First Electric Car in India: మనదేశంలో మొదటి ఎలక్ట్రిక్ కారు ఏది? - ఎప్పుడు లాంచ్ అయింది?

First EV in India: మనదేశంలో మొదటి ఎలక్ట్రిక్ కారును మహీంద్రా లాంచ్ చేసింది.

మహీంద్రా రెవా (ఫైల్ ఫొటో)

Source : Mahindra

India's First Electric Car: భారతదేశంలోని కార్ల తయారీ కంపెనీలు ఎలక్ట్రిక్ కార్ల తయారీపై ప్రత్యేక శ్రద్ధ కనబరుస్తున్నాయి. దేశంలో ఎలక్ట్రిక్ కార్లకు నిరంతరం పెరుగుతున్న డిమాండ్ దీనికి కారణం. టాటా నుంచి మహీంద్రా వరకు అనేక ఆటోమొబైల్ కంపెనీలు ఎలక్ట్రిక్ వాహనాల రంగంలో అడుగులు వేస్తున్నాయి. పర్యావరణ కాలుష్యాన్ని దృష్టిలో ఉంచుకుని ఎలక్ట్రిక్ వాహనాల తయారీపై చాలా శ్రద్ధ చూపుతున్నాయి. అయితే దేశంలో తొలి ఎలక్ట్రిక్ కారును ఏ కంపెనీ విడుదల చేసిందో తెలుసా?

దేశంలోనే తొలి ఎలక్ట్రిక్ కారును తీసుకొచ్చిన కంపెనీ
భారతదేశంలో ఎలక్ట్రిక్ కారును కార్ల తయారీదారు మహీంద్రా ప్రారంభించింది. 2001 సంవత్సరంలో మహీంద్రా మొట్టమొదటి ఎలక్ట్రిక్ కారు మహీంద్రా రేవాను భారత మార్కెట్లో విడుదల చేసింది. కొన్ని సంవత్సరాలలో మహీంద్రా బెంగళూరులో దీని కోసం రీసెర్చ్ అండ్ డెవలప్‌మెంట్ సెంటర్‌ను కూడా ప్రారంభించింది. మహీంద్రా ఎలక్ట్రిక్ కార్లు మార్కెట్లో బాగా ప్రాచుర్యం పొందాయి.

కంపెనీ భారతీయ మార్కెట్లో అనేక రకాల ఈవీలను విడుదల చేసింది. ఈ మోడళ్లలో ఈ20, ఈ వెరిటో మోడల్స్ కూడా ఉన్నాయి. భవిష్యత్తులో మరిన్ని ఎలక్ట్రిక్ వాహనాలను తయారు చేయడంపై మహీంద్రా దృష్టి సారిస్తోంది. అంతేకాకుండా కంపెనీ ఈవీ ఛార్జింగ్‌ను పెంచడంపై కూడా దృష్టి సారిస్తోంది. మహీంద్రా ఎక్స్‌యూవీ400 ఈవీ ప్రస్తుతం భారత మార్కెట్లో ఉంది. ఈ కారులో రెండు వేరియంట్లు మార్కెట్‌లో అందుబాటులో ఉన్నాయి. ఈ కారు ఎక్స్ షోరూమ్ ధర రూ.15.49 లక్షల నుంచి ప్రారంభమవుతుంది.

టాటా దేశంలోనే అతిపెద్ద ఆటోమొబైల్ తయారీ కంపెనీ. మార్కెట్లో టాటా వాహనాలకు చాలా డిమాండ్ ఉంది. ఇటీవల టాటా అనేక ఎలక్ట్రిక్ వాహనాలను ఒకదాని తర్వాత ఒకటి విడుదల చేసింది. కానీ మహీంద్రాతో పోలిస్తే టాటా ఎలక్ట్రిక్ వెహికల్ సెగ్మెంట్ కొత్త కంపెనీ లాంటిది. టాటా తన ఈవీ కలెక్షన్‌లో ప్యాసింజర్ వాహనాలు, ఎలక్ట్రిక్ బస్సుల తయారీపై చాలా శ్రద్ధ చూపింది.

టాటా ఈవీ 4 వీలర్ కలెక్షన్‌లో అనేక వాహనాలు ఉన్నాయి. టాటా ఈ జాబితాలో నెక్సాన్ ఈవీ, టిగోర్ ఈవీ, టియాగో ఈవీ, నానో ఈవీ వంటి వాహనాలు ఉన్నాయి. ఇటీవల టాటా ఎలక్ట్రిక్ కారు పంచ్ ఈవీ చాలా వార్తలలో ఉంది. టాటా పంచ్ ఈవీ 2024 జనవరిలో మార్కెట్లో లాంచ్ అయింది.

మరోవైపు టాటా నెక్సాన్ ఎస్‌యూవీకి ఏబీపీ ఆటో అవార్డుల్లో ఫేస్‌లిఫ్ట్ ఆఫ్ ది ఇయర్ అవార్డు లభించింది. 2023 సంవత్సరంలో టాటా మోటార్స్ దేశంలో అత్యధికంగా అమ్ముడవుతున్న కార్లలో ఒకటైన నెక్సాన్ ఎస్‌యూవీ ఫేస్‌లిఫ్ట్ మోడల్‌ను విడుదల చేసింది. టాటా నెక్సాన్ ఫేస్‌లిఫ్ట్ ఎక్స్ షోరూమ్ ధర రూ. 8.15 లక్షల నుంచి మొదలవుతుంది. ఇక టాటా నెక్సాన్ ఫేస్‌లిఫ్ట్ టాప్ వేరియంట్ కోసం రూ. 15.80 లక్షలకు చేరుకుంటుంది. ఈ కారు మొత్తం 11 వేరియంట్‌లలో (స్మార్ట్, స్మార్ట్+, స్మార్ట్+ S, ప్యూర్, ప్యూర్ ఎస్, క్రియేటివ్, క్రియేటివ్+, క్రియేటివ్+ ఎస్, ఫియర్‌లెస్, ఫియర్‌లెస్ ఎస్, ఫియర్‌లెస్+ ఎస్), ఆరు కలర్ ఆప్షన్లలో లాంచ్ అయింది.