GST తగ్గాక బాగా దిగొచ్చిన బైకుల రేట్లు, ఇప్పుడు ₹55,000 నుంచే స్టార్ట్ - ఇదిగో లిస్ట్
GST Reforms 2025: మీరు ఈ పండుగ సీజన్లో తక్కువ రేటుకే బైక్ను కొనుగోలు చేయాలని ప్లాన్ చేస్తుంటే, తెలుగు రాష్ట్రాల్లో టాప్-5 చవకైన బైక్లు ఈ కథనంలో ఉన్నాయి.
Cheapest Bikes In India After GST 2025 Cut: జీఎస్టీ తగ్గింపు తర్వాత, ద్విచక్ర వాహనాల కొనుగోలు గతంలో కంటే మరింత అందుబాటులోకి వచ్చింది. కొత్త GST రేటు (GST Reforms 2025) ప్రకారం, 350cc కంటే తక్కువ ఇంజిన్లు కలిగిన బైక్లపై పన్ను రేటు 28% నుంచి 18% కి తగ్గింది. దీనివల్ల, మధ్య తరగతి ప్రజలకు మోటార్ సైకిల్ కొనుగోలు చేయడం మరింత సులభంగా మారింది.
తెలుగు రాష్ట్రాల్లో టాప్-5 చవకైన బైకుల లిస్ట్:
టీవీఎస్ స్పోర్ట్ (TVS Sport)
TVS స్పోర్ట్, స్టైలిష్ డిజైన్ అద్భుతమైన మైలేజ్ & తక్కువ ధర కారణంగా బాగా పాపులర్ అయింది. ఈ బైక్ కూడా GST తగ్గింపు నుంచి మంచి ప్రయోజనం పొందింది. ఫలితంగా, తెలుగు నగరాల్లో దీని ప్రారంభ ధర ఇప్పుడు రూ. 55,100 ఎక్స్-షోరూమ్. రిజిస్ట్రేషన్ ఛార్జీలు (RTO), ఇన్సూరెన్స్, ఇతర అవసరమైన ఖర్చులతో కలిపి, ఈ బండి దాదాపు రూ. 69,200 ధరకు వస్తుంది.
హీరో హెచ్ఎఫ్ డీలక్స్ (Hero HF Deluxe)
హీరో HF డీలక్స్, తెలుగు రాష్ట్రాలతో పాటు భారతదేశంలో అత్యధికంగా అమ్ముడవుతున్న బడ్జెట్ బైక్లలో ఒకటి. కొత్త GST అమలైన తర్వాత ఈ మోటార్ సైకిల్ ధర సుమారు రూ. 5,800 తగ్గింది, దీంతో ఈ బండి మరింత బడ్జెట్-ఫ్లెండ్లీగా మారింది. GST తగ్గింపు తర్వాత, ఆంధ్రప్రదేశ్ & తెలంగాణలో ఈ బైక్ ఇప్పుడు రూ. 55,993 ఎక్స్-షోరూమ్ ధరకు అందుబాటులో ఉంది. రిజిస్ట్రేషన్ ఛార్జీలు (RTO), ఇన్సూరెన్స్, ఇతర అవసరమైన ఖర్చులతో కలిపి, ఈ బండి రూ. 69,885 కు వస్తుంది.
హోండా షైన్ (Honda Shine)
హోండా షైన్ 100 కూడా GST తగ్గింపు నుండి గణనీయంగా ప్రయోజనం పొందింది. ఈ స్టైలిష్ బైక్ ఇప్పుడు రూ. 5,600 ఆదాను అందిస్తుంది. తెలుగు రాష్ట్రాల్లో కొత్త ఎక్స్-షోరూమ్ ధర రూ. 64,473. హోండా షైన్ 98.9cc సింగిల్-సిలిండర్, ఎయిర్-కూల్డ్ ఇంజిన్తో పని చేస్తుంది. రిజిస్ట్రేషన్ ఛార్జీలు (RTO), ఇన్సూరెన్స్, ఇతర అవసరమైన ఖర్చులతో కలిపి, ఈ బండి దాదాపు రూ. 80,000 కు వస్తుంది. కంపెనీ మాన్యువల్ ప్రకారం, ఈ బైక్ లీటరుకు 55-60 కిలోమీటర్ల మైలేజీని అందించగలదు.
హీరో స్ల్పెండర్ (Hero Splendor)
హీరో స్ప్లెండర్ ప్లస్, అటు గ్రామీణ ప్రాంతాల్లో & ఇటు నగరాల్లో కూడా బెస్ట్ సెల్లింగ్ బైక్. GST తగ్గింపు తర్వాత, ఈ బైక్ ధర రూ. 6,800 తగ్గింది. మన మార్కెట్లో ఇప్పుడు దీని కొత్త ధర రూ. 73,946 ఎక్స్-షోరూమ్. రిజిస్ట్రేషన్ ఛార్జీలు (RTO), ఇన్సూరెన్స్, ఇతర అవసరమైన ఖర్చులతో కలిపి, ఈ బండి రూ. 91,200 కు వస్తుంది.
బజాజ్ ప్లాటినా 100 (Bajaj Platina 100)
బజాజ్ ప్లాటినా అంటేనే అందుబాటు ధర & బలమైన మైలేజీకి పాపులర్. GST తగ్గింపు తర్వాత, ఆంధ్రప్రదేశ్ & తెలంగాణలో, ప్లాటినా 100 ఎక్స్-షోరూమ్ ధర ఇప్పుడు కేవలం రూ. 65,743 (ఎక్స్-షోరూమ్). రిజిస్ట్రేషన్ ఛార్జీలు (RTO), ఇన్సూరెన్స్, ఇతర అవసరమైన ఖర్చులతో కలిపి, ఈ బండి రూ. 81,500 ధరకు వస్తుంది. ఈ బైక్ 102cc DTS-I ఇంజిన్తో పరుగులు తీస్తుంది. కంపెనీ ప్రకారం ఈ మోటార్ సైకిల్ లీటరుకు 70 km మైలేజీ అందిస్తుంది.
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
