శ్రీనివాసుడి సర్వదర్శనానికి 24 గంటల సమయం- తిరుమలేశుడిని దర్శించుకోనున్న రాష్ట్రపతి ముర్ము

తిరుమలలో రాష్ట్రపతి ద్రౌపతి ముర్ము పర్యటన రెండో రోజు కొనసాగుతోంది. ఉదయం 9.25 నిమిషాలకు క్షేత్ర సంప్రదాయ ప్రకారం శ్రీ భూ వరాహ స్వామిని దర్శించుకోనున్నారు.

ప్రతీకాత్మక చిత్రం

తిరుమల కొండపై భక్తుల రద్దీ కొనసాగుతుంది. ప్రతి సోమవారం నిర్వహించే చతుర్దశ కలశ విశేష పూజను టిటిడి రద్దు చేసింది.. విగ్రహాల పరిరక్షణలో‌ భాగంగా ఆగమ సలహాదారుల సూచనల మేరకు టిటిడి నిర్ణయం తీసుకుంది. ఆదివారం 04-12-2022 రోజున 80,001 మంది స్వామి వారి దర్శించుకున్నారు. 32,967 మంది స్వామి వారికి తలనీలాలు సమర్పించగా, 4.07 కోట్ల రూపాయలు భక్తులు హుండీ స్వామి వారికి ద్వారా కానుకలుగా సమర్పించారు. వైకుంఠం క్యూ కాంప్లెక్స్‌లో 14 కంపార్ట్మెంట్లల్లో భక్తులు వేచి ఉన్నారు. దీంతో టోకెన్లు లేని సర్వదర్శనం భక్తులకు దాదాపుగా స్వామి వారి దర్శనానికి 14 గంటల సమయం పడుతుంది.. ఇక ప్రత్యేక ప్రవేశ దర్శనానికి మూడు గంటల సమయం పడుతుంది.. 

తిరుమలలో రాష్ట్రపతి ద్రౌపతి ముర్ము పర్యటన రెండో రోజు కొనసాగుతోంది. ఉదయం 9.25 నిమిషాలకు క్షేత్ర సంప్రదాయ ప్రకారం శ్రీ భూ వరాహ స్వామిని దర్శించుకోనున్నారు. అనంతరం శ్రీవారిని దర్శించుకుంటారు. శ్రీవారి దర్శనం అనంతరం పద్మావతి అతిధి గృహం చేరుకొని సేదతీరుతారు. ఉదయం 10.50 గంటలకు తిరుమల నుంచి తిరుగుప్రయాణం అవుతారు. 11.35 గంటలకు అలిపిరి గో మందిరం వద్ద ప్రత్యేక పూజలు చేయనున్నారు. 11.55 గంటలకు శ్రీ పద్మావతి విశ్వవిద్యాలయం చేరుకుంటారు. మధ్యాహ్నం 12.50 గంటలకు శ్రీ పద్మావతి అమ్మవారి ఆలయానికి బయలుదేరి వెళ్తారు. మధ్యాహ్నం 1.00 గంటకు అమ్మవారి దర్శించుకుంటారు.  

మధ్యాహ్నం 1.40 గంటలకు రేణిగుంట విమానాశ్రయం చేరుకొని తిరుగుప్రయాణం కాకున్నా రాష్ట్రపతి ద్రౌపతి ముర్ము
శ్రీవారి ఆలయంలో వైఖానస ఆగమ శాస్త్రం ప్రకారం శ్రీ వేంకటేశ్వరుడికి కైంకర్యాలు నిర్వహిస్తున్నారు అర్చకులు.. ఇందులో‌ భాగంగా సోమవారం ప్రత్యూషకాల ఆరాధనతో ఆలయ ద్వారముకు తెరిచిన అర్చకులు.. బంగారు వాకిలి వద్ద శ్రీ వేంకటేశ్వర సుప్రభాత స్త్రోతంతో స్వామి వారిని మేలు కొలిపారు.. అనంతరం  తోమాల, అర్చన సేవలు నిర్వహించిన అర్చకులు.. ప్రాతఃకాల ఆరాధనలో‌ భాగంగా స్నపన మండపంలో శ్రీకొలువు శ్రీనివాసమూర్తిని వారి సమక్షంలో దర్భార్ నిర్వహించారు.. శ్రీవారికి పంచాంగ శ్రవణం,హుండీ జనాకర్షణ విన్నవించి, బెల్లంతో  కలిపిన నువ్వుల పిండిమి స్వామి వారిని నైవేద్యంగా సమర్పించారు.. నవనీత హారతి సమర్పించి అనంతరం శ్రీనివాసమూర్తిని తిరిగి సన్నిధిలో వేంచేపు చేసారు.. ప్రాతఃకాల ఆరాధనలో భాగంగా మొదటి ఘంటా నివేదనలో అన్నప్రసాదం, లడ్డూ, వడలు స్వామి వారికి నైవేద్యంగా సమర్పించారు.. 

సన్నిధిలో శ్రీ వైష్ణవ సాంప్రదాయం ప్రకారం సాత్తుమొర నిర్వహించిన అనంతరం సర్కారు హారతి అందించి ప్రోటోకాల్ పరిధిలోని భక్తులకు స్వామి వారి దర్శన భాగ్యం కల్పించింది టిటిడి.. అనంతరం స్వామి వారికి రెండోవ గంట నివేదన, బలి జరిపిన అనంతరం ప్రతిర "సోమవారం" రోజు నిర్వహించే "చతుర్ధశ కలశ విశేష పూజ" ను టిటిడి రద్దు చేసింది.. ఉత్సవమూర్తుల విగ్రహాలు పరిరక్షణలో‌ భాగంగా టిటిడి‌ రద్దు చేసింది.. అనంతరం  సర్వదర్శనం భక్తులను స్వామి వారి దర్శనానికి అనుమతించారు. తరువాత ఆలయంలోని అద్దాల మండపంలో డోలోత్సవం సేవను నిర్వహిస్తారు. సర్వదర్శనం నిలుపుదల చేసిన అనంతరం శ్రీవారికి రాత్రి కైంకర్యాలు ప్రారంభిస్తారు అర్చకులు.. ఈ కైంకర్యాల్లో‌ భాగంగా రాత్రి తోమాల, అర్చన, రాత్రి గంట, తిరువీసం ,ఘంటాబలి నిర్వహిస్తారు.. తిరిగి సర్వదర్శనం భక్తులను స్వామి వారి దర్శనంకు అనుమతించి, సర్వదర్శనం పూర్తి అయిన తరువాత ఆగమోక్తంగా శ్రీవారికి చివరి సేవగా ఏకాంత సేవను నిర్వహిస్తారు అర్చకులు..