Lunar Eclipse 2023 Horoscope: ఇవాళే చంద్రగ్రహణం - మీ రాశిపై ఎలాంటి ప్రభావం ఉంటుందో తెలుసా!

అక్టోబరు 28 చంద్రగ్రహణం - ఈ ప్రభావం 12 రాశులపైనా ఉంటుంది. మీ రాశిపై ఎలాంటి ప్రభావం ఉందో ఇక్కడ తెలుసుకోండి.

Image Credit: Freepik

 Lunar Eclipse 2023 Horoscope: గ్రహాలు రాశి మారినప్పుడు 12 రాశులపైనా ఆ ప్రభావం ఉంటుంది. కొన్ని రాశులపై ప్రతికూల ప్రభావం, మరికొన్ని రాశులపై అనుకూల ప్రభావం, ఇంకొన్ని రాశులపై మిశ్రమ ప్రభావం ఉంటుంది. అయితే గ్రహాలు రాశులు మారినప్పుడు మాత్రమే కాదు గ్రహణాలు సంభవించినప్పుడు కూడా 12 రాశులపైనా ప్రభావం ఉంటుంది.  

మేష రాశి
ఈ చంద్రగ్రహణం మీ ఆరోగ్యంపై ప్రతికూల ప్రభావాన్ని చూపిస్తుంది. మానసిక ఆందోళన పెరగవచ్చు. రోజువారీ ఆదాయం తగ్గుతుంది. వివాహ జీవితంలో వివాదం ఉండొచ్చు. మాటతూలొద్దు. తల్లిదండ్రుల ఆరోగ్యాన్ని నిర్లక్ష్యం చేయవద్దు

వృషభ రాశి
ఈ రాశివారికి గృహ, వాహన ఖర్చులు పెరిగి ఒత్తిడి ఉండవచ్చు. అంతర్గత శత్రువులు పెరుగుతారు కానీ విజయం ఉంటుంది. మానసిక ఆందోళన తగ్గుతుంది. ఖర్చులు ఎక్కువవుతాయి. ప్రేమ సంబంధాలు కలసిరావు. వ్యాపారంలో పురోగతి ఉంటుంది. 

మిథున రాశి
ఈ రాశివారికి చంద్రగ్రహణం సమయం కలిసొస్తుంది. వ్యాపార కార్యకలాపాలలో విస్తరణ ఉంటుంది. ఆదాయం పెరుగుతుంది. చేసే పనిలో అదృష్టం కలిసొస్తుంది. పిల్లలకు సంబంధించిన సమస్యల గురించి మీరు కొంత ఆందోళన చెందుతారు. మీ గౌరవం పెరుగుతుంది. ఆరోగ్యం జాగ్రత్త. ప్రేమ సంబంధాలలో మెరుగుదల ఉంటుంది.

కర్కాటక రాశి
చంద్రగ్రహణం ప్రభావం ఈ రాశివారిపై మిశ్రమంగా ఉంటుంది. మనసులో ఏదో కలవరం వెంటాడుతుంది. ఆరోగ్య సమస్యలున్నాయి జాగ్రత్త. అనవసరమైన ఒత్తిడి పెరుగుతుంది. ఆదాయం పెరుగుతుంది. ఉద్యోగంలో మెరుగుదల ఉంటుంది. శత్రువులపై మీదే పైచేయి. కుటుంబానికి సమయం కేటాయిస్తారు

సింహ రాశి
ప్రభుత్వం లేదా పై అధికారుల కారణంగా మీకు టెన్షన్ పెరుగుతుంది.  గృహ, వాహన సంతోషాలు పెరుగుతాయి. ఆదాయం మెరుగుపడుతుంది. ఆరోగ్యం ఆకస్మికంగా బలహీనపడే అవకాశం ఉంది జాగ్రత్త. వైవాహిక జీవితం బాగానే ఉంటుంది.

కన్యా రాశి
ఈ రాశివారికి ఆదాయం పెరుగుతుంది. మాటతీరు బావుటుంది. వైవాహిక జీవితంలో ఆనందం, ప్రేమ సంబంధాలు పెరుగుతాయి. తల్లి ఆరోగ్యం జాగ్రత్త.

తులా రాశి
చంద్రగ్రహణ ప్రభావంతో ఈ రాశివారికి మానసిక ఆందోళనక పెరుగుతుంది. వివాహ, ప్రేమ సంబంధాలలో ఒత్తిడులు ఉండొచ్చు. కఠిన పనుల్లో ఆటంకాలు ఏర్పడే అవకాశం ఉంది. గృహ, వాహన సుఖాలు పెరిగే అవకాశం ఉంది. అంతర్గత శత్రువులు ఎక్కువవుతారు.  

వృశ్చిక రాశి
మనోస్థైర్యం, ఆరోగ్యం విషయంలో అసంతృప్తి...ఖర్చులు పెరగడంతో కొంత ఆందోళన ఉంటుంది. పిల్లలు చదువులో పురోగతి సాధిస్తారు. వైవాహిక జీవితం సంతోషంగా ఉంటుంది. ప్రేమ సంబంధాలలో ఒత్తిడి పెరుగుతుంది. 

ధనుస్సు రాశి
ఈ రాశివారి ఆదాయ వనరులు పెరుగుతాయి. మీకు అదృష్టం కలిసొస్తుంది. పొట్టకు సంబంధించిన సమస్యల కారణంగా ఒత్తిడి గురవుతారు. వైవాహిక జీవితం బాగానే ఉంటుంది. విద్యార్థులకు చదువులో కొన్ని ఆటంకాలు ఎదురవుతాయి. వ్యాపార విస్తరణకు పూర్తి అవకాశం ఉంది. 

మకర రాశి
ఈ రాశివారికి మనోధైర్యం పెరుగుతుంది. కుటుంబ బంధాల విషయంలో మాట తూలొద్దు.  ఆదాయ వనరులు పెరుగుతాయి. కార్యాలయంలో పురుగోతి ఉంటుంది. తల్లి దండ్రుల ఆరోగ్యం పట్ల అప్రమత్తంగా ఉండాలి 

కుంభ రాశి
ఈ రాశివారికి చంద్రగ్రహణ అదృష్టాన్ని తీసుకొస్తోంది. సోదరులు , స్నేహితుల నుంచి శుభవార్తలు పొందుతారు. రోజువారీ ఆదాయం,  వ్యాపారంలో పెరుగుదల ఉంటుంది. ఇల్లు, వాహనానికి సంబంధించిన ఆందోళనలు తీరుతాయి. జీవిత భాగస్వామి ఆరోగ్యం, ప్రేమ సంబంధం గురించి ఆందోళన ఉంటుంది.

మీన రాశి
ఈ రాశివారికి కుటుంబ ఖర్చులు పెరుగుతాయి. కుటుంబ సభ్యుల విషయాలలో కొంత ఆందోళన ఉంటుంది. పిల్లల విషయంలో ఏదో ఆందోళన వెంటాడుతుంది. తోబుట్టువుల నుంచి కొన్ని ఇబ్బందులుంటాయి. ధైర్యం తగ్గుతుంది. అనారోగ్య సూచనలున్నాయి. 

గమనిక:ఓ రాశిలో ఫలితాలన్నీ ఒక్కరికే చెందుతాయని భావించరాదు. మీ జాతకం, గ్రహస్థితి ఆధారంగా కూడా మారుతాయి. వ్యక్తిగత వివరాల కోసం జ్యోతిష్య పండితులను సంప్రదించగలరు.