AGV K7 Helmet - డైలీ రైడ్స్‌, వీకెండ్‌ టూరింగ్‌కి సరిపోయే ఆల్‌-రౌండ్‌ స్పోర్టీ ఆప్షన్
AGV నుంచి వచ్చిన కొత్త K7 హెల్మెట్‌ స్టైల్‌, సేఫ్టీ, కంఫర్ట్‌ కలయికగా నిలుస్తోంది. సిటీలోనూ, హైవే పైనా టెస్ట్‌ చేసిన ఈ హెల్మెట్‌ ప్రాక్టికల్‌ ఫీచర్లతో రైడర్స్‌ను ఆకట్టుకుంటోంది.
AGV K7 Helmet Review: రైడింగ్‌ అంటే కేవలం ట్రావెల్‌ కాదు, అది ఒక ఫీలింగ్‌. ఆ ఫీలింగ్‌ను సేఫ్‌గా, స్టైలిష్‌గా ఎంజాయ్‌ చేయాలంటే మంచి హెల్మెట్‌ తప్పనిసరి. అలాంటి రైడర్స్‌ కోసం AGV కంపెనీ తాజాగా తీసుకువచ్చిన K7 హెల్మెట్‌ ఇప్పుడు మార్కెట్‌లో హాట్‌ టాపిక్‌గా మారింది.
డిజైన్‌ & బిల్డ్‌ క్వాలిటీ
AGV K7 హెల్మెట్‌ లుక్‌ నిజంగా స్టైలిష్‌గా కనిపిస్తుంది. ఫైబర్‌ కాంపోజిట్‌ షెల్‌తో చేసిన ఈ హెల్మెట్‌ బాగా సాలిడ్‌ ఫీల్‌ ఇస్తుంది. సైజ్‌ ప్రకారం దీని బరువు సుమారు 1,450 గ్రాములు. అంటే K6 S హెల్మెట్‌ కంటే కొంచెం ఎక్కువ బరువే అయినా, మూడు వేర్వేరు షెల్‌ సైజులు, నాలుగు EPS ఆప్షన్‌లతో కంఫర్ట్‌లో ఎలాంటి ఇబ్బంది లేదు.
సేఫ్టీ ఫీచర్లు
ఈ హెల్మెట్‌ ECE 22.06 సర్టిఫికేషన్‌ పొందింది. AGV "Extreme Safety" ప్రోటోకాల్‌ కింద రూపొందించిన K7 హెల్మెట్‌ కింద భాగంలో ప్రత్యేక కట్‌ అవుట్ ఉంటుంది, ఇది కాలర్‌బోన్‌ గాయాల నుంచి రక్షిస్తుంది. విండ్‌టన్నెల్‌లో టెస్ట్‌ చేసిన దీని ఏరోడైనమిక్స్‌.. హైవేపై రైడ్‌ చేసినప్పుడు బాగా స్టేబుల్‌గా ఉంచుతుంది.
కంఫర్ట్‌ & ఫిట్‌
సైజ్‌ M హెల్మెట్‌ వేసుకున్నప్పుడు ఇది నిజంగా 'ట్రూ టు సైజ్‌'గా ఉంటుంది. చీక్‌ ప్యాడ్స్‌, క్రౌన్‌ కోసం వేర్వేరు ఫ్యాబ్రిక్స్‌ వాడటం వల్ల కంఫర్ట్‌ ఫీలింగ్‌ బాగుంటుంది. ఈ హెల్మెట్‌లో మాయిశ్చర్‌ను వేగంగా శోషించుకునే స్పెషల్‌ ట్రీట్‌మెంట్‌ కూడా ఉంది. అలాగే గ్లాసెస్‌ ధరించే రైడర్స్‌ కోసం చెవుల చుట్టూ తక్కువ ప్యాడింగ్‌ ఇచ్చారు, ఇది బాగానే ఉపయోగపడుతుంది.
వైసర్‌ & విజిబిలిటీ
K7 190° వైడ్‌ ఫీల్డ్‌ వ్యూ వైసర్‌ స్పష్టమైన విజిబిలిటీ ఇస్తుంది. UV ప్రొటెక్షన్‌, యాంటీ స్క్రాచ్‌ ఫినిష్‌తో పాటు, పిన్‌లాక్‌ 120 మాక్స్‌విజన్‌ ఇన్సర్ట్‌ కూడా ఉంది. అయితే, సన్‌షీల్డ్‌ టింట్‌ కొంచెం ఎక్కువగా ఉండాల్సింది. కొంచెం లైట్‌గా ఉంది, కాస్త లోతుగా పడకపోవడం వల్ల ఎక్కువ ఎండలో కొంత గ్లేర్‌ కనిపిస్తుంది.
వెంటిలేషన్‌ & ప్రాక్టికాలిటీ
ముందు ఐదు వెంట్స్‌, వెనుక రెండు ఎగ్జాస్ట్‌ అవుట్‌లెట్స్‌తో ఈ హెల్మెట్‌ హైవేపై మంచి కూలింగ్‌ ఇస్తుంది. అయితే సిటీ ట్రాఫిక్‌లో ఉన్నప్పుడు వెంటిలేషన్‌ అంతగా ప్రభావవంతంగా ఉండదు. AGV Insyde కమ్యూనికేషన్‌ సిస్టమ్‌కు సపోర్ట్‌ కూడా ఈ హెల్మెట్‌లో ఉంది, దీంతో ఇంటర్‌కామ్‌ సెట్‌ చేయడం సులభం.
హైవేపై అనుభవం
హైవేపై K7 హెల్మెట్‌ చాలా స్టేబుల్‌గా, సైలెంట్‌గా ఉంటుంది. నాయిస్‌ లెవెల్స్‌ ఈ క్లాస్‌లో సగటు స్థాయిలోనే ఉన్నా, ఇయర్‌ ప్లగ్స్‌తో డ్రైవ్‌ చేస్తే మరింత కంఫర్ట్‌గా ఉంటుంది. బరువు కొంచెం ఎక్కువగా ఉన్నందున లాంగ్‌ రైడ్‌లలో మెడకు కాస్త అసౌకర్యంగా ఉంటుందేమో కానీ, అది చిన్న ఇష్యూ మాత్రమే.
AGV K7 హెల్మెట్‌ రోజువారీ రైడ్‌లకైనా, వీకెండ్‌ టూరింగ్‌కైనా సరిపడే “ఆల్‌ రౌండ్‌” ఆప్షన్. సేఫ్టీ, కంఫర్ట్‌, స్టైల్‌ అన్నీ కలిపి కావాలనుకునే రైడర్స్‌ కోసం ఇది ఒక బలమైన చాయిస్‌. సన్‌షీల్డ్‌ కొంచెం మెరుగ్గా ఉండాల్సిన అవసరం ఉన్నా, మొత్తానికి K7 హెల్మెట్‌ తన ప్రైస్‌ రేంజ్‌లో రైడర్స్‌కి పర్ఫెక్ట్‌ ప్యాకేజీగా నిలుస్తుంది.
AGV K7 హెల్మెట్‌ ధర: సుమారు రూ.50,000 (ఎక్స్‌-షోరూమ్‌)
ఎక్కడ దొరుకుతుంది: agv.com
ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
