Royal Enfield Meteor 350: కొనాలనుకుంటున్నారా? ముందు ఈ 6 విషయాలు తెలుసుకోండి
Royal Enfield Meteor 350 క్రూయిజర్ బైక్ కొనాలనుకుంటున్నారా? ఇంజిన్, వేరియంట్లు, ఫీచర్లు, ధరలు సహా తెలుసుకోవాల్సిన 6 కీలక విషయాలు ఇక్కడే, ఇప్పుడే చదవండి.
Royal Enfield Meteor 350 Price And Features Telugu: భారత మార్కెట్లో క్రూయిజర్ మోటార్సైకిళ్లకు హార్డ్కోర్ ఫ్యాన్ బేస్ ఉంది. సిటీ రైడింగ్ నుంచి హైవే టూరింగ్ వరకు సౌకర్యంగా ప్రయాణించాలనుకునే రైడర్లకు Royal Enfield Meteor 350 ఒక నమ్మకమైన ఆప్షన్గా నిలుస్తోంది. ఆగ్రెసివ్ స్పోర్ట్స్ బైక్ కంటే ఈజీగా ఉండే, కంఫర్ట్కు ప్రాధాన్యం ఇచ్చే బైక్ కావాలనుకునే వారికి ఇది ప్రత్యేకంగా నచ్చుతుంది. Meteor 350 కొనుగోలు చేసే ముందు తెలుసుకోవాల్సిన 6 ముఖ్య విషయాలు ఇవే.
1. Meteor 350 ఇంజిన్ సామర్థ్యం ఎంత?
Royal Enfield Meteor 350లో 349.34cc సామర్థ్యం గల సింగిల్ సిలిండర్, ఎయిర్-కూల్డ్ ఇంజిన్ను ఉపయోగించారు. ఈ ఇంజిన్ 6,100 rpm వద్ద 20hp శక్తిని, 4,000 rpm వద్ద 27Nm టార్క్ను ఉత్పత్తి చేస్తుంది. 5-స్పీడ్ గేర్బాక్స్తో వచ్చే ఈ బైక్కు ఇప్పుడు స్టాండర్డ్గా స్లిప్ అండ్ అసిస్ట్ క్లచ్ అందిస్తున్నారు. దీని వల్ల ట్రాఫిక్లో రైడింగ్ మరింత సులభంగా మారుతుంది.
2. ఫ్యూయల్ ట్యాంక్, బరువు, సీట్ హైట్ వివరాలు
Meteor 350లో 15 లీటర్ల ఫ్యూయల్ ట్యాంక్ అందించారు. బైక్ కెర్బ్ వెయిట్ 191 కిలోలు కాగా, సీట్ హైట్ కేవలం 765mm మాత్రమే. తక్కువ సీట్ హైట్ ఉండటంతో తక్కువ ఎత్తు ఉండే రైడర్లు కూడా ఈ బైక్ను ఆత్మవిశ్వాసంతో నడిపగలరు.
3. Meteor 350లో ఎన్ని వేరియంట్లు ఉన్నాయి?
Royal Enfield Meteor 350ను మొత్తం నాలుగు ప్రధాన వేరియంట్లలో విక్రయిస్తున్నారు. అవి - Fireball, Stellar, Aurora, Supernova. అదనంగా Motoverse 2025లో లిమిటెడ్ ఎడిషన్గా Sundowner Orange వేరియంట్ను కూడా పరిచయం చేశారు. ఈ వేరియంట్లో ట్యూబ్లెస్ స్పోక్ వీల్స్ ప్రధాన ఆకర్షణగా నిలుస్తాయి.
4. వేరియంట్ల మధ్య తేడాలు ఏమిటి?
Fireball వేరియంట్ సింగిల్ టోన్ కలర్ స్కీమ్స్తో, అలాయ్ వీల్స్తో వస్తుంది. ఇందులో బ్లాక్ ఫినిష్ ఇంజిన్, ఎగ్జాస్ట్ కనిపిస్తాయి. Stellar వేరియంట్లో బాడీ కలర్కు మ్యాచ్ అయ్యే సైడ్ ప్యానెల్స్, రియర్ ఫెండర్ ఉంటాయి. Aurora, Supernova వేరియంట్లు డ్యూయల్ టోన్ కలర్ స్కీమ్స్తో పాటు క్రోమ్ ఫినిష్ ఇంజిన్, ఎగ్జాస్ట్తో వస్తాయి. రెట్రో లుక్ కోసం Aurora స్పోక్ వీల్స్ను అందిస్తే, ప్రాక్టికాలిటీ కోసం Supernova మెషిన్డ్ అలాయ్ వీల్స్ను ఉపయోగించారు.
5. Meteor 350లో లభించే ఫీచర్లు
తాజా అప్డేట్లో Meteor 350కు LED హెడ్ల్యాంప్స్, Tripper నావిగేషన్ పాడ్, LED టర్న్ ఇండికేటర్లు, USB Type-C ఫాస్ట్ ఛార్జింగ్ పోర్ట్, అసిస్ట్ అండ్ స్లిప్ క్లచ్, అడ్జస్టబుల్ లీవర్లు లభిస్తున్నాయి. Fireball, Stellar వేరియంట్లలో LED హెడ్ల్యాంప్స్, Tripper పాడ్ స్టాండర్డ్గా వస్తే, Aurora, Supernova వేరియంట్లలో అడ్జస్టబుల్ లీవర్లను స్టాండర్డ్గా అందిస్తున్నారు.
6. Meteor 350 ధర ఎంత?
Royal Enfield Meteor 350 ఎక్స్-షోరూమ్ ధరలు వేరియంట్ను బట్టి రూ.1.96 లక్షల నుంచి రూ.2.19 లక్షల వరకు ఉన్నాయి.
Fireball: రూ.1,95,762
Stellar: రూ.2,03,419
Aurora: రూ.2,06,290
Supernova: రూ.2,15,883
Sundowner Orange: రూ.2,18,882
సౌకర్యవంతమైన రైడింగ్, నమ్మకమైన ఇంజిన్, క్రూయిజర్ స్టైల్ లుక్ కోరుకునే వారికి Royal Enfield Meteor 350 మంచి ఎంపికగా నిలుస్తుంది. రోజువారీ ప్రయాణాలకైనా, లాంగ్ రైడ్స్కైనా ఈ బైక్ సరైన బ్యాలెన్స్ను అందిస్తుంది.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
