Tata Sierra EV vs Petrol-Diesel:టాటా సియారా EV, పెట్రోల్-డీజిల్ మధ్య తేడా ఏంటీ? కొనుగోలు చేసే ముందు వ్యత్యాసం తెలుసుకోండి!

Tata Sierra EV vs Petrol-Diesel: మీరు టాటా సియారా ఈవీ కొనాలా లేక పెట్రోల్-డీజిల్ మోడల్ కొనాలా? కొనుగోలు చేసే ముందు, ఈ రెండింటి మధ్య ఉన్న ముఖ్యమైన తేడాలను తెలుసుకోండి.  

టాటా సియారా EV లేదా పెట్రోల్-డీజిల్ మధ్య తేడా ఏంటీ? కొనుగోలు చేసే ముందు వ్యత్యాసం తెలుసుకోండి!

Source : Social Media

Show Quick Read

Key points generated by AI, verified by newsroom

• టాటా సియెరా EV, పెట్రోల్/డీజిల్ ప్లాట్‌ఫారమ్‌లు విభిన్నంగా ఉంటాయి.
• EV డ్యూయల్ మోటార్, అధునాతన డిజైన్‌తో అధిక టార్క్.
• EVలో ట్రిపుల్ స్క్రీన్, V2L వంటి అత్యాధునిక ఫీచర్లు.
• సుదూర ప్రయాణాలకు పెట్రోల్/డీజిల్ ఇప్పటికీ ఆదరణ పొందుతున్నాయి.

Tata Sierra EV vs Petrol-Diesel: గత కొన్నేళ్లుగా భారత్‌లో ఎస్‌యూవీల క్రేజ్ పెరిగింది. దీని ఫలితంగా, ఆటోమొబైల్ కంపెనీలు మరింత అధునాతనమైన ఎస్‌యూవీలను మార్కెట్‌లోకి తీసుకువస్తున్నాయి. ఇటీవల, టాటా మోటార్స్ ఒక శక్తివంతమైన ఎలక్ట్రిక్ ఎస్‌యూవీని విడుదల చేసింది. ఎలక్ట్రిక్ సియారా జూన్ 30న భారత ఆటో పరిశ్రమలో ప్రారంభమైంది. అప్పటి నుంచి, ఎలక్ట్రిక్ సియారా తీవ్రమైన చర్చనీయాంశంగా మారింది. 

అయితే, మీరు టాటా సియారా కొనాలని ఆలోచిస్తుంటే, ఏ వేరియంట్‌ను పరిగణనలోకి తీసుకోవాలో ఈరోజు మనం చర్చిద్దాం. సియారా పెట్రోల్, డీజిల్, ఎలక్ట్రిక్ వేరియంట్లలో అందుబాటులో ఉంది. కాబట్టి, మీకు ఏ వేరియంట్ సరైనదో సులభంగా అర్థం చేసుకుందాం.

డిజైన్‌లో చాలా తేడా ఉంది 

టాటా సియారా EVకి, దాని పెట్రోల్, డీజిల్ వేరియంట్లకు మధ్య ఉన్న అతిపెద్ద సాంకేతిక వ్యత్యాసం, అవి నిర్మించిన ప్లాట్‌ఫారమ్. టాటా సియారా EV, కంపెనీ సరికొత్త, అధునాతన జనరేషన్ 2 యాక్టి.ఈవి (acti.ev) మోడల్‌పై ఆధారపడి ఉంది. దీనిని ప్రత్యేకంగా ఎలక్ట్రిక్ వాహనాల అవసరాలను దృష్టిలో ఉంచుకొని రూపొందించారు. 

సియారా పెట్రోల్, డీజిల్ మోడల్‌లు, కంబషన్ ఇంజిన్‌ల కోసం రూపొందింంచిన కంపెనీ ఆల్ఫా లేదా ఒమేగా మోడల్‌లపై ఆధారపడి ఉన్నప్పటికీ, వాటి విభిన్న ప్లాట్‌ఫారమ్‌ల కారణంగా ఈ రెండు వాహనాలు రైడ్ క్వాలిటీ, బ్యాలెన్స్, క్యాబిన్ స్పేస్ విషయంలో చాలా విభిన్నంగా ఉంటాయి.

