Cheapest Electric Car in India: భారతదేశంలో అత్యంత చవకైన ఎలక్ట్రిక్ కారు ఏది? ధర నుంచి ఫీచర్ల వరకు ప్రతిదీ తెలుసుకోండి
Cheapest Electric Car in India: భారత్లో ఎలక్ట్రిక్ కార్లకు డిమాండ్ పెరుగుతోంది. చౌకైన ఎలక్ట్రిక్ కారు, వాటి ఫీచర్లు, ఇతర వివరాలు గురించి ఇక్కడ తెలుసుకుందాం.
Cheapest Electric Car in India: భారత మార్కెట్లో ఎలక్ట్రిక్ వాహనాలకు డిమాండ్ క్రమంగా పెరుగుతోంది. ఆటోమొబైల్ తయారీదారులు కూడా మార్కెట్లో ఒకదాని తర్వాత ఒకటి ఎలక్ట్రిక్ కార్లను విడుదల చేస్తున్నారు. ద్విచక్ర వాహనాలు, త్రిచక్ర వాహనాలు, 4-చక్ర వాహనాలు అన్నీ విభాగాల్లో ఎలక్ట్రిక్ వాహనాలకు డిమాండ్ పెరిగింది. దేశంలో EV మౌలిక సదుపాయాలను పెంచడానికి కూడా అధిక ప్రాధాన్యతనిస్తున్నారు. మార్కెట్లో ఇప్పటికే చాలా ఎలక్ట్రిక్ కార్లు విడుదలయ్యాయి. అయితే, భారతదేశంలో అత్యంత చవకైన EV ఏంటో మీకు తెలుసా? ఆ కారు ధర ఎంత?
భారతదేశంలో అత్యంత చవకైన EV
దేశంలో అత్యంత చవకైన ఎలక్ట్రిక్ కారు Eva. ఈ కారులో ఇద్దరు పెద్దలు, ఒక పిల్లవాడు కలిసి ప్రయాణించవచ్చు. Eva మూడు వేరియంట్లలో భారతీయ మార్కెట్లో ఉంది - నోవా (Nova), స్టెల్లా (Stella) వేగా (Vega). ఈ ఎలక్ట్రిక్ కారును కిలోమీటరుకు నడపడానికి అయ్యే ఖర్చు రూ. 2.
Eva ఎక్స్-షోరూమ్ ధర రూ.3.25 లక్షల నుంచి ప్రారంభమవుతుంది. భారత మార్కెట్లో దీని కంటే చౌకైనది మరొకటి లేదు. ఈ కారు మిడ్ వేరియంట్ స్టెల్లా ఎక్స్-షోరూమ్ ధర రూ. 3.99 లక్షలు, టాప్ వేరియంట్ వేగా ఎక్స్-షోరూమ్ ధర రూ. 4.49 లక్షలు.
ఎలక్ట్రిక్ కారు సింగిల్ ఛార్జ్ పరిధి
Eva నోవా వేరియంట్ 9 kWh బ్యాటరీ ప్యాక్ను కలిగి ఉంది, ఇది సింగిల్ ఛార్జ్లో 125 కిలోమీటర్ల దూరం ప్రయాణిస్తుందని పేర్కొంది. ఈ EV మిడ్ వేరియంట్ స్టెల్లా 12.6 kWh బ్యాటరీ ప్యాక్ను కలిగి ఉంది. ఈ బ్యాటరీ ప్యాక్తో, Eva సింగిల్ ఛార్జింగ్లో 175 కిలోమీటర్ల దూరం ప్రయాణించగలదు.
Eva టాప్ వేరియంట్ 18 kWh బ్యాటరీ ప్యాక్ను కలిగి ఉంది, ఇది సింగిల్ ఛార్జింగ్లో 250 కిలోమీటర్ల దూరం ప్రయాణించగలదు. ఈ ఎలక్ట్రిక్ కారులో డ్రైవర్ ఎయిర్బ్యాగ్ ఉంది. కారులో CCS2 ఫాస్ట్ ఛార్జింగ్ ఫీచర్ కూడా ఉంది. Evaలో ల్యాప్టాప్ను ఛార్జ్ చేసే ఫీచర్ కూడా ఉంది.
టాప్ హెడ్ లైన్స్
ట్రెండింగ్ వార్తలు
