Vizag Crime News: విశాఖలో పట్టపగలే దారుణం, ఇంట్లోకి ప్రవేశించి మహిళపై హత్యాయత్నం! ట్విస్ట్ ఏంటంటే

AP Crime News | విశాఖలోని గాజువాకలో దారుణం జరిగింది. పట్టపగలే ఓ ఇంట్లోకి ప్రవేశించి ఆమెపై హత్యాయత్నం, చిన్నారి కిడ్నాప్ యత్నం చేశారు. ఈ దుర్మార్గానికి యత్నించింది ఇద్దరు మహిళలు కావడంతో అంతా షాకయ్యారు.

విశాఖలో పట్టపగలే దారుణం, ఇంట్లోకి ప్రవేశించి మహిళపై హత్యాయత్నం!

Source : ABP Desam

Visakhapatnam Crime News | విశాఖపట్నం: సాగర నగరం విశాఖపట్నంలో పట్టపగలే దారుణం జరిగింది. ఒంటరిగా ఉన్న సమయంలో ఇంట్లోకి ప్రవేశించిన ఇద్దరు మహిళలు ఓ మహిళ పై హత్యాయత్నం చేశారు. ఇంట్లోకి వచ్చి మరీ అందులోనూ మహిళలే హత్యాయత్నం చేయడంతో పాటు ఓ చిన్నారిని కిడ్నాప్ చేసేందుకు సైతం యత్నించారు. బాధితురాలు ప్రతిఘటించడంతో పెద్ద ముప్పు తప్పింది. ఈ ఘటన గాజువాక సీతారామ్ నగర్ లో బుధవారం నాడు జరిగింది. 
అసలేం జరిగిందంటే..
విశాఖ గాజువాకలోని సీతారాం నగర్ లో ఓ మహిళ ఇంట్లో ఒంటరిగా ఉందని ఇద్దరు గుర్తుతెలియని మహిళలు గమనించారు. తమ ప్లాన్ లో భాగంగా ఇంట్లోకి వెళ్లిన ఇద్దరు మహిళలు ఓ మహిళపై హత్యాయత్నం చేశారు. మహిళ గొంతుకోసి చంపాలని చూసినట్లు తెలుస్తోంది. ఈ క్రమంలో బాధితురాలి గొంతుపై గాటు పడింది. ఏడాది చిన్నారిని అపహరించేందుకు యత్నం సైతం చేయడం స్థానికంగా కలకలం రేపుతోంది. అయితే బాధితురాలు వెంటనే తేరుకుని గట్టిగా కేకలు వేయడంతో ఆ ఇద్దరు కిలేడీలు ఇంట్లో నుంచి బయటకు పరుగులు తీశారు. ఆ మహిళలు క్షణాల వ్యవధిలో స్కూటీపై అక్కడినుంచి పరారయ్యారు.

బాధితురాలు ఏమన్నారు..
ఇద్దరు మహిళలు తమ ఇంట్లోకి ప్రవేశించి తనను హత్య చేయాలని చూశారని బాధితురాలు చెప్పారు. వారిని తాను ఆ ఏరియాలో ఎప్పుడూ చూడలేదని తెలిపింది. తాను స్టాండ్ సహాయంతో నడుస్తున్నానని రెండు మూడు రోజులు గమనించి ప్లాన్ చేసి ఉంటారని బాధితురాలు చెప్పింది. ఇంట్లో నిద్రిస్తున్న సమయంలో ప్లాన్ ప్రకారం ఇంట్లోకి ప్రవేశించారని.. పాపను కిడ్నాప్ చేయడానికి యత్నించారని ఆ మహిళ పేర్కొంది. తాను గట్టిగా కేకలు వేయడంతో చుట్టుపక్కల వాళ్లు వస్తారనే భయంతో ఆ ఇద్దరు మహిళలు అక్కడి నుంచి పరారయ్యారని చెప్పింది. మీ చుట్టుపక్కల ఎవరైనా అనుమానాస్పదంగా కనిపిస్తే తమకు సమాచారం అందించాలని విశాఖ పోలీసులు సూచించారు.