Upcoming SUVs: విన్ఫాస్ట్ నుంచి మహీంద్రా వరకు - ఈ నెలలో 5 కొత్త కార్లు లాంచ్
Upcoming SUVs India In August 2025: వోల్వో, మెర్సిడెస్, మహీంద్రా & విన్ఫాస్ట్ నుంచి కొత్త SUVలు, కాన్సెప్ట్ కార్లు ఆగస్టు 2025లో భారత మార్కెట్లో విడుదల కానున్నాయి.
SUV Launch In August 2025: భారతదేశంలోని పాపులర్ కార్ కంపెనీలు ఈ నెలలో (ఆగస్టు 2025) కొత్త వాహనాలను లాంచ్ చేయబోతున్నాయి. SUV & ఎలక్ట్రిక్ విభాగంలో హై రేంజ్ డిమాండ్కు అనుగుణంగా.. వోల్వో, మెర్సిడెస్, మహీంద్రా & విన్ఫాస్ట్ వంటి కంపెనీలు కొత్త మోడళ్ల ఓవర్లుక్ అందించాయి. మీరు ఆగస్టులో కొత్త కారు కొనాలని ప్లాన్ చేస్తుంటే, ఈ వార్త మీకు బాగా ఉపయోగపడుతుంది.
1. వోల్వో XC60 ఫేస్లిఫ్ట్
వోల్వో XC60 ఫేస్లిఫ్ట్ ఆగస్టు ప్రారంభంలోనే భారతీయ మార్కెట్లోకి రాబోతోంది. ఈ కారులో కొత్త గ్రిల్ డిజైన్, మల్టీ-స్పోక్ అల్లాయ్ వీల్స్, స్మోక్డ్ టెయిల్-లైట్లు & కొత్త బాడీ కలర్స్ వంటి చిన్నపాటి ఎక్స్టీరియర్ మార్పులు ఉన్నాయి. దీని ఇంటీరియర్లో అతి పెద్ద మార్పు 11.2-అంగుళాల టచ్స్క్రీన్, ఇది క్వాల్కామ్ కొత్త స్నాప్డ్రాగన్ చిప్సెట్పై నడుస్తుంది, మునుపటి కంటే రెండు రెట్లు వేగంగా ఉంటుంది. ఇంజిన్లో మార్పు లేదు, అదే 2-లీటర్ టర్బో-పెట్రోల్ ఇంజిన్తో పని చేస్తుంది. ఇది 250hp పవర్ ఇస్తుంది & 8-స్పీడ్ ఆటోమేటిక్ గేర్బాక్స్తో స్మూత్గా పరుగెడుతుంది. ఇది ఆల్-వీల్ డ్రైవ్ (AWD) SUV అవుతుంది.
2. మెర్సిడెస్-AMG CLE 53 కూపే
CLE 300 కాబ్రియోలెట్ వెర్షన్ కంటే మెరుగ్గా ఉండే ప్రీమియం స్పోర్ట్స్ కారు 'మెర్సిడెస్ AMG CLE 53 కూపే'. ఇది పాన్-అమెరికానా గ్రిల్, ఫ్లేర్డ్ ఫెండర్లు, గ్లోస్-బ్లాక్ డిఫ్యూజర్ & నాలుగు ఎగ్జాస్ట్ పైపులతో స్పోర్టీ డిజైన్తో వస్తోంది. ఇంటీరియర్లో.. 11.9-అంగుళాల టచ్స్క్రీన్, 12.3-అంగుళాల డిజిటల్ డ్రైవర్ డిస్ప్లే & అల్కంతారా మెటీరియల్తో (ఇదొక లగ్జరీ మెటీరియల్) చేసిన AMG స్టీరింగ్ వీల్ను కలిగి ఉంటుది. 64 కలర్ యాంబియంట్ లైటింగ్ & వైర్లెస్ ఆపిల్ కార్ప్లే & ఆండ్రాయిడ్ ఆటో సహా అడ్వాన్స్డ్ ఫీచర్లు ఉన్నాయి.
