East Godavari News: తూర్పు గోదావరి జిల్లాలో తీవ్ర విషాదం - భర్త మృతదేహం పక్కనే భార్య మృతి

Andhrapradesh News: తూర్పు గోదావరి జిల్లాలో ఒకే రోజు గంటల వ్యవధిలో వృద్ధ దంపతులు మృతి చెందడం తీవ్ర విషాదం నింపింది. భర్త మృతి మనో వేదనకు గురైన భార్య అతని మృతదేహం వద్దే ప్రాణాలు కోల్పోయింది.

తూర్పు గోదావరి జిల్లాలో వృద్ధ దంపతుల మృతి

Couple Died in Within Hours in East Godavari District: తూర్పు గోదావరి (East Godavari) జిల్లాలో ఆదివారం తీవ్ర విషాదం జరిగింది. అనారోగ్యంతో ఓ వృద్ధుడు మృతి చెందగా.. ఆయన భార్య కూడా మనో వ్యధతో గంటల వ్యవదిలోనే ప్రాణాలు కోల్పోయింది. ఈ ఘటన గోకవరం (Gokavaram) మండలం తంటికొండ (Thantikonda) గ్రామంలో జరిగింది. గ్రామానికి చెందిన కోసూరి సత్యనారాయణ (77) వడ్రంగి పని చేస్తూ జీవనం సాగిస్తున్నాడు. కుమారుడు, కుమార్తెకు వివాహం జరిపించాడు. గత కొద్ది రోజులుగా అనారోగ్యంతో బాధ పడుతున్న వృద్ధుడు ఆదివారం తెల్లవారుజామున మృతి చెందాడు. దీంతో తీవ్ర మనో వేదనకు గురైన అతని భార్య వరలక్ష్మి (65) భర్త మృతదేహం పక్కనే ఏడుస్తూ ప్రాణాలు కోల్పోయింది. ఈ ఘటనతో గ్రామంలో విషాదం నెలకొంది. వృద్ధ దంపతులు ఎంతో అన్యోన్యంగా ఉండే వారని.. వారు ఒకే రోజు మృతి చెందడం బాధా కరమని గ్రామస్థులు ఆవేదన చెందారు.