వారానికి 300 km వరకు ట్రావెల్‌ - 40+ ఏజ్‌ ఉన్నవాళ్లు Ntorq 125 లేదా 150 తీసుకోవాలా? లేక ఎలక్ట్రిక్‌ స్కూటర్‌ సేఫ్‌ ఆప్షనా?

ప్రతి వారం 250 నుంచి 300 కిలోమీటర్ల వరకు ప్రయాణిస్తున్నారా, ఇంటి సరుకులు కూడా తెస్తుంటారా?. అప్పుడు.. TVS Ntorq 125, TVS Ntorq 150 లేక ఎలక్ట్రిక్‌ స్కూటర్‌ - మైలేజ్‌, కంఫర్ట్‌ పరంగా ఏది బెటర్‌?.

ఎలక్ట్రిక్‌ స్కూటర్‌ లేదా పెట్రోల్‌ స్కూటర్‌

Source : https://x.com/

TVS Ntorq 125 Vs 150 Or Electric Scooter Comparison: మీరు 40 ఏళ్ల వయస్సు దాటారా?, వారానికి 250 నుంచి 300 కిలోమీటర్లు ప్రయాణం చేస్తున్నారా?. ఇంటికి తిరిగి వచ్చేటప్పుడు బియ్యం, కూరగాయలు, కిరాణా సరుకులు కూడా తీసుకువస్తుంటారా?. అలాంటప్పుడు స్కూటర్‌ ఎంపిక విషయంలో చాలా ఆలోచించి చేయాలి. కంఫర్ట్‌, మైలేజ్‌, లగేజ్‌ స్పేస్‌ అన్నీ పరిగణలోకి రావాలి. మీరు 40ల్లో ఉండటం వల్ల ప్రాక్టికల్‌గా ఉండే మోడల్‌ ఎంచుకోవడం ఇంకా ముఖ్యం.

TVS Ntorq 125 - స్టైల్‌ & పెర్ఫార్మెన్స్‌ కలయిక

TVS Ntorq 125 యువతలో హిట్‌ అయిన స్కూటర్‌. పవర్‌ఫుల్‌ ఇంజిన్‌, షార్ప్‌ డిజైన్‌, డిజిటల్‌ కన్సోల్‌ వంటివి దీనికే సొంతమైన ప్రత్యేకతలు. వారానికి 300 కిలోమీటర్ల దూరం వెళ్లినా కూడా Ntorq 125 మీకు బోర్‌ కొట్టదు. అయితే, దీని మైలేజ్‌ లీటరుకు 45-48 km రేంజ్‌లోనే ఉంటుంది. ఎక్కువగా హైవే రైడింగ్‌ చేస్తే పెర్ఫార్మెన్స్‌ బాగుంటుంది, కానీ ఇంధన ఖర్చు కాస్త పెరుగుతుంది.

TVS Ntorq 150 - పవర్‌ ఎక్కువ కానీ ప్రాక్టికాలిటీ తక్కువ

150cc Ntorq తీసుకుంటే పవర్‌ ఖచ్చితంగా పెరుగుతుంది. హైవే మీద యమా జోరుగా నడిపించొచ్చు. కానీ ఈ స్కూటర్‌ కాస్త హెవీగా ఉంటుంది, మైలేజ్‌ 40 kmpl లోపే వస్తుంది. వారానికి 300 km లాంటి రైడ్స్‌ చేస్తే ఫ్యూయల్‌ ఖర్చు బాగా పెరుగుతుంది. అంతేకాదు, ఇంటికి తిరిగి వచ్చేటప్పుడు బియ్యం, కిరాణా లాంటివి మోసేటప్పుడు కూడా ఈ స్కూటర్‌ బరువుగా అనిపిస్తుంది.

ఎలక్ట్రిక్‌ స్కూటర్‌ - తక్కువ ఖర్చు, కానీ ప్లానింగ్‌ అవసరం

ఇప్పుడు ఎలక్ట్రిక్‌ స్కూటర్లు కూడా పెద్ద సెగ్మెంట్‌గా మారాయి. Ola S1 Pro, TVS iQube, Ather 450X లాంటి మోడళ్లు స్మూత్‌గా నడుస్తాయి, రన్నింగ్‌ కాస్ట్‌ కూడా చాలా తక్కువ. కానీ వీటిలో ఎక్కువ మోడళ్ల రేంజ్‌ 120-150 km మధ్యే ఉంటుంది. కాబట్టి, మీరు ఈ రేంజ్‌ దాటి వెళ్లాలనుకున్నప్పుడు చార్జింగ్‌ ప్లానింగ్‌ తప్పనిసరి. మీ మార్గంలో చార్జింగ్‌ స్టేషన్‌ ఉంటే ఇవి చాలా సౌకర్యంగా ఉంటాయి.        

ప్రాక్టికల్‌ ఆల్టర్నేటివ్‌ - Suzuki Access 125      

పెర్ఫార్మెన్స్‌ కాస్త తగ్గినా, ప్రాక్టికల్‌ యూజ్‌ కోసం Suzuki Access 125 కూడా గుడ్‌ ఆప్షన్‌. పెద్ద సీటు, విస్తారమైన బూట్‌ స్పేస్‌, స్మూత్‌ ఇంజిన్‌, మైలేజ్‌ 50-55 kmpl వరకు ఉంటుంది. మీరు రోజూ సరుకులు, బియ్యం తీసుకెళ్తే ఇది Ntorq కంటే ప్రాక్టికల్‌ ఎంపిక అవుతుంది.      

ఫైనల్‌గా... 

మైలేజ్‌ & ప్రాక్టికాలిటీ ముఖ్యం అయితే - Suzuki Access 125  

పవర్‌ & స్టైల్‌ ముఖ్యం అయితే - TVS Ntorq 125 లేదా TVS Ntorq 150   

తక్కువ ఖర్చుతో నడపాలని అనుకుంటే - EV స్కూటర్‌, కానీ చార్జింగ్‌ ప్లాన్‌ స్పష్టంగా ఉండాలి.     

మీ ప్రయాణం కంఫర్ట్‌గా, తక్కువ ఖర్చుతో, సేఫ్‌ సాగాలంటే బ్యాలెన్స్‌డ్‌ డెసిషన్‌ తీసుకోవడం తెలివైన పని.

ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.

మరిన్ని చదవండి

ఈ కలర్‌ కారు కొంటున్నారా?, జాగ్రత్త 'యముడు' మీతో కలిసి ప్రయాణిస్తున్నట్లే!