స్విఫ్ట్‌, వాగన్‌ఆర్‌పై భారీ బెనిఫిట్స్‌, లిస్ట్‌లో ఇంకొన్ని మారుతి కార్లు - ఫిబ్రవరి 28 వరకే ఈ ఆఫర్లు

ఫిబ్రవరి 2026లో మారుతి సుజుకి కార్లపై భారీ డిస్కౌంట్లు అందుబాటులో ఉన్నాయి. హైదరాబాద్‌, విజయవాడ సహా తెలుగు రాష్ట్రాల్లోని షోరూమ్‌లలో ఈ ఆఫర్లు ఫిబ్రవరి 28 వరకే.

కొత్త కారు కొనేవాళ్లకు కలిసొచ్చే కాలం ఇది

Source : https://x.com/

Show Quick Read

Key points generated by AI, verified by newsroom

• మారుతి స్విఫ్ట్ పై ₹45,000 వరకు, వాగన్ ఆర్ పై ₹37,500 వరకు ఆఫర్లు.
• వాగన్ ఆర్, సెలెరియో, ఎస్-ప్రెస్సో, ఆల్టో K10 మోడళ్లపై ₹37,500 వరకు ప్రయోజనం.
• మారుతి బ్రెజ్జాపై ₹30,000 వరకు, డిజైర్, ఎర్టిగాపై పరిమిత కార్పొరేట్ ఆఫర్లు.
• ఫిబ్రవరి 28, 2026 వరకు ఆఫర్లు, స్టాక్ అందుబాటును బట్టి మారవచ్చు.

Maruti Suzuki Discount Offers February 2026: కొత్త కార్‌ కొనాలనే ఆలోచనలో ఉన్నారా? అయితే ఇదే సరైన సమయం కావచ్చు. Maruti Suzuki, తన అరేనా డివిజన్‌ కార్లపై ఫిబ్రవరి 2026లో భారీ ఆఫర్లు ప్రకటించింది. ముఖ్యంగా Maruti Swiftపై ₹45,000 వరకు, Maruti Wagon Rపై ₹37,500 వరకు ప్రయోజనం పొందే అవకాశం ఉంది. ఈ ఆఫర్లు ఫిబ్రవరి 28, 2026 వరకు మాత్రమే అందుబాటులో ఉంటాయి.

స్విఫ్ట్‌పై గరిష్ట బెనిఫిట్‌

స్విఫ్ట్‌ AMT వేరియంట్లపై గరిష్టంగా ₹45,000 వరకు ప్రయోజనం లభిస్తుంది. మాన్యువల్‌ పెట్రోల్‌, CNG వేరియంట్లపై ₹40,000 వరకు డిస్కౌంట్‌ ఉంది. ప్రస్తుతం స్విఫ్ట్‌ ధర ₹5.78 లక్షల నుంచి ₹8.64 లక్షల వరకు (ఎక్స్‌-షోరూమ్‌ ధర). హైదరాబాద్‌, విజయవాడలో ఆఫర్‌ మొత్తాలు డీలర్‌షిప్‌ను బట్టి మారే అవకాశం ఉంది. స్టాక్‌ అందుబాటులో ఉన్నంతవరకే ఈ బెనిఫిట్స్‌ వర్తిస్తాయి.

వాగన్‌ఆర్‌, సెలెరియో, ఎస్‌-ప్రెస్సో, ఆల్టో K10కు ఒకే రకం ఆఫర్లు

వాగన్‌ఆర్‌పై మొత్తం ₹37,500 వరకు ప్రయోజనం అందిస్తున్నారు. ఇందులో ₹10,000 కన్స్యూమర్‌ ఆఫర్‌, ₹15,000 ఎక్స్చేంజ్‌ బోనస్‌ లేదా ₹25,000 స్క్రాప్‌ బోనస్‌, అలాగే ₹2,500 కార్పొరేట్‌ ఆఫర్‌ ఉన్నాయి. వాగన్‌ఆర్‌ ప్రారంభ ధర ₹4.98 లక్షలు (ఎక్స్‌-షోరూమ్‌ ధర).

అలాగే Maruti Celerio, Maruti S-Presso, Maruti Alto K10 మోడళ్లపై కూడా ₹37,500 వరకు లాభం ఉంది. ఆల్టో K10 ధర ₹3.69 లక్షల నుంచి మొదలవుతుంది (ఎక్స్‌-షోరూమ్‌ ధర). ప్రస్తుతం ఆరు ఎయిర్‌బ్యాగ్‌లతో అందుబాటులో ఉన్న అత్యంత చవకైన మారుతి కార్‌ ఇదే.

బ్రెజ్జా, డిజైర్‌, ఎర్టిగాపై కూడా ప్రయోజనాలు            

Maruti Brezzaపై ₹30,000 వరకు ఆఫర్‌ ఉంది. ఇందులో ₹15,000 ఎక్స్చేంజ్‌ లేదా ₹25,000 స్క్రాప్‌ బోనస్‌, ₹5,000 కార్పొరేట్‌ ఆఫర్‌ ఉన్నాయి. బ్రెజ్జా ధర ₹8.25 లక్షల నుంచి ₹12.85 లక్షల వరకు (ఎక్స్‌-షోరూమ్‌ ధర).

Maruti Dzire & Maruti Ertigaపై మాత్రం పరిమిత కార్పొరేట్‌ ఆఫర్లు మాత్రమే ఉన్నాయి. డిజైర్‌పై ₹2,500, ఎర్టిగాపై ₹5,000 వరకు లాభం లభిస్తుంది. డిజైర్‌ ప్రారంభ ధర ₹6.25 లక్షలు, ఎర్టిగా ₹8.80 లక్షల (ఎక్స్‌-షోరూమ్‌ ధర) నుంచి ప్రారంభమవుతుంది.

కొనే ముందు తెలుసుకోవాల్సిన విషయం

ఈ ఆఫర్లు నగరానికి నగరానికి మారవచ్చు. హైదరాబాద్‌, విజయవాడ లేదా తెలుగు రాష్ట్రాల్లో ఎక్కడైనా మీ సమీపంలోని మారుతి అరేనా షోరూమ్‌ను సంప్రదించి ఖచ్చితమైన వివరాలు తెలుసుకోవడం మంచిది. స్టాక్‌ అందుబాటులో ఉన్నంతవరకే డిస్కౌంట్‌లు వర్తిస్తాయి.

మొత్తానికి, ఫిబ్రవరిలో మారుతి కార్‌ కొనాలని అనుకుంటే ఇది మంచి అవకాశం. ముఖ్యంగా స్విఫ్ట్‌, వాగన్‌ఆర్‌ వంటి పాపులర్‌ మోడళ్లపై ఇంత భారీ బెనిఫిట్‌ అరుదుగా కనిపిస్తుంది. ఆలస్యం చేయకుండా మీ బడ్జెట్‌కు సరిపోయే మోడల్‌ను ఎంచుకుని ఈ ఆఫర్‌ను ఉపయోగించుకోండి.

ఇంకా ఇలాంటి ఆటోమొబైల్‌ వార్తలు & అప్‌డేట్స్‌ - "ABP దేశం" 'ఆటో' సెక్షన్‌ని ఫాలో అవ్వండి.     

మరిన్ని చదవండి

BNCAP రేటింగ్ ప్రకారం ఇండియాలో అత్యంత సేఫ్టీ ఉన్న 5 కార్లు