Ramakrishna Math National Quiz: 'ది సీక్రెట్ ఆఫ్ వర్క్' జాతీయ స్థాయి క్విజ్ పోటీ - విజేతలకు రూ.30 లక్షల స్కాలర్షిప్స్, పూర్తి వివరాలివే!

National Quiz: వివేకానందుని స్పూర్తిని నేటి తరానికి అందించే లక్ష్యంతో ఆర్యజనని, రామకృష్ణ మఠం సంయుక్తంగా జాతీయ స్థాయి క్విజ్ పోటీని నిర్వహిస్తున్నాయి. విజేతలకు రూ.30 లక్షల స్కాలర్షిప్స్ అందించనున్నారు.

జాతీయ స్థాయి క్విజ్ పోటీ

Ramakrishna Math National Quiz: భారతీయ సనాతన ధర్మానికి ప్రతీక స్వామి వివేకానంద. స్వాతంత్రోద్యమ నాయకుల్లో స్ఫూర్తి నింపిన వివేకానంద ఆలోచన ధోరణి ఎంతటి శక్తిమంతమో నేటి తరానికి తెలియజేయాలన్న ఉద్దేశంతో ఆర్యజనని, రామకృష్ణ మఠం సంయుక్తంగా జాతీయ స్థాయి క్విజ్ పోటీ నిర్వహిస్తున్నాయి. వివేకానందుడు బోధించిన కర్మ యోగ సిద్ధాంతం ఆధారంగా 'ది సీక్రెట్ ఆఫ్ వర్క్' అనే పేరుతో ఈ కార్యక్రమాన్ని ఆన్ లైన్ ఓపెన్ బుక్ పద్ధతిలో చేపట్టారు. 18 నుంచి 30 ఏళ్ల యువతీ యువకులు ఈ పోటీకి అర్హులు. విజేతలకు రూ.30 లక్షలకు పైగా స్కాలర్షిప్స్ అందించనున్నట్టు నిర్వాహకులు తెలిపారు. 120 పేజీలున్న కర్మయోగ పుస్తకాన్ని ఆకలింపు చేసుకుంటే సులభంగా ఈ పోటీలో పాల్గొనవచ్చు. ఇందులో మొదటి రౌండ్ ఈ నెల 25న నిర్వహించనున్నారు. అయితే రిజిస్ట్రేషన్లకు ఈ నెల 15 చివరి తేదీ. టాప్ 200 స్థానాల్లో ఉన్న వారికి వర్చువల్ విధానంలో జరిగే ఇంటర్వ్యూ ద్వారా ఫైనల్ రౌండ్‌కు ఎంపిక చేస్తారు. మీ రిజిస్ట్రేషన్స్‌ను https://www.ajcontest.org  ద్వారా చేసుకోండి.

మార్గదర్శకాలివే

• 18 నుంచి 30 ఏళ్ల మధ్య ఉన్న యువతీ యువకులు ఎవరైనా ఈ పోటీలో పాల్గొనవచ్చు. కనీస విద్యార్హత అవసరం లేదు.
• తొలి రౌండ్ ఈ నెల 25న 'కర్మ యోగ' పుస్తకంపై ఆన్ లైన్ MCQ క్విజ్ ఉంటుంది.
• రిజిస్ట్రేషన్ కోసం https://www.ajcontest.org ను సందర్శించగలరు. పోటీకి నమోదు చేసుకున్న వెంటనే ఓ ఈ - బుక్ వస్తుంది. ఈ నెల 15 చివరి తేదీ.
• తొలి రౌండ్ లో ఉత్తమ ప్రతిభ కనబరిచిన 200 మందికి చివరి రౌండ్ అయిన 10 నిమిషాల వర్చువల్ ఇంటర్వ్యూకి ఆహ్వానిస్తారు.
• ఈ నెల 26న తొలి రౌండ్ ఫలితాలు వెల్లడించే అవకాశం ఉంది. మరిన్ని వివరాల కోసం వెబ్ సైట్ చూడాలని నిర్వాహకులు సూచించారు.