Yamaha XSR 155 లేదా KTM 160 డ్యూక్ బైక్లలో ఏది పవర్ఫుల్.. ధర, ఫీచర్లు చూసి డిసైడ్ అవ్వండి
భారత మార్కెట్లో XSR 155, KTM 160 Duke మధ్య పోటీ నెలకొంది. యమహ 155, కేటీఎం 160 డ్యూక్ బైక్స్ ధర, ఇంజిన్, మైలేజ్, ఫీచర్ల పరంగా ఏది ఉత్తమం తెలియాలంటే ఈ వివరాలు తెలుసుకోండి.
Yamaha XSR 155 భారత్లో టీ-వీలర్ మార్కెట్లో లాంచ్ అయినప్పటి నుంచి హాట్ టాపిక్గా మారింది. ఇది KTM 160 Duke వంటి పవర్ ఫుల్ స్ట్రీట్ఫైటర్ బైక్తో నేరుగా పోటీపడుతోంది. XSR 155 రెట్రో, ఆధునిక డిజైన్తో వస్తుంది. అయితే KTM 160 Duke దాని రఫ్ డిజైన్, బలమైన పనితీరుకు ఫేమస్ అయింది. రెండింటి ధర, ఇంజిన్, ఫీచర్లు, రైడ్ క్వాలిటీ వేర్వేరు అవసరాలకు అనుగుణంగా రూపొందించారు. కాబట్టి మీకు ఏ బైక్ సరైనదో తెలుసుకోవడం చాలా ముఖ్యం.
ఎక్కువ పొదుపుగా ఉండేది ఏది?
ధర విషయానికి వస్తే Yamaha XSR 155 బైక్ రూ. 1.50 లక్షల ప్రారంభ ధరతో బడ్జెట్ ఫ్రెండ్లీ ప్రీమియం బైక్గా ఉంది. దీంతో పోలిస్తే KTM 160 Duke ధర రూ. 1.85 లక్షలు. ఇది ఎక్కువ మాత్రమే కాదు, దాని అధిక పనితీరు, ఇంజిన్, మోడ్రన్ టెక్నాలజీ కారణంగా ప్రీమియం కేటగిరీలోకి వస్తుంది. మీరు తక్కువ బడ్జెట్లో స్టైలిష్ ప్రీమియం బైక్ కావాలనుకుంటే XSR 155 మంచి ఎంపిక. కానీ స్పోర్టీ రైడింగ్ మీ ఛాయిస్ అయితే డ్యూక్ బెటర్ ఛాయిస్.
ఎక్కువ సౌకర్యవంతమైనది ఏది?
స్పెసిఫికేషన్లను గమనిస్తే Yamaha XSR 155 బైక్ 134 కిలోల బరువు కారణంగా చాలా తేలికైనది. సిటీలో సులభంగా నడిపే బైక్ ఇది. దీని 160 mm గ్రౌండ్ క్లియరెన్స్, 810 mm సీటు ఎత్తు అన్ని రకాల రైడర్లకు సౌకర్యవంతంగా ఉంటుంది. KTM 160 Duke 147 కిలోల బరువుతో వస్తుంది. పొడవైన వీల్బేస్ హైవేపై గొప్ప స్థిరత్వాన్ని అందిస్తుంది. XSR 155 రైడింగ్కు మంచి కంట్రోల్ ఉంటుంది. డ్యూక్ హైవే రైడింగ్లో మరింత మెరుగ్గా అనిపిస్తుంది.
రెట్రో ఆకర్షణ లేదా ఆధునిక సాంకేతికత?
Yamaha XSR 155 దాని రెట్రో LED హెడ్లైట్, LCD డిస్ప్లే, VVA టెక్నాలజీ, స్లిప్పర్ క్లచ్ వంటి ఫీచర్ల కారణంగా క్లాసిక్ కానీ మోడ్రన్ ఎక్స్పీరియన్స్ ఇస్తుంది. దీని డెల్టాబాక్స్ ఫ్రేమ్ బలం రైడ్ను మరింత మెరుగుపరుస్తుంది. KTM 160 Duke TFT డిస్ప్లే, బ్లూటూత్ కనెక్టివిటీ, సూపర్మోటో ABS, ఆఫ్-రోడ్ ABS వంటి ఫీచర్లతో పూర్తిగా మోడ్రన్ టెక్నాలజీతో వస్తుంది. ఈ బైక్ టెక్నాలజీ, స్పోర్టీ పాత్రను ఇష్టపడే రైడర్ల కోసం.
ఇంజిన్, పనితీరు
ఇంజిన్ విషయానికి వస్తే, Yamaha XSR 155 సీసీ ఇంజిన్ 18.4 PS శక్తి అందిస్తుంది. దాదాపు 130 km/h గరిష్ట వేగాన్ని అందుకుంటుంది. KTM 160 Duke బైక్ 164.2cc ఇంజిన్ 19 PS శక్తిని అందిస్తుంది. వేగవంతమైన టార్క్కు ఇది ఫేమస్. అయితే దీని గరిష్ట వేగం దాదాపు 120 km/h ఉంటుంది. అంటే, డ్యూక్లో పవర్ డెలివరీ చాలా మెరుగ్గా ఉంటుంది. XSR 155 మృదువైన, నియంత్రిత పనితీరును చూపుతుంది. మీరు స్టైలిష్, తేలికైన, మైలేజ్-ఫ్రెండ్లీ, రోజువారీ సిటీలో నడిపేందుకు సౌకర్యవంతమైన బైక్ కావాలనుకుంటే Yamaha XSR 155 మీకు సరైనది. మీరు స్పోర్టీ రైడింగ్, వేగవంతమైన టార్క్, అధునాతన సాంకేతికత కలిగిన బైక్ను ఇష్టపడే వారైతే KTM 160 Duke మీకు మరింత మెరుగ్గా అనిపిస్తుంది.
టాప్ హెడ్ లైన్స్
ట్రెండింగ్ వార్తలు
