ఆఫీస్‌ లేదా కాలేజీకి వెళ్లడానికి రూ.లక్ష లోపు వచ్చే TVS టూవీలర్లు.. ఈ మోడళ్లపై ఓ లుక్కేయండి!
రూ.1 లక్షలోపు టీవీఎస్ బైక్స్ & స్కూటర్ల వివరాలు ఇవే. రైడర్, జూపిటర్, జూపిటర్ 125, స్పోర్ట్, రేడియన్, స్టార్ సిటీ ప్లస్ & XL 100 ధరలు చూడండి.
TVS Bikes Scooters Under Rs 1,00,000: ఈ పండుగ టైమ్‌లో కొత్త బైక్ లేదా స్కూటర్ కొనాలని చూస్తున్నారా? బడ్జెట్ రూ.1 లక్షలోపేనా? అయితే TVS మోటార్ కంపెనీకి చెందిన 10 మోడళ్లు మీకు ఇప్పుడు అందుబాటులో ఉన్నాయి. ఆఫీస్‌ లేదా కాలేజీకి వెళ్లడానికి కమ్యూటర్ బైక్‌ల నుంచి కుటుంబ అవసరాలకు సరిపోయే స్కూటర్ల వరకు టీవీఎస్ వివిధ మోడళ్లను ఆప్షన్లను అందిస్తోంది.
ప్రస్తుతం రూ.1 లక్షలోపు టీవీఎస్ ద్విచక్ర వాహనాల జాబితాలో రైడర్, జూపిటర్, జూపిటర్ 125, రేడియన్, స్పోర్ట్, స్టార్ సిటీ ప్లస్ & XL 100 వంటి మోడళ్లు ఉన్నాయి. ఆర్బిటర్ & ఎన్‌టార్క్ 125 మోడళ్లలో కొన్ని వేరియంట్లు కూడా రూ.1 లక్షలోపే ఉన్నాయి.
ముందుగా TVS Raider విషయానికి వస్తే, ఇది యువతను ఆకట్టుకునే డిజైన్‌తో వస్తుంది. తెలుగు రాష్ట్రాల్లో దీని ఎక్స్-షోరూమ్ ధర దాదాపు రూ.83,410 నుంచి ప్రారంభమవుతుంది. టాప్ వేరియంట్ ధర రూ.99,620 వరకు ఉంది. ఇందులో 125cc ఇంజిన్ ఉంటుంది. మాన్యువల్ గేర్‌బాక్స్‌తో వచ్చే ఈ బైక్ లీటరుకు 56.7 కిలోమీటర్ల వరకు మైలేజ్ ఇస్తుందని పేర్కొనబడింది.
స్కూటర్ కొనాలనుకునే వారికి TVS Jupiter ఒక ఆప్షన్. దీని ధర రూ.73,400 నుంచి రూ.86,900 వరకు ఉంది. ఇందులో 113cc ఇంజిన్ ఉంటుంది. ఆటోమేటిక్ ట్రాన్స్‌మిషన్‌తో వస్తుంది. మైలేజ్ 53.8 కిలోమీటర్లుగా ఉంది. కుటుంబ అవసరాలకు అనుగుణంగా ఈ స్కూటర్‌ను రూపొందించారు.
ఇంకాస్త ఎక్కువ సామర్థ్యం ఉన్న స్కూటర్ కావాలంటే TVS Jupiter 125ను పరిశీలించవచ్చు. దీని ధర రూ.81,100 నుంచి రూ.89,940 వరకు ఉంది. 125cc ఇంజిన్‌తో వచ్చే ఈ స్కూటర్ ఆటోమేటిక్ గేర్‌బాక్స్‌తో లభిస్తుంది. మైలేజ్ 50 కిలోమీటర్లుగా ఉంది.
TVS Zest 110 కూడా రూ.1 లక్ష లోపు అందుబాటులో ఉన్న స్కూటర్లలో ఒకటి. దీని ఎక్స్-షోరూమ్ ధర రూ.70,850 నుంచి రూ.75,750 వరకు ఉంది. ఇది 110cc స్కూటర్. తక్కువ బడ్జెట్‌లో రోజువారీ ప్రయాణానికి స్కూటర్ కోరుకునేవారికి, ముఖ్యంగా మహిళలకు ఇది ఒక ఆప్షన్.
