![ABP Premium](https://cdn.abplive.com/imagebank/Premium-ad-Icon.png)
Group 2 Exams Schedule: తెలంగాణ గ్రూప్-2 పరీక్షల షెడ్యూల్ విడుదల - డేట్, టైమింగ్స్ ఇవే
Telugu News: గ్రూప్ 2 పరీక్షలను డిసెంబర్ 15, 16 తేదీల్లో నిర్వహించనున్నట్లుగా టీజీఎస్సీఎస్సీ ప్రకటించింది. ఉదయం, మధ్యాహ్నం రెండు సెషన్స్లో నిర్వహించనున్నారు.
![Group 2 Exams Schedule: తెలంగాణ గ్రూప్-2 పరీక్షల షెడ్యూల్ విడుదల - డేట్, టైమింగ్స్ ఇవే Telangana Group 2 exams schedule released by tgspsc exam dates 2024 here Group 2 Exams Schedule: తెలంగాణ గ్రూప్-2 పరీక్షల షెడ్యూల్ విడుదల - డేట్, టైమింగ్స్ ఇవే](https://feeds.abplive.com/onecms/images/uploaded-images/2024/08/22/488c3022e972af1072efa8eee108ebe01724323262910234_original.jpg?impolicy=abp_cdn&imwidth=1200&height=675)
TGSPSC Exam Dates 2024: తెలంగాణ గ్రూప్ - 2 పరీక్షల షెడ్యూల్ విడుదల అయింది. డిసెంబర్ 15, 16 తేదీల్లో గ్రూప్ 2 పరీక్షలు నిర్వహించనున్నట్లుగా టీజీపీఎస్సీ ప్రకటించింది. డిసెంబర్ 15, 16 తేదీల్లో తెలంగాణ గ్రూప్ 2 పరీక్షను ఉదయం, మధ్యాహ్నం రెండు సెషన్స్లో నిర్వహించనున్నారు. ఉదయం 10 గంటల నుంచి 12.30 వరకు మొదటి పేపర్ పరీక్ష ఉండనుంది. సాయంత్రం 3 గంటల నుంచి నుంచి 5 గంటల వరకు రెండో పేపర్ పరీక్ష ఉంటుంది.
గ్రూప్ 2 పేపర్ 1లో జనరల్ స్టడీస్, జనరల్ ఎబిలిటీస్ పై పరీక్ష మొదటి సెషన్ లో ఉంటుంది. పేపర్ 2లో హిస్టరీ, పాలిటీ, సొసైటీ పరీక్షను రెండో సెషన్లో నిర్వహిస్తారు. పేపర్ 3 ఎకానమీ అండ్ డెవలప్మెంట్ పై ఉండనుంది. ఇది 16వ తేదీ మొదటి సెషన్లో నిర్వహిస్తారు. ఇక పేపర్ 4 తెలంగాణ ఉద్యమం, రాష్ట్ర అవతరణపై ప్రశ్నలు ఉండగా.. దీన్ని 16న రెండో సెషన్లో నిర్వహించనున్నారు.
ఆగస్టులో జరగాల్సి ఉండగా డిసెంబర్ కు పోస్ట్ పోన్
మొత్తం 783 పోస్టుల భర్తీకి గ్రూప్ 2 పరీక్ష జరుగుతోంది. ఈ గ్రూప్ 2 పరీక్షలు నిజానికి ఆగస్టు 7, 8వ తేదీల్లోనే జరగాల్సి ఉంది. కానీ కొద్దిగా అదే సమయంలో డీఎస్సీ కూడా ఉంది. వీటి మధ్య కేవలం వారం రోజుల వ్యవధి మాత్రమే ఉండటంతో నిరుద్యోగుల నుంచి తీవ్ర వ్యతిరేకత వచ్చింది. నిరసనలు కూడా చేశారు. దీంతో వారి డిమాండ్ ను తెలంగాణ ప్రభుత్వం పరిగణనలోకి తీసుకొని గ్రూప్ 2 పరీక్షను వాయిదా వేసింది. తాజాగా గ్రూప్ 2 పరీక్ష షెడ్యూల్ను టీజీపీఎస్సీ ప్రకటించింది.
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)