Fastest Car of The World: ప్రపంచంలోనే ఫాస్టెస్ట్ కారు తెస్తున్న టెస్లా - సెకనులో 100 కిలోమీటర్ల స్పీడ్!

Elon Musk: ప్రపంచంలోనే ఫాస్టెస్ట్ కారును టెస్లా లాంచ్ చేయనున్నట్లు తెలిపింది. అదే టెస్లా రోడ్‌స్టర్.

టెస్లా రోడ్‌స్టర్ కారు త్వరలో లాంచ్ కానున్నట్లు ఎలాన్ మస్క్ తెలిపాడు.

Tesla Roadster: ప్రపంచంలోనే అత్యంత వేగవంతమైన కారును లాంచ్ చేయనున్నట్లు టెస్లా ప్రకటించింది. టెస్లా రోడ్‌స్టర్ పేరిట ఈ కారు మార్కెట్లో ఎంట్రీ ఇవ్వనుంది. ఈ సమాచారాన్ని టెస్లా సీఈవో ఎలాన్ మస్క్ స్వయంగా తెలిపారు. ఎలాన్ మస్క్ ఈ కొత్త రోడ్‌స్టర్ వేగం గురించి కూడా చెప్పాడు. ఈ కారు వేగం ప్రజలను ఆశ్చర్యపరుస్తుంది. టెస్లా రోడ్‌స్టర్ కారు దాని వేగం గంటకు 0 నుండి 60 మైళ్ల వేగాన్ని సెకను కంటే తక్కువ సమయంలో చేరుకోనుంది. అంటే దాదాపు 0 నుంచి 100 కిలోమీటర్ల వేగాన్ని కేవలం ఒక్క సెకనులోనే అందుకోనుందన్న మాట.

టెస్లా కంపెనీ ఓనర్ ఎలాన్ మస్క్ ఈ రోడ్‌స్టర్ కారు గురించి కొన్ని వివరాలు తెలిపారు. ఇలాంటి కారు ఇప్పటి వరకు రాలేదని ప్రకటించారు. ప్రపంచంలోనే అత్యంత వేగవంతమైన కారు ఇదేనని ఎలాన్ మస్క్ ఒక యూజర్‌కి ఇచ్చిన రిప్లైలో పేర్కొన్నారు. 

Tonight, we radically increased the design goals for the new Tesla Roadster.

There will never be another car like this, if you could even call it a car.

— Elon Musk (@elonmusk) February 28, 2024

టెస్లా రోడ్‌స్టర్ ఎప్పుడు లాంచ్ కానుంది?
ఈ టెస్లా రోడ్‌స్టర్ కారు షిప్పింగ్ 2025 నాటికి ప్రారంభమవుతుందని ఎలాన్ మస్క్ తెలిపారు. అలాగే టెస్లా, స్పేస్ఎక్స్ సహకారంతో రోడ్‌స్టర్‌ను తయారు చేసినట్లు ఎలాన్ మస్క్ ఎక్స్/ట్విట్టర్‌లో తెలిపారు. దీని లాంచ్ గురించిన సమాచారాన్ని కూడా షేర్ చేశారు. టెస్లా రోడ్‌స్టర్ డిజైన్ సిద్ధమైందని, 2024 చివరి నాటికి దీన్ని లాంచ్ చేస్తామని చెప్పారు.

ఎలాన్ మస్క్ మాట్లాడుతూ ఈ రోడ్‌స్టార్ అత్యంత ఆకర్షణీయమైన ఉత్పత్తి అవుతుందన్నారు. రోడ్‌స్టర్ గురించి చెప్పాలంటే ఎలాన్ మస్క్ దాని వేగం కారులో అతి తక్కువ ఆసక్తికరమైన భాగం అని పేర్కొన్నారు. దీన్ని బట్టి ఈ కారులో మరిన్ని అద్భుతమైన, ఆకర్షణీయమైన ఫీచర్లు ఉండబోతున్నాయని ఊహించవచ్చు.

ఎలాన్ మస్క్ ఈ 4 సీటర్ ఎలక్ట్రిక్ కారు గురించి 2017 సంవత్సరంలో చెప్పారు. ఈ కారును 2020 సంవత్సరంలో విడుదల చేయనున్నట్లు కూడా ప్రకటించారు. ఈ కారు ప్రీ బుకింగ్స్‌ను కూడా కంపెనీ ప్రారంభించింది. దీని కోసం 50,000 డాలర్లు టోకెన్ అమౌంట్‌గా ఉంచారు. 2021 సంవత్సరంలో ఎలాన్ మస్క్ రోడ్‌స్టర్ లాంచ్‌ను 2023కి పొడిగించారు. దీని తర్వాత దాని లాంచ్ తేదీ 2024కి చేరుకుంది. ఇప్పుడు టెస్లా సీఈవో ఎలాన్ మస్క్ 2025 చివరి నాటికి దీన్ని లాంచ్ చేస్తామని చెప్పారు. 

I think it has a shot at being the most mind-blowing product demo of all time

— Elon Musk (@elonmusk) February 28, 2024

0-60mph < 1 sec

And that is the least interesting part

— Elon Musk (@elonmusk) February 28, 2024