TVS Ntorq 125 కూడా ఈ జాబితాలో ఉంది. దీని ప్రారంభ ధర రూ.83,350. అయితే టాప్ వేరియంట్ ధర రూ.1.01 లక్షల వరకు ఉంటుంది. అంటే కొన్ని వేరియంట్లు మాత్రమే రూ.1 లక్ష బడ్జెట్‌లోకి వస్తాయి. ఇందులో 125cc ఇంజిన్ & ఆటోమేటిక్ ట్రాన్స్‌మిషన్ ఉన్నాయి. మైలేజ్ 48.5 కిలోమీటర్లుగా ఉంది.
ఎలక్ట్రిక్ స్కూటర్ కావాలనుకునేవారికి TVS Orbiter ఒక ఆప్షన్. దీని ప్రారంభ ధర రూ.88,250. అయితే టాప్ వేరియంట్ ధర రూ.1.05 లక్షల వరకు ఉంది. ఇందులో 1.8 కిలోవాట్ అవర్ నుంచి 3.1 కిలోవాట్ అవర్ వరకు బ్యాటరీ ఆప్షన్లు ఉన్నాయి. ఒక్కసారి ఛార్జ్ చేస్తే 86 కిలోమీటర్ల నుంచి 158 కిలోమీటర్ల వరకు ప్రయాణించే సామర్థ్యం ఉంది.
ఇది కూడా చదవండి: హై మైలేజ్ కారు వ్యాగన్‌ ఆర్‌.. నెలకు రూ.8,200 EMIతో! ఎంత లోన్ తీసుకోవాలి, ఎంత డౌన్‌పేమెంట్‌ చేయాలి?
బాగా తక్కువ ధరలో బైక్ కావాలనుకునేవారికి TVS Radeon అందుబాటులో ఉంది. దీని ధర రూ.55,400 నుంచి రూ.78,200 వరకు ఉంది.
TVS Sport ధర రూ.55,500 నుంచి రూ.57,500 వరకు ఉంది. ఇది 110cc ఇంజిన్‌తో వస్తుంది. మాన్యువల్ గేర్‌బాక్స్ ఉంటుంది. మైలేజ్ 80 కిలోమీటర్లుగా పేర్కొనబడింది.
TVS Star City Plus ధర రూ.72,500 నుంచి రూ.75,200 వరకు ఉంది. ఇందులో 110cc ఇంజిన్ & మాన్యువల్ గేర్‌బాక్స్ ఉన్నాయి. గరిష్ట వేగం గంటకు 90 కిలోమీటర్లు.
ఇక TVS XL 100 ప్రత్యేకమైన మోడల్. ఇది రోజువారీ అవసరాలకు, చిన్న వ్యాపార అవసరాలకు ఉపయోగపడే మోపెడ్. దీని ధర రూ.45,350 నుంచి రూ.61,360 వరకు ఉంది.
కాబట్టి రూ.1 లక్షలోపు టీవీఎస్ వాహనం కొనుగోలు చేయాలనుకునేవారికి బడ్జెట్, వినియోగం & ఇంధన అవసరాలను బట్టి పలు ఆప్షన్లు ఉన్నాయి. పెట్రోల్ బైక్ కావాలంటే రైడర్, స్పోర్ట్, రేడియన్ & స్టార్ సిటీ ప్లస్ ఉన్నాయి. స్కూటర్ కావాలంటే జూపిటర్, జూపిటర్ 125 & ఎన్‌టార్క్ 125 ఉన్నాయి. ఎలక్ట్రిక్ వాహనం కావాలంటే ఆర్బిటర్‌ను పరిశీలించవచ్చు.
గమనిక: ఇక్కడ పేర్కొన్న ధరలు తెలుగు రాష్ట్రాల్లోని ఎక్స్-షోరూమ్ ధరలు. వేరియంట్, నగరం & ఇతర ఛార్జీలను బట్టి తుది ధర మారవచ్చు.
ఇది కూడా చదవండి: Honda SP 125 EMI: హోండా SP 125 ఆన్‌రోడ్ ధర ఎంత, లోన్ ఎంత వస్తుంది, EMI ఎంత కట్టాలి?
ఇంకా ఇలాంటి ఆటోమొబైల్‌ వార్తలు & అప్‌డేట్స్‌ కోసం "ABP దేశం" 'ఆటో' సెక్షన్‌ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
