Yamaha Scooters India: యమహా స్కూటర్‌లలో అందుబాటులో ఉన్న మోడల్స్ ఎన్ని? లేటెస్ట్ ఫీచర్స్‌తో రాబోతున్న వెహికల్స్‌ ఏవీ?

Yamaha Scooters 2026 Price:భారతీయ టూవీలర్స్ రంగంలో తనకంటూ ప్రత్యేక ముద్ర వేసుకుంది యమహా మోటర్ ఇండియా. స్కూటర్ పోర్ట్‌ఫోలియోలో ఉన్న మోడల్స్ ఎన్ని, రాబోతున్న లేటెస్ట్ వెహికల్స్ ఏంటో చూద్దాం. 

యమహా స్కూటర్‌లలో అందుబాటులో ఉన్న మోడల్స్ ఎన్ని? లేటెస్ట్ ఫీచర్స్‌తో రాబోతున్న వెహికల్స్‌ ఏవీ?

Source : Social Media

Show Quick Read

Key points generated by AI, verified by newsroom

• యమహా స్కూటర్లు: 2026 నాటికి కొత్త మోడళ్లు, ధరల వివరాలు.
• ప్రస్తుతం మార్కెట్లో రేజెడ్‌ఆర్‌, ఫ్యాసినో, ఏరోక్స్‌ అందుబాటులో ఉన్నాయి.
• భవిష్యత్‌లో Nమ్యాక్‌, ఏరోక్స్‌-E, నియోస్‌ వంటివి విడుదల కానున్నాయి.
• ఎలక్ట్రిక్ స్కూటర్ EC-06 ఒక్క ఛార్జికి 169 కి.మీ. ప్రయాణిస్తుంది.

Yamaha Scooters 2026 Price:భారత్‌లో టూవీలర్స్‌లో స్కూటర్లకు ప్రాధాన్యత లభిస్తోంది. ప్రస్తుతం మార్కెట్‌లో ఉన్న వివిధ కంపెనీలు ఈ విభాగంలో తీవ్రమైన పోటీ ఉంది. ఎంత పోటీ ఉన్నప్పటికీ యమహా తన సత్తా చాటుకుంటూ వస్తోంది. అయితే ఈ స్కూర్ విభాగంలో ఈ కంపెనీ ప్రస్తుతం అమ్మకానికి ఉంచిన మోడల్స్ ఏంటి? రాబోయే మోడల్స్ గురించి సవివరంగా తెలుసుకుందాం.

భారత్‌లో యమహా ప్రస్థానం దశాబ్దాల చరిత్ర కలిగినది. ప్రారంభంలో ఎస్కార్ట్స్‌ గ్రూప్‌తో జాయింట్‌ వెంచర్‌ ద్వారా భారత మార్కెట్‌లోకి ప్రవేశించిన యమహా, రాజ్‌దూత్‌ 350, ఆర్‌ఎక్స్‌ 100 వంటి ఐకానిక్ బైక్‌లో ప్రజల హృదయాలను గెలుచుకుంది. అయితే కాలక్రమేణా మారుతున్న వినియోగదారుల అవసరాలకు అనుగుణంగా 2001లో ఈ సంస్థ పూర్తిగా యమహా మోటార్ కంపెనీ 100 శాతం అనుబంధ సంస్థగా మారింది. నేడు యమహా మోటర్‌ ఇండియా పేరుతో కార్యకలాపాలు సాగిస్తున్న ఈ బ్రాండ్‌ , కేవలం వేగానికే కాకుండా, అత్యుత్తమ మైలేజీ, స్టైలిష్‌ డిజైన్లకు కూడా మారుపేరుగా నిలిచింది. 

యమహా స్కూటర్ల Revs Your Heart ఫిలాసఫీ

యమహా తన వాహనాల ద్వారా వినియోగదారుల్లో ఉత్సాహాన్ని నింపాలనే లక్ష్యంతో Revs Your Heart అనే ట్యాగ్‌లైన్‌తో పని చేస్తోంది. ఈ క్రమంలోనే 2012లో తన మొదటి స్కూటర్ ఫాసినోను వినూత్నమైన కర్వీ డిజైన్‌తో లాంచ్ చేసింది. ఆ తర్వాత వచ్చిన రేజ్‌డ్‌ఆర్‌ మోడల్‌ మరింత షార్ప్‌లుక్, ఇంధన సామర్థ్యంతో  మార్కెట్‌లో తన స్థానాన్ని సుస్థిరం చేసుకుంది. 2018లో ప్రారంభించిన కాల్‌ ఆఫ్‌ ద బ్లూ ప్రచారం ద్వారా యువతను ఆకర్షించేలా స్పోర్టీ హ్యాండ్లిగ్‌, హై పర్ఫార్మెన్స్‌ వాహనాలపై యమహా ప్రత్యేక దృష్టి పెట్టింది. 

2026లో యమహా స్కూటర్ల ధరల విశ్లేషణ

ప్రస్తుతం యమహా పోర్ట్ పోలియోలో సామాన్యులకు అందుబాటులో ఉండే మోడళ్ల నుంచి ప్రీమియం స్కూటర్ల వరకు వివిధ రకాలు ఉన్నాయి. వీటి ధరలు 74, 300 నుంచి 1,67, 600 వరకు ఉన్నాయి. యమహా రేజెడ్‌ఆర్‌ 125 Fi హైబ్రిడ్‌ ప్రారంభ ధర 74,300 రూపాయలు. యమహా ఫ్యాసినో 125 Fi హైబ్రిడ్‌ ప్రారంభ ధర 74, 910, యమహా ఏరోక్స్‌ 155 ప్రారంభ ధర 1,39,700 రూపాయలు, యమహా ఈసీ-06 ప్రారంభ ధర 1,67,600 రూపాయలు. 

