(Source: ECI/ABP News/ABP Majha)
AP ICET 2024: నేడు ఏపీ ఐసెట్ పరీక్ష, హాజరుకానున్న 48 వేలకుపైగా విద్యార్థులు - నిమిషం ఆలస్యమైనా నో ఎంట్రీ
AP ICET: ఏపీఐసెట్-2024 పరీక్ష (AP ICET) మే 6, 7 తేదీల్లో నిర్వహించనున్నారు. రెండు సెషన్లలో పరీక్షలు నిర్వహించనున్నారు. ఈ ఏడాది శ్రీకృష్ణదేవరాయ విశ్వవిద్యాలయం (SKU) ఐసెట్ పరీక్షల బాధ్యత చేపట్టింది.
APICET 2024 Exam: ఆంధ్రప్రదేశ్‌లోని ఎంసీఏ, ఎంబీఏ కోర్సుల్లో ప్రవేశాలకు మే 6న ఏపీఐసెట్-2024 పరీక్ష (AP ICET) పరీక్ష నిర్వహించనున్నారు. ఉదయం 9 గంటల నుంచి 11.30 వరకు మొదటి సెషన్‌లో, మధ్యాహ్నం 2.30 గంటల నుంచి సాయంత్రం 5.00 గంటల వరకు రెండో సెషన్‌లో పరీక్ష నిర్వహించనున్నారు. మే 8న ప్రిలిమినరీ కీ, జూన్‌ 20న ఐసెట్ ఫలితాలు వెలువడనున్నాయి. పరీక్షకు సంబంధించిన హాల్‌టికెట్లను ఇప్పటికే అందబాటులో విడుదల చేశారు. ఏపీఐసెట్‌లో ర్యాంకు ద్వారా 2024 విద్యా సంవత్సరానికి రాష్ట్రంలోని విశ్వవిద్యాలయాలు, అనుబంధ కళాశాలల్లో ఫుల్‌టైం ఎంబీఏ, ఎంసీఏ కోర్సుల్లో ప్రవేశాలు కల్పిస్తారు. ఈ ఏడాది శ్రీకృష్ణదేవరాయ విశ్వవిద్యాలయం (SKU) ఐసెట్ పరీక్షల బాధ్యత చేపట్టిన సంగతి తెలిసిందే.
ఈ పరీక్షకు రాష్ట్ర వ్యాప్తంగా మొత్తం 48,828 మంది విద్యార్థులు దరఖాస్తు చేసుకున్నారు. వీరిలో 29,938 మంది అమ్మాయిలు, 18,890 మంది అబ్బాయిలు ఉన్నారు. పరీక్ష కోసం ఏపీలో 111 పరీక్ష కేంద్రాలు, తెలంగాణలో రెండు పరీక్ష కేంద్రాలను ఏర్పాటు చేశారు.
పరీక్ష విధానం..
➥ మొత్తం 200 మార్కులకు ఏపీ ఐసెట్ ప్రవేశ పరీక్ష నిర్వహిస్తారు. ఆన్‌లైన్ విధానంలో పరీక్ష ఉంటుంది. ఆబ్జెక్టివ్ విధానంలో ప్రశ్నలు ఉంటాయి. పరీక్షలో మొత్తం 200 ప్రశ్నలు ఉంటాయి.
➥ పరీక్షలో మూడు సెక్షన్లు (సెక్షన్-ఎ, బి, సి) ఉంటాయి. వీటిలో సెక్షన్-ఎ: అనలిటికల్ ఎబిలిటీ-75 ప్రశ్నలు-75 మార్కులు, సెక్షన్-బి: కమ్యూనికేషన్ ఎబిలిటీ-70 ప్రశ్నలు-70 మార్కులు, సెక్షన్-సి: మ్యాథమెటికల్ ఎబిలిటీ-55 ప్రశ్నలు-55 మార్కులు ఉంటాయి. పరీక్ష సమయం 150 నిమిషాలు (రెండున్నర గంటలు). ఒక్కో ప్రశ్నకు ఒకమార్కు ఉంటుంది.
➥ పరీక్షలో నెగెటివ్ మార్కులు ఉండవు.
ఆంధ్రప్రదేశ్‌లోని ఎంసీఏ, ఎంబీఏ కోర్సుల్లో ప్రవేశాలకు నిర్వహించే ఏపీఐసెట్-2024 నోటిఫికేషన్ మార్చి 3న వెలువడిన సంగతి తెలిసిందే. దరఖాస్తు ప్రక్రియ మార్చి 6న ప్రారంభమైంది. ఎలాంటి అపరాధ రుసుము లేకుండా ఏప్రిల్ 4 వరకు దరఖాస్తులు స్వీకరించారు. అభ్యర్థులు దరఖాస్తు ఫీజుగా రూ.650 చెల్లించారు. బీసీ అభ్యర్థులు రూ.600; ఎస్సీ, ఎస్టీ అభ్యర్థులు రూ.550 చెల్లించారు. ఇక రూ.1000 ఆలస్య రుసుముతో ఏప్రిల్ 8 నుంచి 12 వరకు, రూ.2000 ఆలస్య రుసుముతో ఏప్రిల్ 13 నుంచి 17, రూ.3000 ఆలస్య రుసుముతో ఏప్రిల్ 18 నుంచి 22 వరకు, అలాగే రూ.5000 ఆలస్య రుసుముతో ఏప్రిల్ 23 నుంచి 27 వరకు దరఖాస్తులు స్వీకరించారు. దరఖాస్తుల్లో తప్పులుంటే సరిదిద్దుకునేందుకు ఏప్రిల్ 28, 29 తేదీల్లో అవకాశం కల్పించారు. తాజాగా పరీక్ష హాల్‌టికెట్లను అధికారులు విడుదల చేశారు. మే 6, 7 తేదీల్లో ఐసెట్ పరీక్ష నిర్వహించనున్నారు.
ఏపీ ఐసెట్-2024 ముఖ్యమైన తేదీలు:
► ఏపీఐసెట్-2024 నోటిఫికేషన్: 03.03.2024.
► దరఖాస్తుల స్వీకరణ ప్రారంభం: 06.03.2024.
► దరఖాస్తుల సమర్పణకు చివరితేది: 07.04.2024.
► రూ.1000 ఆలస్య రుసుముతో దరఖాస్తు: 08.04.2024 - 12.04.2024.
► రూ.2000 ఆలస్య రుసుముతో దరఖాస్తు: 13.04.2024 - 17.04.2024.
► రూ.3000 ఆలస్య రుసుముతో దరఖాస్తు: 18.04.2024 - 22.04.2024.
► రూ.5000 ఆలస్య రుసుముతో దరఖాస్తు: 23.04.2024 - 27.04.2024.
► దరఖాస్తుల్లో తప్పుల సవరణకు అవకాశం: 28.04.2024 - 29.04.2024.
► పరీక్ష హాల్‌టికెట్లు: 02.05.2024 నుంచి అందుబాటులో.
► ఏపీ ఐసెట్ పరీక్ష నిర్వహణ: 06.05.2024.
పరీక్ష సమయం: 09.00 AM - 11.30AM, 02.30 PM to 05.00 PM
► ప్రిలిమినరీ ఆన్సర్ కీ: 08.05.2024 – 06.00 PM
► ప్రిలిమినరీ ఆన్సర్ కీపై అభ్యంతరాల స్వీకరణ: 10.05.2024 – 06.00 PM
► ఫైనల్ ఆన్సర్ కీ, ఫలితాల వెల్లడి: 20.06.2024
టాప్ హెడ్ లైన్స్
ట్రెండింగ్ వార్తలు
