TTD Online Tickets Booking: రూ.300 ప్రత్యేక ప్రవేశ దర్శన టికెట్ల గోల్‌మాల్ ఆరోపణలు.. భక్తులకు టీటీడీ క్లారిటీ

TTD Special Entry Darshan | భారీ డిమాండ్ వల్లే రూ.300 దర్శన టికెట్లు త్వరగా పూర్తవుతున్నాయని, ఆన్‌లైన్ వ్యవస్థలో ఎలాంటి లోపాల్లేవని టీటీడీ స్పష్టం చేస్తూ, పుకార్లను నమ్మవద్దని భక్తులను కోరింది.

భక్తులకు టీటీడీ విజ్ఞప్తి

Source : https://in.pinterest.com/pin/940407965957348054/

Show Quick Read

Key points generated by AI, verified by newsroom

• తిరుమల దర్శన టికెట్లపై భక్తుల అనుమానాలకు టీటీడీ స్పష్టం చేసింది.
• భారీ డిమాండ్, తక్కువ లభ్యతతో టికెట్లకు తీవ్ర పోటీ నెలకొంది.
• అధునాతన సాంకేతికత, వర్చువల్ క్యూతో బుకింగ్‌లు సజావుగా సాగుతాయి.

TTD Special Entry Darshan Online Booking | తిరుపతి: తిరుమల శ్రీవారి రూ.300 ప్రత్యేక ప్రవేశ దర్శనం ఆన్‌లైన్ టికెట్ల బుకింగ్‌పై భక్తుల్లో పలు అనుమానాలు వ్యక్తమవుతున్నాయి. అయితే మీకు వస్తున్న సందేహాలు, సోషల్ మీడియాలో జరుగుతున్న ప్రచారాలపై తిరుమల తిరుపతి దేవస్థానం (TTD) శనివారం నాడు క్లారిటీ ఇచ్చింది. భారీ డిమాండ్ కారణంగానే టికెట్ల బుకింగ్‌లో తీవ్ర పోటీ నెలకొంటోందని, అంతేకానీ ఆన్‌లైన్, వెబ్‌సైట్ బుకింత్ వ్యవస్థలో ఎలాంటి లోపాలు లేవని స్పష్టం చేసింది. బుకింగ్ సమయంలో వచ్చే విపరీతమైన రద్దీని తట్టుకునేలా Google Cloud Platform (GCP), లాస్ట్ బ్యాలెన్సింగ్, డిస్ట్రిబ్యూటెడ్ అప్లికేషన్ ఆర్కిటెక్చర్, హారిజంటల్ స్కేలింగ్ వంటి మోడ్రన్ సాంకేతిక పరిజ్ఞానంతో ఆన్‌లైన్ పోర్టల్‌ను నిర్వహిస్తున్నట్లు వెల్లడించింది. టికెట్ల విడుదలకు ముందు ప్రత్యేకంగా టెక్నికల్ వార్ రూమ్ ఏర్పాటు చేసి అప్లికేషన్ పనితీరు, సెక్యూరిటీ, ట్రాన్సాక్షన్లను సాంకేతిక బృందాలు నిరంతరం పర్యవేక్షిస్తున్నాయని టీటీడీ ఓ ప్రకటనలో తెలిపింది.

అందుబాటులో ఉండే టికెట్లకు, భక్తుల నుంచి వచ్చే డిమాండ్‌కు మధ్య భారీ వ్యత్యాసం ఉండటమే ఈ పోటీకి ప్రధాన కారణమని టీటీడీ అధికారులు తెలిపారు. ఉదాహరణకు ఒకేసారి సుమారు 6 లక్షల మంది యూజర్లు పోర్టల్‌లోకి ప్రవేశించి, కుటుంబంలో ఒక్కొక్కరు నలుగురి చొప్పున ప్రయత్నిస్తే దాదాపు 24 లక్షల టికెట్లకు డిమాండ్ వస్తుంది. కానీ అందుబాటులో ఉండేది కేవలం 2.69 లక్షల కోటా మాత్రమేనని గుర్తుంచుకోండి. అంటే డిమాండ్ దాదాపు 9 రెట్లు ఎక్కువగా ఉండటంతో, కొన్ని సెకన్లలోనే ఒకే స్లాట్ టికెట్ల బుకింగ్ పూర్తవుతాయని పేర్కొంది. సర్వర్లు క్రాష్ కాకుండా, పేమెంట్ ప్రక్రియ సజావుగా సాగేందుకు వర్చువల్ క్యూ విధానాన్ని ఉపయోగిస్తున్నామని, దీనిని సాంకేతిక లోపంగా భావించకూడదని భక్తులకు టీటీడీ విజ్ఞప్తి చేసింది.

పేమెంట్ ఫెయిల్ అవ్వడం అనేది కేవలం టీటీడీ అప్లికేషన్‌పైనే కాకుండా బ్యాంకింగ్ నెట్‌వర్క్‌లు, యూపీఐ (UPI) గెట్‌వేల పనితీరుపై సైతం ఆధారపడి ఉంటుందని గుర్తుచేసింది. శ్రీ పద్మావతి అమ్మవారు, శ్రీ కల్యాణ వెంకటేశ్వర స్వామి, శ్రీ గోవిందరాజ స్వామి ఆలయాల దర్శన కోటాలను కూడా ఇదే విధానంలో విడుదల చేస్తున్నామని తెలిపింది. అక్కడ రద్దీ తక్కువగా ఉండటం వల్ల ప్రక్రియ సజావుగా సాగుతోందని స్పష్టం చేసింది. భక్తుల ఫీడ్‌బ్యాక్ ఆధారంగా ఆంటి-బోట్ మెకానిజమ్స్, డేటాబేస్ పెర్ఫార్మెన్స్‌ను నిరంతరం నవీకరిస్తున్నామని తెలిపింది. కాబట్టి తిరుమల దర్శనాలకు టికెట్ దొరకనంత మాత్రాన ఆన్‌లైన్ వ్యవస్థ విఫలమైందని భావించవద్దని, సోషల్ మీడియాలో వచ్చే వదంతులను నమ్మవద్దని టీటీడీ భక్తులను కోరింది. 

మరిన్ని చదవండి

అమరావతి నివాస భూముల వివాదం.. సీఎం చంద్రబాబు జోక్యం కోరూతూ పరిరక్షణ సమితి లేఖ

ఘనంగా కుమార్తె అంజిలి రెడ్డి నిశ్చితార్థం - వైఎస్ షర్మిల భావోద్వేగ పోస్ట్