యమహా రేజెడ్‌ఆర్‌ 125 Fi హైబ్రిడ్‌

ఇది భారత్‌లో లభించే అత్యంత పొదుపైన స్కూటర్లలో ఒకటి. రియల్ వరల్డ్ టెస్టింగ్ ప్రకారం ఇది లీటర్‌కు 71.33 కిలోమీటర్ల మైలేజీని అందిస్తుంది. బరువు కేవలం 99 కిలోల బరువు ఉండటం వల్ల రద్దీగా ఉండే నగరాల్లో దీనిని నడపడం చాలా సులభం. దీని డ్రమ్‌ వేరియంట్‌ రూ. 73, 430కాగా డిస్క్ వేరియెంట్‌ రూ. 79, 958 వరకు ఉంటుంది. మొరటైన్ లుక్‌ ఇష్టపడే వారి కోసం స్ట్రీట్ ర్యాలీ ఎడిషన్ రూ. 5, 974 వద్ద అందుబాటులో ఉంది.

యమహా ఫ్యాసినో 125 Fi హైబ్రిడ్‌  

రెట్రో డిజైన్ , మోడ్రన్ టెక్నాలజీ కలయికగా దీనిని అభివర్ణిస్తారు. వింటేజ్ లుక్‌, కర్వీ స్టైలింగ్‌ దీని ప్రధాన ఆకర్షణ. ఇందులో ఉన్న మైల్డ్‌ హైబ్రిడ్‌ అసిస్ట్‌ ఇంజిన్ సిటీ ట్రాఫిక్‌ ఓవర్‌టేకింగ్‌ సులభం చేయడానికి మెరుగైన మిడ్- రేంజ్ పర్ఫార్మెన్స్‌ను అందిస్తుంది. మెటాలిక్ బ్లాక్ డ్రమ్‌ వేరియంట్‌ 74, 044 నుంచి ప్రారంభమవుతుంది. టీఎఫ్టీ కన్సోల్‌ ఉన్న స్పెషల్ ఎడిషన్లు రూ. 94, 254 వరకు పలుకుతున్నాయి. 

యమహా ఏరోక్స్‌ 155

ఇది స్కూటర్ రూపంలో ఉన్న బైక్ అని చెప్పవచ్చు. ఇందులో యమహా తన ప్రసిద్ధ R15 బైకులో వాడే 15cc లిక్విడ్- కూల్డ్ ఇంజిన్ అమర్చింది. ఇది కేవలం 6.26 సెకన్లలోనే 0-60కిలోమీటర్ల వేగంతో ప్రయాణించగలదు. దీని వర్షన్ ఎస్‌ మోడల్‌ కీ లెస్‌ ఎంట్రీ ప్రీమియం ఫీచర్లతో వస్తుంది. 

ఎలక్ట్రిక్ వాహన రంగంలో అడుగులు 

పర్యావరణ మార్పుల వేళ యమహా తన ఎలక్ట్రిక్ స్కూటర్‌ EC-06ని మార్కెట్‌లో ఉంచింది. దీని ధర రూ. 1, 6, 600 కాగా ఒకసారి ఛార్జ్ చేస్తే 169 కిలోమీటర్ల దూరం ప్రయాణించగలదు. ఇది యమహా శ్రేణిలో అత్యంత ఖరీదైన స్కూటర్‌. 

భవిష్యత్‌లో రాబోతున్న కొత్త మోడళ్లు

యమహా తన పోర్ట్‌ పోలియోను విస్తరించేందుకు సిద్ధమవుతోంది. ప్రస్తుతం 9 మోడళ్లు ప్రణాళికలో ఉండగా అందులో 5 మోడళ్లు త్వరలో విడుదల చేయనుంది. 

యమహా Nమ్యాక్‌ 155:- ఇది మాక్సీ స్కూటర్. డిసెంబర్‌ 2026నాటికి విడుదలయ్యే అవకాశం ఉంది. అంచనా ధర 1.40 లక్షలుగా చెబుతున్నారు. 

యమహా ఏరోక్స్‌-E:- ఏరోక్స్‌ ఎలక్ట్రిక్ వర్షన్ ఈ నెలలోనే విడుదల చేయనుంది. దీని అంచనా ధర 2.90లక్షలు. 

యమహా నియోస్‌:- రూ. 2.50 లక్షల అంచనా ధరతో రానున్న ఎలక్ట్రిక్ స్కూటర్ ఇది. 

యమహా ఫిలానో, మరో ఎలక్ట్రిక్ స్కూట్‌ను వచ్చే ఫిబ్రవరి నాటికి విడుదల చేయనున్నారు. 

మరిన్ని చదవండి

ఎయిర్‌బ్యాగ్‌లు, కారు లాంటి భద్రతతో వస్తున్న యమహా ట్రైసిటీ 300! ఇది ఎలా పని చేస్తుంది?

Yamaha XSR155 vs TVS Ronin - ధరలో ఏది చవక? దర్జాలో ఏది ఎక్కువ? 155cc vs 225cc లో ఏ బైక్ బెస్ట్?