3. కొత్త మహీంద్రా కాంపాక్ట్ SUV
మహీంద్రా తన కొత్త కాంపాక్ట్ SUVని ఆగస్టు 15న విడుదల చేయబోతోంది, ఇది కంపెనీ కొత్త 'nu' మోనోకోక్ ప్లాట్ఫామ్ ఆధారంగా తయారైంది. ఈ వాహనం 4 మీటర్ల కంటే తక్కువ పొడవు ఉంటుంది & బొలెరో లేదా XUV 3XO కంటే భిన్నమైన డిజైన్ & ఫీచర్లతో లాంచ్ అవుతుంది. ఇటీవల దీని టెస్టింగ్ ప్రోటోటైప్ కనిపించింది, దీనిలో థార్ రాక్స్ను పోలి ఉండే డిజైన్ కనిపించింది. ఈ కారుకు 1.2-లీటర్ పెట్రోల్ లేదా 1.5-లీటర్ డీజిల్ ఇంజిన్ ఉండవచ్చు & భవిష్యత్తులో హైబ్రిడ్ పవర్ట్రెయిన్ను కూడా జోడించవచ్చు.
4. మహీంద్రా విజన్ కాన్సెప్ట్ సిరీస్
మహీంద్రా, ఆగస్టు 15నే, తన Vision కాన్సెప్ట్ కార్ సిరీస్ను ప్రదర్శించబోతోంది. ఈ నాలుగు కాన్సెప్ట్లకు SXT, X, T & S అని పేర్లు పెట్టింది. Vision SXT అనేది థార్ లాగా బలమైన SUV కావచ్చు. Vision X అనేది XEV 7e మోడల్కు కాంపాక్ట్ వెర్షన్ కావచ్చు. Vision T అనేది ఎలక్ట్రిక్ థార్కు అప్గ్రేడ్ వెర్షన్ కావచ్చు & Vision S అనేది స్కార్పియో కొత్త వెర్షన్ అని భావిస్తున్నారు. వాటి పవర్ట్రెయిన్, లాంచ్ తేదీ & లక్షణాల వివరాలు ఇంకా వెల్లడి కాలేదు, కానీ డిజైన్ గురించి చాలా స్పష్టంగా తెలుస్తోంది.
5. విన్ఫాస్ట్ VF7
వియత్నాంకు చెందిన ఎలక్ట్రిక్ బ్రాండ్ VinFast, తన మొదటి కారు VF7 తో భారత మార్కెట్లోకి ప్రవేశిస్తోంది. 4,545 మీటర్ల పొడవు గల ఈ ఎలక్ట్రిక్ SUV ప్రీమియం క్రాస్-ఓవర్ డిజైన్తో వస్తుంది. దీనికి 19-అంగుళాల అల్లాయ్ వీల్స్ & 190 mm గ్రౌండ్ క్లియరెన్స్ ఉన్నాయి. ఇంటీరియర్లో 12.9-అంగుళాల టచ్స్క్రీన్, వెంటిలేటెడ్ సీట్లు, రిక్లైనింగ్ రియర్ సీట్లు & లెవెల్ 2 ADAS తో 7 ఎయిర్బ్యాగ్లు ఇచ్చారు. ఈ కారుకు 70.8kWh LFP బ్యాటరీ ఉంది, ఇది 7.2kW AC & CCS2 DC ఫాస్ట్ ఛార్జింగ్కు మద్దతు ఇస్తుంది. ఈ కారు రెండు వెర్షన్లలో వస్తుంది - 204hp FWD & 350hp AWD. వీటి డ్రైవింగ్ రేంజ్ వరుసగా 450 కి.మీ. & 431 కి.మీ.
టాప్ హెడ్ లైన్స్
ట్రెండింగ్ వార్తలు
