Car AC Tips: మీ కారులో ఏసీ సరిగా పనిచేయడం లేదా? ఈ 5 అద్భుత చిట్కాలు ట్రై చేయండి!

Car AC Tips: కారు AC సమర్థవంతంగా పనిచేయకపోవడం సర్వసాధారణం. ఐదు సులభమైన చిట్కాలతో కూలింగ్ మెరుగుపరచుకోవచ్చు. మైలేజీని కూడా పెంచుకోవచ్చు.

ప్రతీకాత్మక చిత్రం

Source : freepik

Car AC Tips: ఎక్కడికైనా వెళ్లేటప్పుడు  కారు ఎయిర్ కండిషనర్ (AC) ఒక వరంలా ఉంటుంది. కానీ మీ కారు AC పని చేయకపోతే మాత్రం చుక్కలు కనిపిస్తాయి. కొన్ని కార్లలో ఏసీ అంత పవర్‌ఫుల్‌గా రాదు. నెమ్మదిగా వస్తుంటుంది. ఇది మీ ప్రయాణాన్ని అసౌకర్యంగా మాత్రమే కాకుండా, ఇంధన వినియోగాన్ని కూడా పెంచుతుంది.

మీకు కూడా ఇలాంటి అనుభవం ఉంటే, భయపడకండి. మీ కారు AC పనితీరును మెరుగుపరుస్తూ, మెరుగైన చల్లదనాన్ని అందించే 5 సులభమైన  ప్రభావవంతమైన చిట్కాలను  చెప్పబోతున్నాము.

1. AC ఆన్ చేసే ముందు క్యాబిన్‌ని వెంటిలేట్ చేయండి.

కారు ఎక్కువసేపు ఎండలో ఉంటే, దాని క్యాబిన్ చాలా వేడెక్కుతుంది. అలాంటి సమయంలో మీరు వెంటనే AC ఆన్‌ చేస్తే, దానిపై ఒత్తిడి పడుతుంది.  దీని వల్ల కూడా  చల్లదనాన్ని ఇవ్వలేదు. కాబట్టి, మొదట కారు కిటికీలను కొన్ని నిమిషాల పాటు తెరిచి, ఫ్యాన్ ఆన్ చేయండి, తద్వారా లోపలి వేడి గాలి బయటకు వెళ్తుంది. ఉష్ణోగ్రత కొంత తగ్గిన తర్వాత, కిటికీలు మూసివేసి AC వేయండి. దీనివల్ల AC మీద భారం తగ్గుతుంది . చల్లదనం ఫాస్ట్‌గా వస్తుంది.

2. రీ-సర్కులేషన్ మోడ్‌ను సరిగ్గా ఉపయోగించండి:

చాలా మంది AC ఆన్‌ చేసేటప్పుడు రీ-సర్కులేషన్ మోడ్‌ను పట్టించుకోరు. నిజానికి, ఈ మోడ్ కారు లోపలి చల్లని గాలిని మళ్ళీ ప్రసరింపజేస్తుంది, దీనివల్ల బయటి వేడి గాలి ప్రవేశాన్ని నిరోధించవచ్చు. దీని ప్రయోజనం ఏమిటంటే, క్యాబిన్ ఉష్ణోగ్రత త్వరగా స్టేబుల్ అవుతుంది, AC కంప్రెసర్‌పై భారం తగ్గుంది.  ఇంధనం ఆదా అవుతుంది.

3. కారును నీడలో పార్క్ చేసేందుకు ప్రయత్నించండి

మీరు మీ కారును నేరుగా ఎండలో పార్క్ చేస్తే, దాని ఇంటీరియర్ అధికంగా వేడెక్కుతుంది, కొన్నిసార్లు 50°C కంటే ఎక్కువ ఉష్ణోగ్రతకు చేరుకుంటుంది. అలాంటి సమయంలో మీరు AC ఆన్‌ చేస్తే, అది క్యాబిన్‌ను చల్లబరచడానికి చాలా కష్టపడాలి. కాబట్టి ఎక్కడైనా సాధ్యమైతే, కారును నీడలో పార్క్ చేయండి లేదా సన్‌షేడ్ ఉపయోగించండి.

4. గాలి ఫిల్టర్ శుభ్రత అవసరం

కాలక్రమేణా, మీ కారు క్యాబిన్ గాలి ఫిల్టర్ ధూళితో నిండిపోతుంది. అలా జరిగితే, AC గాలి ప్రసరణ సరిగ్గా పనిచేయదు, దీనివల్ల చల్లని గాలి తక్కువగా వస్తుంది.  కంప్రెసర్ ఎక్కువ పనిచేయాల్సి ఉంటుంది. దీనివల్ల AC పనితీరు తగ్గుతుంది. ఎక్కువ ఇంధనం ఖర్చు అవుతుంది. అందువల్ల, మీరు కాలానుగుణంగా ఫిల్టర్‌ను శుభ్రంగా ఉంచుకోవడం చాలా అవసరం.

5. ఓ ఉష్ణోగ్రత వద్ద AC సెట్ చేయండి

కారు ACని 16 నుంచి 18 డిగ్రీల సెల్సియస్ వద్ద సెట్ చేస్తే, అది వేగంగా చల్లని గాలిని ఇస్తుందని చాలా మంది అనుకుంటారు. అయితే, క్యాబిన్ త్వరగా చల్లబడుతుంది, కానీ దీనివల్ల కారు ఇంజిన్‌పై అదనపు భారం పడుతుంది. ఇంధన వినియోగం పెరుగుతుంది. నిపుణుల అభిప్రాయం ప్రకారం, ACని సుమారు 24 డిగ్రీల సెల్సియస్ వద్ద సెట్ చేయడం ఉత్తమం. ఈ ఉష్ణోగ్రత వద్ద క్యాబిన్ చాలా చల్లగా ఉంటుంది, AC కంప్రెసర్ పదే పదే ఆన్-ఆఫ్ కాదు, ఇంధనం కూడా బాగా ఆదా అవుతుంది.