Srirama Navami 2022 : రెండో భద్రాద్రిలో సీతారాముల కల్యాణానికి శరవేగంగా ఏర్పాట్లు, లక్ష బియ్యపు గింజలపై శ్రీరామ నామం

Srirama Navami : తెలుగు రాష్ట్రాల్లో రెండో భద్రాద్రిగా పేరొందిన గొల్లల మామిడాడ శ్రీ కోదండ రాముని ఆలయంలో సీతారాముల కల్యాణానికి ఘనంగా ఏర్పాట్లు చేశారు. కాకినాడ కలెక్టర్ స్వామి వారికి పట్టువస్త్రాలు సమర్పించనున్నారు.

FOLLOW US: 

Gollala Mamidada Srirama Navami : తెలుగు రాష్ట్రాలలో రెండో భద్రాద్రిగా పేరుగాంచిన కాకినాడ జిల్లా గొల్లల మామిడాడ గ్రామంలో వేంచేసి ఉన్న శ్రీ కోదండ రాముని కల్యాణ మహోత్సవానికి శరవేగంగా ఏర్పాట్లు చేస్తున్నట్లు ఆలయ కమిటీ తెలిపింది. గత రెండేళ్లుగా కోవిడ్ కారణంగా సీతారాముల కల్యాణం ఏకాంతంగా నిర్వహించారు. ఈ సంవత్సరం చలువ పందిళ్ల నడుమ శ్రీరాముని భక్తుల కోలాహలంగా కల్యాణం నిర్వహించేలా ఆలయ కమిటీ అన్ని ఏర్పాట్లు చేసింది. 

1889 నాటి ఆలయం 

కాకినాడ జిల్లా అనపర్తి నియోజకవర్గంలో పెదపూడి మండలం గొల్లల మామిడాడ గ్రామంలో వేంచేసిన కోదండరామచంద్రమూర్తి ఆలయం తెలుగు రాష్ట్రాల్లో రెండో భద్రాద్రిగా ప్రసిద్ధి చెందింది. 1889లో ఇక్కడ స్వామి వారు స్వయంభూగా వెలిశారని భక్తులు సీతా మహాలక్ష్మి, శ్రీరామచంద్రమూర్తి అను పేర్లతో కొలలను ప్రతిష్ఠించి పూజా కార్యక్రమాలను ప్రారంభించారు. అప్పటి నుంచి స్వామివారు భక్తుల పూజలను కొలల రూపంలోనే అందుకుంటూ వస్తున్నారు. గ్రామానికి చెందిన ద్వారంపూడి సుబ్బిరెడ్డి, రామిరెడ్డి సోదరులు స్వామివారికి ఆలయాన్ని నిర్మించాలని సంకల్పం చేశారు. ఆలయ నిర్మాణంతో పాటు తూర్పున తొమ్మిది అంతస్థుల గోపురాన్ని 160 అడుగుల ఎత్తులో నిర్మాణం పూర్తి చేశారు. తరువాత క్రమంలో వాస్తు ప్రకారం పడమరన ఎత్తు ఉండాలని 1956లో పశ్చిమాన 200 అడుగుల ఎత్తులో 11 అంతుస్తుల గోపురాలను నిర్మించారు. ఈ గోపురాలపై ఆనాటి రామాయణం, భాగవతాలకు చెందిన అంశాలను శిల్పులు కండ్లకు కట్టినట్టుగా రూపొందించారు. 

అద్దాల మందిరంలో వింత అనుభూతి  

గోపురాలపై ఉన్న శిల్ప కళా సంపదను తిలకించేందుకు రెండు కనులు చాలవని భక్తులు పేర్కొనడం విశేషం. నాటి నుంచి నేటి వరకు ప్రతి ఏటా స్వామి వారి కల్యాణ మహోత్సవాన్ని వైభవంగా నిర్వహిస్తూ స్వామిని కొలుస్తున్నారు. తరువాత కాల క్రమంలో నిర్మించిన అద్దాల మందిరం మాయా ప్రపంచాన్ని తలపిస్తుంది. ఇక్కడ అద్దాల మందిరంలో ప్రవేశించిన భక్తులు వింత అనుభూతికి లోనవుతారు. ఐదు రోజుల పాటు నిర్వహించే ఉత్సవాలకు ఆలయ కమిటీ అన్ని ఏర్పాట్లు పూర్తి చేస్తుంది. గత రెండు సంవత్సరాలుగా కరోనా కారణంగా ఏకాంతంగా స్వామివారి కల్యాణం జరుపుతున్నారు. కరోనా తగ్గు ముఖం పట్టడంతో స్వామివారి కల్యాణాన్ని తిలకించేందుకు ఈ సంవత్సరం భక్తులను అనుమతించనున్నారు. 