మీరు సాహసాలను లేదా పర్వత ప్రాంతాలలో డ్రైవింగ్‌ను ఇష్టపడితే, సియారా ఎలక్ట్రిక్ ఉత్తమ ఎంపిక అవుతుంది. టాప్-ఎండ్ సియారా EV వేరియంట్ డ్యూయల్ మోటార్, ఆల్-వీల్ డ్రైవ్ సెటప్‌తో వస్తుంది, ఇది ఏకంగా 504Nm టార్క్‌ను ఉత్పత్తి చేస్తుంది. కఠినమైన భూభాగాలపై కూడా అద్భుతమైన పట్టును అందిస్తుంది. 

మరోవైపు, పెట్రోల్ ,డీజిల్ మోడళ్లు ఫ్రంట్-వీల్ డ్రైవ్‌తో వస్తాయి, దీనిలో ఇంజిన్ శక్తి కేవలం ముందు చక్రాలకు మాత్రమే పంపుతుంది. పెట్రోల్ 1.5-లీటర్ టర్బోచార్జ్డ్ ఇంజిన్, డీజిల్ 1.5-లీటర్ టర్బోచార్జ్డ్ ఇంజిన్ నగరం, హైవే డ్రైవింగ్ కోసం మార్పులు చేసినా అవి ఒక EV అంతటి శక్తిని అందించవు.

డిజైన్‌లో మార్పులు 

ఎలక్ట్రిక్  సియారా విడుదలైన తర్వాత, రెండు వాహనాలు ఒకే విధమైన దృఢమైన, భవిష్యత్ తరహా డిజైన్‌ కలిగి ఉన్నట్లు కనిపిస్తున్నాయి. అయితే, నిశితంగా పరిశీలిస్తే తేడాలు స్పష్టమవుతాయి. సియారా EV ముందు భాగంలో క్లోజ్డ్‌ గ్రిల్, సొగసైన, అనుసంధానించిన LED లైట్ బార్ ఉన్నాయి, ఇవి దానికి చాలా ఆధునిక రూపాన్ని ఇస్తున్నాయి. 

మరోవైపు, పెట్రోల్ -డీజిల్ మోడళ్లలో ఇంజిన్‌ను చల్లగా ఉంచడానికి సాంప్రదాయ ఫ్రంట్ ఎయిర్ వెంట్,  గ్రిల్ ఉంటాయి. అంతేకాకుండా, రెండు మోడళ్లలోని అల్లాయ్ వీల్స్ డిజైన్‌లో పూర్తిగా భిన్నంగా ఉంటాయి,  EV వేరియంట్‌లో అంతటా ప్రత్యేకమైన EV బ్యాడ్జింగ్ కూడా ఉంటుంది.

క్యాబిన్ లోపల హై-టెక్ ఫీచర్లు

మీరు టాటా సియారా లోపలికి అడుగుపెట్టిన వెంటనే, ఫీచర్లలో చాలా తేడాను గమనిస్తారు. సియారా EVలో ట్రిపుల్-స్క్రీన్ లేఅవుట్, కారు నుంచి గృహోపకరణాలను ఆపరేట్ చేయడానికి వీలు కల్పించే V2L టెక్నాలజీ, అధునాతన 540-డిగ్రీల కెమెరా ఉన్నాయి. దీనికి ముందు వైపు సామాను నిల్వ చేయడానికి ఫ్రంక్ కూడా ఉంది. 

పెట్రోల్ -డీజిల్ మోడళ్లలో కూడా పనోరమిక్ సన్‌రూఫ్, వెంటిలేటెడ్ సీట్ల వంటి అన్ని విలాసవంతమైన సౌకర్యాలతో కూడిన ప్రీమియం ఇంటీరియర్ ఉంటుంది. అయితే, EVలలో కనిపించే కొన్ని అత్యంత అధునాతన టెక్ ఫీచర్లు వీటిలో లేవు. అయినప్పటికీ, ఛార్జింగ్ ఇబ్బంది లేకుండా సుదూర ప్రయాణం విషయానికి వస్తే, పెట్రోల్ -డీజిల్ వాహనాలే ఇప్పటికీ ఎలక్ట్రిక్ వాహనాల కంటే ఎక్కువగా అమ్ముడవుతున్నాయి.

మరిన్ని చదవండి

టాటా సియారా EVలోని మంచి ఫీచర్లు ఉన్న వేరియంట్ ఏది? కొనే ముందు తెలుసుకోవాల్సిన విషయాలు ఇవే!

ఏ కాంపాక్ట్ SUVకి లేని శక్తితో వచ్చిన టాటా సియరా EV! బేసిక్‌, టాప్‌ వేరియంట్‌ ధరలు ఎలా ఉన్నాయి?