Solar Eclipse and Lunar Eclipse 2022: అక్టోబరు, నవంబరులో రెండు గ్రహణాలు - ఈ రాశులవారు చూడకూడదు!
అక్టోబరు 25 సూర్యగ్రహణం, నవంబరు 8న చంద్రగ్రహణం..ఈ రెండు గ్రహణాలు పట్టు-విడుపు సమయం, ఏ రాశుల వారు చూడకూడదో ఇక్కడ తెలుసుకోండి..
Eclipses in India 2022: ఖగోళ, జోతిష్య శాస్త్రాల్లో సూర్య, చంద్ర గ్రహణాలకు చాలా ప్రాధాన్యం ఉంది. గ్రహణాలను ప్రత్యక్షంగా చూసేందుకు ఖగోళ శాస్త్రవేత్తలు ఆసక్తిగా ఎదురుచూస్తుండగా.. జోతిష్య శాస్త్రాన్ని పాటించే వారు గ్రహణాలను అరిష్టంగా పరిగణిస్తున్నారు. ఈ గ్రహణాలు జీవితంపై తీవ్ర ప్రభావం చూపుతాయని జోతిష్య శాస్త్రం చెబుతోంది. రానున్న రెండు నెలల్లో మరో రెండు గ్రహణాలు ఏర్పడనున్నాయి. వాటిలో ఒకటి సూర్య గ్రహణం, మరొకటి చంద్ర గ్రహణం.
Also Read: సెప్టెంబరు 11 నుంచి పితృ పక్షాలు ప్రారంభం, అంటే ఏంటి - ఈ 15 రోజులు ఏం చేయాలి!
2022 అక్టోబరు 25 మంగళవారం సూర్య గ్రహణం
శ్రీ శుభకృత్ నామసంవత్సరం ఆశ్వయుజ బహుళ అమావాస్య మంగళవారం అక్టోబరు 25వ తేదీ స్వాతి నక్షత్రం రెండో పాదంలో కేతుగ్రస్త సూర్యగ్రహణం సాయంత్రం దాదాపు 5.03 నిముషాలకు ప్రారంభమవుతుంది.
స్పర్శ కాలం సాయంత్రం - 5 గంటల 3 నిముషాలు
మధ్య కాలం సాయంత్రం - 5 గంటల 28 నిముషాలు
మోక్ష కాలం సాయంత్రం - 5 గంటల 35 నిముషాలు
ఆద్యంత పుణ్యకాలం 32 నిముషాలు
ఈ గ్రహం స్వాతి నక్షత్రం తులా రాశిలో పడుతుంది. అందుకే చిత్త, స్వాతి, విశాఖ నక్షత్రాల వారు కన్య,తులా రాశివారు ఈ గ్రహం చూడరాదని చెప్పారు పండితులు. గ్రహణ కాలం 32 నిముషాలే కాబట్టి.. నియమాలు పాటించే గర్భిణి స్త్రీలకు పెద్దగా సమస్య ఉండదు.
Also Read: గడ్డిపై ప్రతీకారం తీర్చుకునేవాళ్లుంటారా ... కానీ చాణక్యుడి విజయం అక్కడి నుంచే మొదలైంది..
2022 నవంబరు 8 మంగళవారం చంద్రగ్రహణం
శ్రీ శుభకృత్ నామసంవత్సరం మార్గశిర శుద్ధ పూర్ణిమ నవంబరు 8 మంగళవారం భరణి నక్షత్రం మూడో పాదంలో రాహుగ్రస్త చంద్రగ్రహణం పడుతుంది.
స్పర్శ కాలం మధ్యాహ్నం - 2 గంటల 38 నిముషాలు
మధ్య కాలం మధ్యాహ్నం - 4 గంటల 28 నిముషాలు
మోక్ష కాలం మధ్యాహ్నం - 6 గంటల 18 నిముషాలు
ఆద్యంత పుణ్యకాలం 3 గంటల 40 నిముషాలు
ఈ గ్రహణం భరణి నక్షత్రం మేషరాశిలో పట్టడం వల్ల అశ్విని, భరణి, కృత్తిక నక్షత్ర జాతకులు... మేష రాశివారు ఈ గ్రహణం చూడరాదు. చంద్రోదయం సాయంత్రం 5 గంటల 27 నిముషాలకు అవుతుంది. అందుకే విడుపు సమయంలో 51 నిముషాలు మాత్రమే ఈ గ్రహణం కన్పిస్తుంది. నియమాలు పాటించే గర్భిణి స్త్రీలు కూడా సాయంత్రం 5.27 నుంచి 6.18 వరకు కదలకుండా పడుకుంటే చాలు.
గ్రహణ సమయంలో చదువుకోవాల్సిన నవగ్రహ గాయత్రి
1.సూర్య గాయత్రి
ఓం భాస్కరాయ విద్మహే మహాధ్యుతికరాయ ధీమహే
తన్నో ఆదిత్యః ప్రచోదయాత్
2.చంద్ర గాయత్రి
ఓం అమృతేశాయ విద్మహే రాత్రిన్చరాయ ధీమహే
తన్నోశ్చంద్రః ప్రచోదయాత్.
3.కుజ గాయత్రి
ఓం అంగారకాయ విద్మహే శక్తి హస్తాయ ధీమహే
తన్నో: కుజః ప్రచోదయాత్.
4.బుధ గాయత్రి
ఓం చంద్ర సుతాయ విద్మహే సౌమ్య గ్రహాయ ధీమహే
తన్నో బుధః ప్రచోదయాత్
5.గురు గాయత్రి
ఓం సురాచార్యాయ విద్మహే దేవ పూజ్యాయ ధీమహే
తన్నో గురుః ప్రచోదయాత్
6.శుక్ర గాయత్రి
ఓం భృగువాస జాతాయ విద్మహే శ్వేతవాహనాయ ధీమహే
తన్నో శుక్రః ప్రచోదయాత్
7.శని గాయత్రి
ఓం రవిసుతాయ విద్మహే మందగ్రహాయ ధీమహే
తన్నో శనిః ప్రచోదయాత్
8.రాహు గాయత్రి
ఓం శీర్ష రూపాయ విద్మహే వక్ర పందాయ ధీమహే
తన్నో రాహుః ప్రచోదయాత్
9.కేతు గాయత్రి
ఓం తమోగ్రహాయ విద్మహే ధ్వజస్థితాయ ధీమహే
తన్నో కేతుః ప్రచోదయాత్
నవగ్రహ శ్లోకం
ఆదిత్యాయచ సోమాయ మంగళాయ బుధాయచ
గురు శుక్ర శనిభ్యశ్చ రాహవే కేతవే నమః ||
టాప్ హెడ్ లైన్స్
ట్రెండింగ్ వార్తలు
