![ABP Premium](https://cdn.abplive.com/imagebank/Premium-ad-Icon.png)
Hyderabad News: పబ్ లో అర్ధరాత్రి యువతులతో అసభ్య నృత్యాలు - 160 మందిని అదుపులోకి తీసుకున్న పోలీసులు, నిర్వాహకులపై కేసు నమోదు
Telangana News: వివిధ రాష్ట్రాల నుంచి యువతులను తీసుకొచ్చి అశ్లీల నృత్యాలు చేయిస్తున్న పబ్ పై బంజారాహిల్స్ పోలీసులు దాడులు చేశారు. 160 మందిని అదుపులోకి తీసుకుని పబ్ నిర్వాహకులపై కేసు నమోదు చేశారు.
![Hyderabad News: పబ్ లో అర్ధరాత్రి యువతులతో అసభ్య నృత్యాలు - 160 మందిని అదుపులోకి తీసుకున్న పోలీసులు, నిర్వాహకులపై కేసు నమోదు police raids on pub in hyderabad where obscene dances with women Hyderabad News: పబ్ లో అర్ధరాత్రి యువతులతో అసభ్య నృత్యాలు - 160 మందిని అదుపులోకి తీసుకున్న పోలీసులు, నిర్వాహకులపై కేసు నమోదు](https://feeds.abplive.com/onecms/images/uploaded-images/2024/05/05/69f31946f9a64e10518b1f3326ce050a1714895007610876_original.jpg?impolicy=abp_cdn&imwidth=1200&height=675)
Police Raids On Pub In Hyderabad: హైదరాబాద్ (Hyderabad)లోని ఓ పబ్ పై శనివారం అర్ధరాత్రి పోలీసులు దాడులు చేశారు. ఇతర రాష్ట్రాల నుంచి యువతులను తీసుకొచ్చి పబ్ లో అసభ్యకర నృత్యాలు చేయిస్తున్నట్లు గుర్తించారు. బంజారాహిల్స్ రోడ్ నెంబర్ 14లోని 'ఆఫ్టర్ నైన్' పబ్ పై దాడి చేసిన పోలీసులు దాదాపు 160 మంది యువతీ యువకులను అదుపులోకి తీసుకుని స్టేషన్ కు తరలించారు. నిబంధనలకు విరుద్ధంగా సమయం దాటిన తర్వాత కూడా పబ్ కొనసాగుతోందని.. అందుకే దాడులు చేసినట్లు పోలీసులు తెలిపారు. కస్టమర్లను ఆకర్షించేందుకు ఇతర రాష్ట్రాలకు చెందిన 40 మంది యువతులతో పబ్ నిర్వాహకులు అసభ్య నృత్యాలు చేయిస్తున్నట్లు చెప్పారు. ఈ మేరకు పబ్ నిర్వాహకులపై బంజారాహిల్స్ పోలీసులు కేసు నమోదు చేశారు. యువతీ యువకులను అదుపులోకి తీసుకున్న పోలీసులు.. వీరికి 41ఏ సీఆర్పీసీ కింద నోటీసులు జారీ చేసి వివరాలు సేకరించి పంపుతున్నారు. పబ్ లో పట్టుబడిన యువకులకు కౌన్సిలింగ్ ఇచ్చి తల్లిదండ్రులకు అప్పగించారు. యువతులను రెస్క్యూ హోమ్ కు తరలిస్తామని పోలీసులు వెల్లడించారు. ఎక్సైజ్ అధికారులతో మాట్లాడి.. పబ్ ను పూర్తిగా మూసివేసేలా చర్యలు చేపడతామని అన్నారు. అటు, పబ్ లో డ్రగ్స్ వినియోగిస్తున్నారన్న ఆరోపణల నేపథ్యంలోనూ ఆ దిశగానూ దర్యాప్తు చేస్తున్నారు.
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)