Hyundai Creta: మీ దగ్గర ఎంత బంగారం ఉంటే సులభంగా హ్యూందాయ్ క్రెటాని కొనవచ్చు?
Gold Price vs Car Price: భారతదేశంలో బంగారం ధరలు పెరుగుతున్న వేళ హైదరాబాద్లో హ్యుందాయ్ క్రెటా కొనడానికి ఎంత బంగారం అవసరం? ఫీచర్లు, ప్రత్యర్థుల వివరాలు తెలుసుకోండి.
Hyundai Creta:“బంగారం ఎప్పుడైనా బంగారమే” ఈ రోజుల్లో సోషల్ మీడియాలో బాగా ట్రెండ్ అవుతోంది. బంగారం ధరలు నిరంతరం పెరుగుతున్న వేళ, ప్రజలు సరదాగా తమ దగ్గర ఇంత బంగారం ఉంటే కారు, ఇల్లు లేదా ఏదైనా లగ్జరీ వస్తువు కొనుగోలు చేయవచ్చునని లెక్కిస్తున్నారు. ఈ ట్రెండ్ను దృష్టిలో ఉంచుకుని, భారతదేశంలో అత్యంత ప్రజాదరణ పొందిన మిడ్-సైజ్ SUV హ్యూందాయ్ క్రెటాను మీరు కొనాలనుకుంటే, హైదరాబాద్లో మీరు ఎన్ని గ్రాముల బంగారం చెల్లించాలో చూద్దాం.
హ్యాందాయ్ క్రెటా కొనడానికి ఎంత బంగారం అవసరం?
హ్యాందాయ్ క్రెటా బేస్ వేరియంట్ E 1.5L పెట్రోల్ హైదరాబాద్లో ఆన్-రోడ్ ధర దాదాపు 13,54,885 రూపాయలు ఉంది. సులభమైన లెక్క కోసం, దాని సగటు ఆన్-రోడ్ ధరను 13.60 లక్షలుగా తీసుకుందాం. ప్రస్తుత సమయంలో హైదరాబాద్లో 24 క్యారెట్ల బంగారం ధర దాదాపు 1,44,690 ప్రతి 10 గ్రాములు, అంటే దాదాపు 14,460 ప్రతి గ్రాము. ఈ లెక్కన మీరు హ్యాందాయ్ క్రెటా బేస్ మోడల్ కొనాలనుకుంటే, మీరు దాదాపు 90 నుండి 95గ్రాముల బంగారం చెల్లించాలి.
ఫీచర్లు, స్పెసిఫికేషన్లు
హ్యాందాయ్ క్రెటా బేస్ E వేరియంట్ లగ్జరీ ఫీచర్లతో లేనప్పటికీ, భద్రత విషయంలో ఇది స్ట్రాంగ్గా ఉంది. ఇది 1.5 లీటర్ సహజంగా ఆస్పిరేటెడ్ పెట్రోల్ ఇంజిన్ను కలిగి ఉంది, ఇది 115 PS పవర్ని, 144 Nm టార్క్ను అందిస్తుంది. ఈ ఇంజిన్ 6-స్పీడ్ మాన్యువల్ గేర్బాక్స్తో వస్తుంది. ARAI ప్రకారం, ఇది దాదాపు 17-18 kmpl మైలేజీనిస్తుంది. భద్రతా పరంగా, ఇది 6 ఎయిర్బ్యాగ్లు, ABS విత్ EBD, హిల్ స్టార్ట్ అసిస్ట్, TPMS వంటి ఫీచర్లను కలిగి ఉంది. డిజైన్ గురించి మాట్లాడితే, ఇది LED DRLలు, ప్రొజెక్టర్ హెడ్ల్యాంప్లు, 190 mm గ్రౌండ్ క్లియరెన్స్, 433 లీటర్ల బూట్ స్పేస్ను కలిగి ఉంది, ఇది కుటుంబ వినియోగానికి చాలా సరిపోతుంది.
హ్యాందాయ్ క్రెటా ప్రత్యర్థులు
భారతీయ మార్కెట్లో హ్యాందాయ్ క్రెటా కియా సెల్టాస్, మారుతి సుజుకి గ్రాండ్ విటారా , విక్టోరిస్, టయోటా హైరైడర్, హోండా ఎలివేట్, ఫోక్స్వేగన్ టైగన్, టాటా హారియర్, మహీంద్ర XUV700 వంటి SUVలతో పోటీపడుతుంది. ఫీచర్లు, ధర, బ్రాండ్ విలువ పరంగా, Creta ఇప్పటికీ మిడ్-సైజ్ SUV విభాగంలో బలమైన పోటీదారుగా ఉంది.
టాప్ హెడ్ లైన్స్
ట్రెండింగ్ వార్తలు
