ఈ నెలలో హోండా కార్లపై భారీ ఆఫర్లు - City, Amaze, Elevate కొంటే రూ.1.97 లక్షల వరకూ డిస్కౌంట్‌

ఈ ఫిబ్రవరి నెలలో Honda Cars India తన City, Amaze, Elevate మోడళ్లపై రూ.1.97 లక్షల వరకు డిస్కౌంట్లు ఇస్తోంది.

తెలుగు రాష్ట్రాల కస్టమర్లకు భారీ లాభం

Source : https://x.com/

Show Quick Read

Key points generated by AI, verified by newsroom

• హోండా సిటీ, అమేజ్, ఎలివేట్ కార్లపై భారీ తగ్గింపులు.
• అమేజ్ ప్రి-ఫేస్‌లిఫ్ట్‌ మోడల్‌పై రూ.68,000 వరకు ఆఫర్లు.
• ఎలివేట్ SUVపై రూ.1.48 లక్షల వరకు తగ్గింపు ప్రయోజనాలు.
• హైబ్రిడ్ సిటీ e:HEV మోడల్‌పై రూ.1.97 లక్షల ఆఫర్.

Honda Car Discounts February 2026: ఈ నెలలో (ఫిబ్రవరి 2026) కొత్త కారు కొనాలనుకునే వారికి హోండా నుంచి శుభవార్త చెప్పింది. Honda Cars India, తన పాపులర్‌ మోడళ్లైన City, Amaze, Elevate కార్లపై భారీ డిస్కౌంట్లు ప్రకటించింది. ఈ నెల చివరి వరకే వర్తించే ఈ ఆఫర్లలో రూ.1.97 లక్షల వరకూ ప్రయోజనాలు లభిస్తున్నాయి. క్యాష్‌ డిస్కౌంట్‌, ఎక్స్చేంజ్‌ బెనిఫిట్స్‌, స్క్రాపేజ్‌ ఆఫర్‌, లాయల్టీ బోనస్‌ వంటి వాటితో హోండా కార్లు ఇప్పుడు ఇంకా ఎక్కువ ఆకర్షణీయంగా మారాయి.

Honda Amaze డిస్కౌంట్‌

హోండా అమేజ్‌ విషయంలో రెండు జనరేషన్ల మోడళ్లపై ఆఫర్లు ఉన్నాయి.
సెకండ్‌ జనరేషన్‌ ప్రి-ఫేస్‌లిఫ్ట్‌ అమేజ్‌ మోడల్‌పై గరిష్టంగా రూ.68,000 వరకూ డిస్కౌంట్‌ లభిస్తోంది.
ఫేస్‌లిఫ్ట్‌ అమేజ్‌ మోడల్‌పై రూ.57,000 వరకూ బెనిఫిట్స్‌ ఉన్నాయి.

ఈ కారులో 1.2 లీటర్‌ i-VTEC పెట్రోల్‌ ఇంజిన్‌ ఉంటుంది. ఇది 89 bhp శక్తి, 110 Nm టార్క్‌ ఇస్తుంది. 5-స్పీడ్‌ మాన్యువల్‌, 7-స్పీడ్‌ CVT ఆటోమేటిక్‌ గేర్‌బాక్స్‌ ఆప్షన్లు అందుబాటులో ఉన్నాయి. ఫేస్‌లిఫ్ట్‌ అమేజ్‌ V, VX, ZX వేరియంట్లలో లభిస్తుంది. దీని ఎక్స్‌-షోరూమ్‌ ధర రూ.7.47 లక్షల నుంచి రూ.9.99 లక్షల వరకూ ఉంటుంది.

Honda Elevate డిస్కౌంట్‌

హోండా మిడ్‌ సైజ్‌ SUV అయిన Elevate పై ఈ నెల రూ.1.48 లక్షల వరకూ డిస్కౌంట్‌ అందిస్తోంది.
ఈ SUVలో City సెడాన్‌లో ఉండే అదే 1.5 లీటర్‌ పెట్రోల్‌ ఇంజిన్‌ ఉంటుంది. ఇది 121 hp శక్తి, 145 Nm టార్క్‌ ఇస్తుంది.
SUV తరహాలో ఉండే స్టాన్స్‌, లగ్జరీ ఫీచర్లు, కంఫర్ట్‌ డ్రైవింగ్‌తో Elevate ఇప్పుడు డిస్కౌంట్లతో మరింత విలువైన ఎంపికగా మారింది.

Honda City డిస్కౌంట్‌

హోండా ఫిఫ్త్‌ జనరేషన్‌ City సెడాన్‌పై రూ.1.27 లక్షల వరకూ బెనిఫిట్స్‌ లభిస్తున్నాయి.
ఈ ఆఫర్లు కార్పొరేట్‌ డిస్కౌంట్లకు అదనంగా ఉండడం విశేషం.
City మోడల్‌ SV, V, VX, ZX వేరియంట్లలో అందుబాటులో ఉంది. అన్ని వేరియంట్లలోనూ 1.5 లీటర్‌ న్యాచురల్‌ ఆస్పిరేటెడ్‌ పెట్రోల్‌ ఇంజిన్‌ ఉంటుంది.

Honda City e:HEV హైబ్రిడ్‌ డిస్కౌంట్‌

ఈ ఫిబ్రవరిలో అత్యధిక డిస్కౌంట్‌ హోండా City e:HEV హైబ్రిడ్‌ మోడల్‌పైనే ఉంది. ఈ కారుపై రూ.1.97 లక్షల వరకూ ప్రయోజనాలు లభిస్తున్నాయి.
ఈ మోడల్‌లో 1.5 లీటర్‌ పెట్రోల్‌ ఇంజిన్‌తో పాటు రెండు ఎలక్ట్రిక్‌ మోటార్లు ఉంటాయి.
109 hp ట్రాక్షన్‌ మోటార్‌, 95 hp మోటార్‌ జనరేటర్‌ కలిసి 126 hp శక్తి, 253 Nm టార్క్‌ అందిస్తాయి. దీనికి eCVT గేర్‌బాక్స్‌ ఉంటుంది.

తెలుగు రాష్ట్రాల్లో కార్ కొనుగోలు ప్లాన్‌ చేస్తున్న వారికి ఇది మంచి అవకాశం. అయితే ఈ ఆఫర్లు డీలర్‌, వేరియంట్‌, స్టాక్‌ లభ్యత ఆధారంగా మారే అవకాశం ఉంది. అందుకే కస్టమర్లు తమ దగ్గరలోని హోండా షోరూమ్‌ను సంప్రదించడం మంచిది.

ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.

మరిన్ని చదవండి

టాటా పంచ్‌ ఈవీ ఫేస్‌లిఫ్ట్‌ 'ఫస్ట్‌ లుక్‌' రిలీజ్‌ - జనం కోరుకున్న డిజైన్‌ వచ్చేసిందిగా!