Inter: 'ఇంటర్' విద్యలో ప్రభుత్వ జూనియర్ కళాశాలల హవా, సగానికిపైగా కాలేజీలు అవే!
తెలంగాణలో ప్రభుత్వ జూనియర్ కళాశాలల హవా కొనసాగుతోంది. ఇంటర్ విద్యలో సర్కారు కాలేజీలు సరికొత్త రికార్డు సృష్టిస్తున్నాయి. రాష్ట్రంలో ఉన్న ఇంటర్ కళాశాలల్లో సగానికి పైగా ప్రభుత్వ కాలేజీలే ఉండటం విశేషం.
తెలంగాణలో ప్రభుత్వ జూనియర్ కళాశాలల హవా కొనసాగుతోంది. ఇంటర్ విద్యలో సర్కారు కాలేజీలు సరికొత్త రికార్డు సృష్టిస్తున్నాయి. రాష్ట్రంలో ఉన్న ఇంటర్ కళాశాలల్లో సగానికి పైగా ప్రభుత్వ కాలేజీలే ఉండటం విశేషం. రాష్ట్రవ్యాప్తంగా మొత్తం 3,216 జూనియర్ కాలేజీలు ఉంటే.. వాటిలో 1,602 ప్రభుత్వ కళాశాలలు కాగా, 1,571 ప్రైవేటు కళాశాలలు ఉన్నాయి. ఒకప్పుడు రాష్ట్రంలో ప్రైవేట్, కార్పొరేట్ కాలేజీల హవా సాగగా, గత కొన్నేళ్లగా ప్రభుత్వ కాలేజీల జోరు నడుస్తోంది. ఏటా గురుకులాలు, కేజీబీవీల అప్గ్రేడేషన్తోపాటు కొత్తగా ప్రభుత్వ కాలేజీలను మంజూరు చేస్తుండటంతో వాటి సంఖ్య క్రమంగా పెరుగుతోంది. అదే సమయంలో ప్రైవేట్ కాలేజీల సంఖ్య తగ్గుతూ వస్తోంది.
రాష్ట్రంలో 2014 నుంచి ఇప్పటి వరకు ఒక్క కొత్త ప్రైవేట్ కాలేజీకి కూడా ప్రభుత్వం అనుమతినివ్వలేదు. గతంలో గుర్తింపు పొందిన కాలేజీలకే ఏటా గుర్తింపును పునరుద్ధరిస్తూ వస్తుంది. నిబంధనలకు విరుద్ధంగా నడుస్తున్న 68 ప్రైవేటు కాలేజీలను గతంలోనే ఇంటర్బోర్డు మూసివేసింది. ఉమ్మడి రాష్ట్రంలో 2,600 పైచిలుకు ప్రైవేట్ కాలేజీలుంటే.. ఈ విద్యాసంవత్సరంలో అవి 1,571 చేరుకున్నాయి. అంటే సుమారుగా వెయ్యికిపైగా కాలేజీలు మూతబడ్డాయి. ఇదే క్రమంలో వెయ్యికిపైగా కొత్త ప్రభుత్వ కాలేజీలు మంజూరయ్యాయి.
రాష్ట్రంలోని జూనియర్ కళాశాలల సంఖ్య: 3216
⫸ ప్రభుత్వ కళాశాలలు: 1602.
⫸ ప్రైవేటు కళాశాలలు: 1571.
⫸ ప్రభుత్వ కళాశాలల వివరాలు ఇలా..
