పరీక్ష కేంద్రాలు: హైదరాబాద్, సికింద్రాబాద్, హయత్‌నగర్, జనగాం, కరీంనగర్, ఖమ్మం, కొత్తగూడెం, మహబూబాబాద్, మహబూబ్ నగర్, మేడ్చల్, నల్గొండ, నిజామాబాద్, సంగారెడ్డి, సిద్ధిపేట, సూర్యాపేట, వరంగల్.
ఏపీలో పరీక్ష కేంద్రాలు: అమరావతి, అనంతపురం, చిత్తూరు, ఏలూరు, గుంటూరు, కడప, కాకినాడ, కర్నూలు, మచిలీపట్నం, మంగళగిరి, నంద్యాల, నర్సరావుపేట, నెల్లూరు, రాజమహేంద్రవరం, శ్రీకాకుళం, సూరంపాలెం, తిరుపతి, విజయవాడ, విశాఖపట్నం, విజయనగరం.
ALSO READ:
తెలంగాణలో ప్రవేశ పరీక్షల తేదీలు ఖరారు, ఏ ఎగ్జామ్ ఎప్పుడంటే?
తెలంగాణలో నిర్వహించే వివిధ ప్రవేశ పరీక్షల షెడ్యూలును ఉన్నత విద్యామండలి విడుదల చేసింది.ఎంసెట్‌, ఈసెట్‌, లాసెట్‌, పీజీసెట్‌, ఐసెట్‌, ఎడ్‌సెట్‌, పీజీఈ సెట్‌ తేదీలను ప్రకటించింది.
పరీక్షల పూర్తి షెడ్యూలు కోసం క్లిక్ చేయండి..
టాప్ హెడ్ లైన్స్
ట్రెండింగ్ వార్తలు
