AP EAPCET 2026 Results: అభ్యర్థులకు అలర్ట్.. ఏపీ ఎప్సెట్ ఫలితాల విడుదల చివరి నిమిషంలో వాయిదా
AP EAPCET Results | ఏపీ ఎప్సెట్ 2026 ఫలితాల విడుదల చివరి నిమిషంలో వాయిదా పడింది. ఇంటర్ ఫలితాలు పూర్తిస్థాయిలో రాని కారణంగా, ఫలితాలు జులై 2న విడుదలయ్యే అవకాశం ఉంది.
AP EAPCET 2026 Results | అమరావతి: ఆంధ్రప్రదేశ్లో లక్షలాది మంది విద్యార్థులు ఎప్పుడెప్పుడా అని ఎదురుచూస్తున్న ఎప్సెట్ (AP EAPCET 2026) ఫలితాల విడుదల చివరి నిమిషంలో వాయిదా పడింది. సీబీఎస్ఈ 12వ తరగతి ఫలితాలు ఇంకా పూర్తి స్థాయిలో రాకపోవడంతో, విద్యార్థుల అభ్యర్థన మేరకు ఈ ఫలితాల విడుదలను వాయిదా వేయాలని విద్యాశాఖ అధికారులు నిర్ణయించినట్లు సమాచారం. ఈ క్రమంలో ఎప్సెట్ ఫలితాలను గురువారం (జులై 2) నాడు ప్రకటించే అవకాశం ఉందని తెలుస్తోంది.
ఏపీ ప్రభుత్వం మే 12 నుండి 20 వరకు ఈ ఎప్సెట్ పరీక్షలు నిర్వహించింది. దాదాపు 3.29 లక్షల మందికి పైగా విద్యార్థులు ఎప్సెట్ పరీక్షకు హాజరయ్యారు. షెడ్యూల్ ప్రకారం జూన్ 1 నాటికే ఈ ఫలితాలు విడుదల కావాల్సి ఉంది. అయితే, ఎప్సెట్ ర్యాంకుల్లో ఇంటర్ మార్కులకు 25 శాతం వెయిటేజీ ఉండటంతో, ఏ విద్యార్థికీ నష్టం జరగకూడదనే ఉద్దేశంతో మంత్రి నారా లోకేష్, విద్యాశాఖ అధికారులు ఈ నిర్ణయం తీసుకున్నారు. ఇంటర్ సెకండియర్ అడ్వాన్స్డ్ సప్లిమెంటరీ పరీక్షల ఫలితాలు, అలాగే సీబీఎస్ఈ (CBSE) రివైజ్డ్ ఫలితాలు పూర్తి స్థాయిలో వచ్చే వరకు అధికారులు వేచి చూడటంతోనే ఫలితాల విడుదల ఆలస్యమైంది.
Before You Go
MLC Kavitha on Dress Sense : హైదరాబాద్ సెయింట్ ఫ్రాన్సిస్ మహిళాకళాశాలలో కవిత
టాప్ హెడ్ లైన్స్
ట్రెండింగ్ వార్తలు
