Maruti Family Car: సింపుల్గా రూ.లక్ష ఉంటే ఎర్టిగా CNG మీ సొంతం, మిగిలిన డబ్బు ఆడుతూపాడుతూ కట్టేయొచ్చు!
Maruti Ertiga CNG On EMI: మారుతి సుజుకి ఎర్టిగా CNG వేరియంట్ కిలోగ్రాముకు దాదాపు 26.11 కి.మీ. మైలేజీని ఇస్తుంది. ఇది 1.5 లీటర్ పెట్రోల్ ఇంజిన్తో మార్కెట్లో లాంచ్ అయింది.
Maruti Suzuki Ertiga Finance Plan And EMI Details: భారతీయ మార్కెట్లో, మారుతి సుజుకి ఎర్టిగా బడ్జెట్-ఫ్రెండ్లీ ఫ్యామిలీ కార్ అని పేరు తెచ్చుకుంది. ఇది 7-సీటర్ MPV. విశాలమైన మూడు వరుసల క్యాబిన్ వల్ల ఒక పెద్ద కుటుంబం మొత్తం ఎలాంటి చింత లేకుండా దీనిలో జర్నీ చేయవచ్చు. ఈ కారు VXi (O) CNG & ZXi (O) CNG వేరియంట్లలో దొరుకుతుంది. ఈ కార్ కొనాలని మీరు మనసు పడినప్పటికీ మీ దగ్గర పూర్తి స్థాయిలో డబ్బు లేకపోతే, ఏ మాత్రం బాధ పడాల్సిన అవసరం లేదు. మీరు కేవలం లక్ష రూపాయలతో మారుతి షోరూమ్కు వెళ్లండి, ఎర్టిగా CNGని డ్రైవ్ చేస్తూ ఇంటికి తిరిగి వెళ్లండి.
మారుతి సుజుకి ఎర్టిగా ధర
మారుతి సుజుకి ఎర్టిగా CNG ఎక్స్-షోరూమ్ ధర (Maruti Ertiga CNG ex-showroom price) రూ. 11 లక్షలు. మీరు ఈ కారును తెలంగాణ లేదా ఆంధ్రప్రదేశ్లో కొనుగోలు చేస్తే... రూ. 1,95,085 రిజిస్ట్రేషన్ ఫీజ్, రూ. 54,524 ఇన్సూరెన్స్, రూ. 11,005 TCS, రూ. 1,500 హైపొథికేషన్ ఛార్జీలు, రూ. 500 ఫాస్టాగ్ కలిపి రూ. 13,63,114 ఆన్-రోడ్ ధర (Maruti Ertiga CNG on-road price) చెల్లించాలి.
డౌన్ పేమెంట్ & EMI లెక్క
మీరు, రూ. 13.63 లక్షల ఆన్-రోడ్ ధరపై రూ. 1 లక్ష డౌన్ పేమెంట్ చేస్తే, మిగిలిన రూ. 12.63 లక్షలను కార్ లోన్గా తీసుకోవాలి. బ్యాంక్ మీకు 9 శాతం వార్షిక వడ్డీ రేటుతో లోన్ మంజూరు చేసిందనుకుందాం. మీరు ఐదేళ్లలో (60 నెలలు) లోన్ తిరిగి చెల్లించేలా కాల పరిమితి నిర్ణయించుకుంటే, ప్రతి వాయిదాలో 26,218 రూపాయలు బ్యాంక్కు చెల్లించాలి. ఈ విధంగా, ఐదేళ్లలో (60 EMIలు) మొత్తంగా రూ. 3,10,068 వడ్డీ చెల్లించాలి.
EMI మొత్తం తగ్గించాలంటే...
ఇదే లెక్కను ఆరు సంవత్సరాలకు వర్తింపజేస్తే, ప్రతి నెలా రూ. 22,766 EMI కట్టాలి & ఆరేళ్లలో (72 EMIలు)మొత్తం రూ. 3,76,170 వడ్డీ చెల్లించాలి. ఏడు సంవత్సరాల (84 EMIలు) టెన్యూర్ పరిగణలోకి తీసుకుంటే, ప్రతి నెలా రూ. 20,321 EMI బ్యాంక్లో జమ చేయాలి & ఏడేళ్లలో మొత్తం వడ్డీ రూ. 4,43,922 అవుతుంది. కాల పరిమితిని పెంచుకుంటే నెలవారీ EMI తగ్గుతుంది. అయితే, రుణ కాల వ్యవధిలో చెల్లించే వడ్డీ మొత్తం పెరుగుతుంది.
మారుతి సుజుకి ఎర్టిగా ఫీచర్లు & మైలేజ్
ARAI సర్టిఫై చేసిన ప్రకారం, ఎర్టిగా CNG వేరియంట్ కిలోకు దాదాపు 26.11 కి.మీ. మైలేజీని (Maruti Ertiga CNG Mileage) ఇస్తుంది. CNG ట్యాంక్ కెపాసిటీ 60 లీటర్లు. ఈ కారులో 1.5 లీటర్ పెట్రోల్ ఇంజిన్ అందించారు. 1462cc పెట్రోల్ ఇంజిన్ నుంచి ఈ 7-సీటర్ కారు శక్తిని పొందుతుంది. ఎర్టిగా ఇంజిన్ గరిష్టంగా 101.64 bhp పవర్ను, 136.8 Nm టార్క్ను ఉత్పత్తి చేస్తుంది. 5-స్పీడ్ మాన్యువల్ ట్రాన్స్మిషన్ ఆప్షన్తో ఫ్రంట్ వీల్ డ్రైవ్ (FWD)తో దూసుకెళ్తుంది. ARAI ప్రకారం, లీటరు పెట్రోల్కు 20.51 కి.మీ. మైలేజీని కూడా అందించగలదు. స్పెసిఫికేషన్ల పరంగా.. మారుతి సుజుకి ఎర్టిగా మార్కెట్లోని అత్యుత్తమ MPVలలో ఒకటిగా చెప్పుకుంటున్నారు.
టాప్ హెడ్ లైన్స్
ట్రెండింగ్ వార్తలు