⫸ ప్రభుత్వ జూనియర్ కళాశాలలు - 408
⫸ ఆర్మీ జూనియర్ కళాశాలలు - 03
⫸ తెలంగాణ గురుకులాలు - 37
⫸ సోషల్ వెల్ఫేర్ గురుకులాలు - 238
⫸ గిరిజన గురుకులాలు - 125
⫸ బీసీ గురుకులాలు - 145
⫸ మోడల్ స్కూల్స్ - 194
⫸ కస్తుర్భా గాంధీ బాలికా విద్యాలయాలు - 246
⫸ మైనార్టీ గురుకులాలు - 204
⫸ ఆర్టీసీ కళాశాల - 01
⫸ స్పోర్ట్స్ కళాశాల - 01
ALSO READ:
నీట్ యూజీ 2023 కౌన్సెలింగ్ షెడ్యూలు వచ్చేసింది, ముఖ్యమైన తేదీలివే!
నీట్ యూజీ (NEET UG) 2023 కౌన్సెలింగ్ ప్రక్రియ జులై 20 నుంచి ప్రారంభంకానుంది. కౌన్సెలింగ్ ప్రక్రియకు సంబంధించిన షెడ్యూలును మెడికల్ కౌన్సెలింగ్ కమిటీ (MCC) జులై 14న విడుదల చేసింది. అధికారిక వెబ్సైట్లో షెడ్యూలును అందుబాటులో ఉంచింది. నీట్ యూజీ పరీక్షలో అర్హత సాధించిన అభ్యర్థులు కౌన్సెలింగ్ తేదీలను చూసుకోవచ్చు. నీట్ యూజీ కౌన్సెలింగ్ ద్వారా దేశంలోనిప్రభుత్వ, ప్రైవేట్ మెడికల్ కాలేజీల్లో ఎంబీబీఎస్, బీడీఎస్, బీఎస్సీ నర్సింగ్(కేంద్రయూనివర్సిటీల్లో) కోర్సుల్లో ప్రవేశాలు కల్పిస్తారు. సెంట్రల్ ఇన్స్టిట్యూట్స్, సెంట్రల్ యూనివర్శిటీలు, డీమ్డ్ యూనివర్సిటీల్లో అండర్ గ్రాడ్యుయేట్ మెడికల్/డెంటల్ కోర్సుల్లో ప్రవేశాల కోసం 15శాతం ఆలిండియా కోటా సీట్లు, 85 శాతం స్టేట్ కోటా సీట్లతో కలిపి 100 శాతం సీట్లకు ఎంసీసీ/DGHS కౌన్సెలింగ్ నిర్వహించనున్నారు.
పూర్తివివరాల కోసం క్లిక్ చేయండి..
టీఎస్ ఈసెట్ కౌన్సెలింగ్ షెడ్యూలు విడుదల, జులై 29 నుంచి రిజిస్ట్రేషన్!
తెలంగాణలోని ఇంజినీరింగ్ కళాశాలల్లో పాలిటెక్నిక్, డిప్లొమా విద్యార్థులు బీటెక్, బీఫార్మసీ కోర్సుల్లో రెండో సంవత్సరంలో ప్రవేశాలకు నిర్వహించిన 'టీఎస్ ఈసెట్-2023' కౌన్సెలింగ్ షెడ్యూలును అధికారులు ప్రకటించారు. షెడ్యూలు ప్రకారం జులై 29 నుంచి రిజిస్ట్రేషన్, స్లాట్ బుకింగ్ ప్రారంభంకానుంది. ఆగస్టు 1 వరకు ఈ ప్రక్రియ కొనసాగనుంది. రిజిస్ట్రేషన్ పూర్తిచేసిన అభ్యర్థులకు జులై 31 నుంచి ఆగస్టు 2 వరకు ధ్రువపత్రాల పరిశీలన నిర్వహించనున్నారు. ఇక ధ్రువపత్రాల పరిశీలన పూర్తయినవారు జులై 31 నుంచి ఆగస్టు 4 వరకు వెబ్ ఆప్షన్ల నమోదు చేసుకోవాల్సి ఉంటుంది.
ఈసెట్ పూర్తి షెడ్యూలు కోసం క్లిక్ చేయండి..
మరిన్ని విద్యాసంబంధ వార్తల కోసం క్లిక్ చేయండి..
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
