Aadhaar in TTD: తిరుమల తిరుపతి దేవస్థానంలో ఆధార్​ అథెంటికేషన్​

Tirumala News: ఏపీలోన కూటమి ప్రభుత్వం ప్రముఖ తిరుమల తిరుపతి దేవస్థానం(టీటీడీ)లో ఆధార్​ ఆధార్‌ ఆథెంటికేషన్, ఈకేవైసీలు అమలు చేయనుంది.

తిరుమల తిరుపతి దేవస్థానం

Source : x

Aadhaar Authentication in TTD: ఏపీలోన కూటమి ప్రభుత్వం ప్రముఖ తిరుమల తిరుపతి దేవస్థానం(టీటీడీ)లో ఆధార్​ ఆధార్‌ ఆథెంటికేషన్, ఈకేవైసీలు అమలు చేయనుంది. శ్రీవారి దర్శనాలు, సేవలు, వసతులు తదితర టికెట్ల బుకింగుల్లో దుర్వినియోగం, దళారుల ప్రమేయాన్ని నిరోధించేందుకు, పారదర్శకతను పెంచేందుకు ఈ చర్యలు చేపట్టనుంది. ఆధార్​ వినియోగానికి అనుమతినిస్తూ గతేడాది ఆగస్టు 5న కేంద్ర ఐటీ, ఎలక్ట్రానిక్‌ మంత్రిత్వ శాఖ సమ్మతి తెలపగా.. ఆ నోటిఫికేషన్‌ను దేవాదాయ శాఖ శనివారం గెజిట్‌లో ప్రచురించింది. 

దేవాదాఖ శాఖ కార్యదర్శి వి.వినయ్‌చంద్‌ ఉత్తర్వులు జారీచేశారు. శ్రీవారి దర్శనానికి వచ్చే భక్తుల గుర్తింపును పరిశీలించేందుకు, ఒకరి పేరుతో మరొకరు రాకుండా నిరోధించేందుకు ఆధార్​ అథెంటికేషన్ ఉపయోగపడనుంది. ఆలయంలో సేవలు పొందేసమయంలో తనిఖీ ప్రక్రియ క్రమబద్ధీకరణకు వీలవుతుంది. 

భక్తుల ఆధార్‌ ఆథెంటికేషన్‌ అనుమతి కోసం గతేడాది జులైలో దేవాదాయ శాఖకు తితిదే ఈవో లేఖ రాశారు. దేవాదాయ శాఖ ఆ లేఖను కేంద్ర ప్రభుత్వానికి పంపించింది. ఆగస్టులో కేంద్రం నుంచి అనుమతి లభించింది. దానిపై నవంబరు 18న తితిదే బోర్డు తీర్మానం చేయగా ఈ వ్యవస్థను అమలు చేసేందుకు మార్గం సుగుమమైంది. అందుకు అనుగుణంగా ఇప్పుడు నోటిఫికేషన్‌ను గెజిట్‌లో ప్రచురించారు.