PSLV C-52: పీఎస్ఎల్వీ సి-52 నమూనాకు తిరుమల శ్రీవారి ఆలయంలో ప్రత్యేక పూజలు

PSLV C-52 నమూనాకు ప్రత్యేక పూజలు చేశారు ఇస్రో శాస్త్రవేత్తలు. తిరుమల శ్రీవారి ఆలయాన్ని దర్శించుకున్న శాస్త్రవేత్తల బృందం మొక్కులు చెల్లించుకుంది.

PSLV C-52 నమూనాకు తిరుమలలో ప్రత్యేక పూజలు చేసిన శాస్త్రవేత్తల బృందం

కలియుగ ప్రత్యక్ష దైవం తిరుమల శ్రీవేంకటేశ్వరుని ఇస్రో సైంటిస్ట్ బృందం దర్శించుకుంది. ఉదయం విఐపి విరామ సమయంలో ఇస్రో సైంటిస్ట్ బృందం సభ్యులు పాల్గొని మొక్కులు చెల్లించుకుంది. 

14వ తేదిన పీఎస్ఎల్వీ సి-52 లాంచింగ్ చేపట్టనున్నారు. అందుకే ముందుగా తిరుమల వెంకటేశ్వర స్వామిని సందర్శించుకొని పూజలు చేశారు. PSLVసి-52 నమూనాను శ్రీవారి మూలవిరాట్ పాదాల చెంత ఉంచి ప్రత్యేల పూజలు నిర్వహించారు. అనంతరం రంగనాయకుల మండపంలో వేద పండితులు PSLVసి-52 నమూనాకు వేదాశీర్వచనం చేశారు. ఆలయ అధికారులు ఇస్రో సైంటిస్ట్ బృందానికి స్వామి వారి తీర్థప్రసాదాలు అందజేసి పట్టువస్త్రంతో సత్కరించారు.

సతీష్ ధావన్ స్పేస్‌ సెంటర్‌ షార్‌ నుంచి ఈ ఏడాది మొదటి రాకెట్‌ ప్రయోగించనున్నారు శాస్త్రవేత్తలు. ఈ నెల 14వ తేదీ ఉదయం 5.59 గంటలకు షార్‌లోని మొదటి ప్రయోగ వేదిక నుంచి దీన్ని నింగిలోకి పంపిస్తారు. పోలార్‌ శాటిలైట్‌ లాంచ్‌ వెహికల్‌- సి 52(పీఎస్‌ఎల్‌వీ) వాహక నౌక ప్రయోగానికి ఏర్పాట్లు పూర్తి చేశారు. 

Live telecast of the launch begins at 05:30 hours IST on February 14, 2022.
Witness the launch live through https://t.co/osrHMk7MZLhttps://t.co/SAdLCrrAQXhttps://t.co/0C5HanC1Io https://t.co/646iCVEsrY pic.twitter.com/RwogQyWWVu

— ISRO (@isro) February 11, 2022

నాలుగు దశల అనుసంధానం పూర్తి చేసి ఆ తర్వాత ఉష్ణకవచం అమర్చారు. అనంతరం వివిధ పరీక్షలు జరిపి రిహార్సల్స్, ప్రీ కౌంట్‌ డౌన్‌ నిర్వహిస్తారు. ప్రయోగానికి ముందుగా నిర్వహించే కౌంట్‌ డౌన్‌ ప్రక్రియ ఆదివారం వేకువజామున 4.29 గంటలకు ప్రారంభమవుతుంది. నిరంతరాయంగా 25 గంటల 30నిముషాలపాటు కౌంట్ డౌన్ సాగుతుంది. ఆ తర్వాత పీఎస్‌ఎల్‌వీ ప్రయోగిస్తారు. 

The launch of Polar Satellite Launch Vehicle, PSLV-C52 is scheduled at 05:59 hours on February 14, 2022 from the First Launch Pad of Satish Dhawan Space Centre, Sriharikota.
Mission page: https://t.co/BisacQy5Of

— ISRO (@isro) February 11, 2022

పీఎస్ఎల్వీ సి-52 ద్వారా ఆర్‌ఐశాట్‌-1ఎ (ఈవోఎస్‌-04)తోపాటు ఐఎన్‌ఎస్‌-2టీడీ, విద్యార్థులు రూపకల్పన చేసిన ఇన్ స్పైర్ శాట్ -1 ఉపగ్రహాలను కక్ష్యలో ప్రవేశపెడతారు. ఈఓఎస్-04 శాటిలైట్ బరువు 1710 గ్రాములు. ఇదో రేడార్ ఇమేజింగ్ శాటిలైట్. ఎటువంటి వాతావ‌ర‌ణంలోనైనా ఇది హైక్వాలిటీ ఇమేజ్‌ను తీసి పంపిస్తుంది.

వ్య‌వ‌సాయం, అట‌వీ, మొక్క‌ల పెంప‌కం, నేల సాంద్ర‌త‌, హైడ్రాల‌జీ, ఫ్ల‌డ్ మ్యాపింగ్ లాంటి అప్లికేష‌న్ల‌కు ఈ శాటిలైట్‌ వాడ‌తారు. మిగిలిన రెండు చిన్న శాటిలైట్లలో ఒకటైన‌ ఇన్స్పైర్ శాట్-1ను యూనివర్శిటీ ఆఫ్ కొలరాడోకు చెందిన లేబొరేటరీ ఆఫ్ అట్మాస్పియరిక్ అండ్ స్పేస్ ఫిజిక్స్ తో కలిసి ఇండియన్ ఇన్స్టిట్యూట్ ఆఫ్ స్పేస్ సైన్స్ అండ్ టెక్నాలజీ తయారు చేసింది.