పట్టువస్త్రాలు సమర్పించనున్న కలెక్టర్, స్థానిక ఎమ్మెల్యే 

కల్యాణం సందర్భంగా స్వామి అమ్మవార్లకు ప్రభుత్వం తరపున కాకినాడ జిల్లా కలెక్టర్ కృత్తిక శుక్ల, అనపర్తి నియోజకవర్గ ఎమ్మెల్యే సత్తి సూర్యనారాయణ రెడ్డి దంపతులు స్వామివారికి నూతన పట్టు వస్త్రాలను  సమర్పించనున్నారు. స్వామి వారి కల్యాణంలో ఉపయోగించేందుకు  తలంబ్రాలను శాస్త్ర యుక్తంగా గ్రామానికి చెందిన ద్వారంపూడి యువ రాజా రెడ్డి గత 13 సంవత్సరాలుగా స్వయంగా ఉదయం సాయంత్రం పూజ అనంతరం చేతులతో ఒకేసారి 8 బియ్యం గింజలపై శ్రీరామ, శ్రీరామ అని రాసి స్వామివారికి సమర్పించడం గత 13 సంవత్సరాలుగా ఆనవాయితీగా వస్తుంది. ఈ సంవత్సరం లక్ష బియ్యపు గింజలపై స్వామివారి పేరును మూడు భాషలలో రాసి ఆలయానికి అందజేసినట్లు ద్వారంపూడి యువ రాజారెడ్డి తెలిపారు. తలంబ్రాలతో పాటు స్వామివారి కల్యాణంలో వినియోగించే కొబ్బరి బొండాంలపై శంకు చక్రాలు, స్వామివారి మూల విరాట్ ను రంగులతో తీర్చిదిద్దినట్లు తెలిపారు. 

Published at : 09 Apr 2022 03:18 PM (IST) Tags: Kakinada News sri rama navami 2022 gollala mamidada

సంబంధిత కథనాలు

Nandyal News : నంద్యాలలో నిత్య పెళ్లి కూతురు, విడాకులు తీసుకోకుండా మూడు పెళ్లిళ్లు, నాల్గో పెళ్లికి సిద్ధం!

Nandyal News : నంద్యాలలో నిత్య పెళ్లి కూతురు, విడాకులు తీసుకోకుండా మూడు పెళ్లిళ్లు, నాల్గో పెళ్లికి సిద్ధం!

Breaking News Live Updates: బండి సంజయ్ మతాల మధ్య చిచ్చుపెడుతున్నారు, కేఏ పాల్ ఫైర్ 

Breaking News Live Updates: బండి సంజయ్ మతాల మధ్య చిచ్చుపెడుతున్నారు, కేఏ పాల్ ఫైర్ 

Srikalahasti News : శ్రీకాళహస్తి ఫైనాన్స్ సంస్థలో భారీ చోరీ, ఉద్యోగినిని కట్టేసి రూ. 80 లక్షల బంగారం ఎత్తుకెళ్లిన దొంగలు

Srikalahasti News : శ్రీకాళహస్తి ఫైనాన్స్ సంస్థలో భారీ చోరీ, ఉద్యోగినిని కట్టేసి రూ. 80 లక్షల బంగారం ఎత్తుకెళ్లిన దొంగలు

Mla Kotamreddy Sridhar Reddy : ఎమ్మెల్యే కోటంరెడ్డి శ్రీధర్ రెడ్డికి ఛాతిలో నొప్పి, చెన్నై అపోలో ఆసుపత్రికి తరలింపు!

Mla Kotamreddy Sridhar Reddy : ఎమ్మెల్యే కోటంరెడ్డి శ్రీధర్ రెడ్డికి ఛాతిలో నొప్పి, చెన్నై అపోలో ఆసుపత్రికి తరలింపు!

Lokesh Mahanadu : వరుసగా మూడు సార్లు ఓడిన వారికి నో టిక్కెట్ - టీడీపీ నిర్ణయం !

Lokesh Mahanadu : వరుసగా మూడు సార్లు ఓడిన వారికి నో టిక్కెట్ -  టీడీపీ నిర్ణయం !

టాప్ స్టోరీస్

Bandi Sanjay : కేంద్రాన్ని బదనాం చేస్తున్న కేసీఆర్ సర్కార్ ను కడిగేయండి, పార్టీ నేతలకు బండి సంజయ్ దిశానిర్దేశం

Bandi Sanjay : కేంద్రాన్ని బదనాం చేస్తున్న కేసీఆర్ సర్కార్ ను కడిగేయండి, పార్టీ నేతలకు బండి సంజయ్ దిశానిర్దేశం

Writer Review - 'రైటర్' రివ్యూ: హెడ్ కానిస్టేబుల్ కేసులో ఇరుక్కుంటే? - ఆహాలో విడుదలైన సముద్రఖని సినిమా ఎలా ఉందంటే?

Writer Review - 'రైటర్' రివ్యూ: హెడ్ కానిస్టేబుల్ కేసులో ఇరుక్కుంటే? - ఆహాలో విడుదలైన సముద్రఖని సినిమా ఎలా ఉందంటే?

TS Police Jobs : తెలంగాణ పోలీస్ ఉద్యోగాలకు భారీ స్పందన, 17 వేల పోస్టులకు 12.91 లక్షల అప్లికేషన్లు

TS Police Jobs : తెలంగాణ పోలీస్ ఉద్యోగాలకు భారీ స్పందన, 17 వేల పోస్టులకు 12.91 లక్షల అప్లికేషన్లు

Nothing Phone 1: మోస్ట్ అవైటెడ్ స్మార్ట్ ఫోన్ ధర లీక్ - లాంచ్ డేట్ కూడా!

Nothing Phone 1: మోస్ట్ అవైటెడ్ స్మార్ట్ ఫోన్ ధర లీక్ - లాంచ్ డేట్ కూడా!