AP Lok Sabha Result 2024: ఆంధ్రప్రదేశ్‌ లోక్‌సభ ఎన్నికల్లో ఎంపీ మెజార్టీల్లో టాప్ లేపిన బాలకృష్ణ చిన్నల్లుడు- తగ్గేదేలే అంటున్న పెమ్మసాని, హరీష్‌

AP Lok Sabha Election Result 2024 Updates: ఆంధ్రప్రదేశ్‌లో నువ్వా నేనా అన్నట్టు సాగిన ఎన్నికల్లో కూటమి పై చేయి సాధించింది. విన్నింగ్ రేస్‌లో ఫ్యాన్ పార్టీ పల్టీలు కొట్టింది.

ఆంధ్రప్రదేశ్‌ లోక్‌సభ ఎన్నికల్లో విజయం సాధించిన అభ్యర్థులు, కొత్త ఎంపీలు వీళ్లే

Telugu News Today: 2024లో జరిగిన లోక్‌సభ ఎన్నికల్లో అన్ని రాష్ట్రాల్లో జరిగినవి ఒక ఎత్తు అయితే... ఆంధ్రప్రదేశ్‌లో జరిగినవి మరో ఎత్తు. అభ్యర్థుల ఎంపిక నుంచి ప్రచారం, పోలింగ్, చివరకు కౌంటింగ్ వరకు అత్యంత నాటకీయ పరిణామాలు జరిగాయి. లోక్‌సభ స్థానాల్లో కూడా కూటమి జెండా ఎగిరింది. 25 ఎంపీ స్థానాలకు అర్థరాత్రి వరకు జరిగిన లెక్కింపులో  కూటమి పార్టీలు 21 స్థానాలు గెలుచుకోగా వైసీపీ నాలుగు స్థానాలతో సరిపెట్టుకుంది. గత ఎన్నికల్లో వైసీపీ ఏకంగా 22 ఎంపీ స్థానాలు గెలుచుకుంది. ఈసారి నాలుగుకు పరిమితం అయ్యింది. కూటమిలో టీడీపీ 16 చోట్ల విజయం సాధించగా.... జనసేన రెండు సీట్లలో జయకేతనం ఎగరేశారు. బీజేపీ ఆరు స్థానాలకు మూడు చోట్లే విజయం సాధించింది. 
కూటమిగా కలిసి పోటీ చేసిన తెలుగుదేశం పార్టీ, జనసేన బీజేపీ అనూహ్య ఫలితాలను సాధించింది. ఈ ఎన్నికల్లో టీడీపీ 17 చోట్ల పోటీ చేసి 16 స్థానాలు కైవశం చేసుకుంది. జనసేన రెండింటింకి రెండును గెలుచుకుంది. ఒక్క బీజేపీ మాత్రం మూడు స్థానాలు కోల్పోయింది.  మూడింటిలో మాత్రమే నెగ్గింది. ఎన్డీఏ భాగస్వామ్య పక్షంలో బీజేపీ తర్వాత ఎక్కువ స్థానాలు నెగ్గిన పార్టీగా టీడీపీ ఉంది. 

జనసేన అసెంబ్లీ సీట్లలోనే కాదు లోక్‌సభ సీట్లలో కూడా వందకు వంద శాతం ఫలితాలు సాధించింది. కూటమితో పోటీ చేసిన జనసేన ఈ ఎన్నికల్లో 21 అసెంబ్లీ స్థానాలు, 2 లోక్‌సభ స్థానాల్లో పోటీ చేసింది. అన్నింటిలో విజయం సాధించి కొత్త రికార్డు నెలకొల్పింది. పదే పదే పవన్ చెప్పినట్టు ఎన్ని సీట్లు తీసుకున్నామన్నది కాదని... తీసుకున్న వాటిలో ఎన్ని గెలుచుకున్నామనేది ముఖ్యమని చెబుతూ వచ్చారు. ఆయన పిలుపు మేరకు జనసైనికులు తీసుకున్న అన్ని సీట్లలో విజయం కట్టబెట్టారు. జనసేన అభ్యర్థులు పోటీ చేసిన కాకినాడ, మచిలీపట్నం లోక్ స్థాల్లో విజయం సాధించింది. మచిలీపట్నం నుంచి బాలశౌరి, కాకినాడ నుంచి ఉదయ్‌ గెలుపొందారు. 

టీడీపీ ఈసారి 17 లోక్‌ సభ స్థానాల్లో పోటీ చేసింది. అందులో 16 స్థానాలు గెలుచుకుంది. ఒక్క కడప సీటులోనే ఓడిపోయింది. ఇక్కడ కూడా గట్టి పోటీని ఇచ్చింది. 

 

	నియోజకవర్గం	విజేత	మెజార్టీ	పార్టీ	ప్రత్యర్థి
1	అరకు	చెట్టి తనూజ రాణి	50,580	వైసీపీ	కొత్తపల్లి గీత
2	శ్రీకాకుళం	కింజరాపు రామ్మోహన్‌ నాయుడు	3,27,901	టీడీపీ	పేరాడ తిలక్‌
3	విజయనగరం	కలిశెట్టి అప్పలనాయుడు	2,38,216	టీడీపీ	బెల్లాన చంద్రశేఖర్‌
4	విశాఖ	మతుకుమిల్లి భరత్	5,04,247	టీడీపీ	బొత్స ఝాన్సీ
5	అనకాపల్లి	సీఎం రమేష్	2,96,530	బీజేపీ	బూడి ముత్యాల నాయుడు
6	కాకినాడ	తంగెళ్ల ఉదయ్ శ్రీనివాస్‌	2,29,491	జనసేన	చెలమలశెట్టి సునీల్‌
7	అమలాపురం	గంటి హరీష్	3,42,196	టీడీపీ	రాపాక వరప్రసాద్‌
8	రాజమండ్రి	పురందేశ్వరి	2,39,139	బీజేపీ	డా. గూడురి శ్రీనివాసులు
9	నర్సాపురం	భూపతిరాజు శ్రీనివాస వర్మ	2,76,802	బీజేపీ	గూడూరి ఉమా బాల
10	ఏలూరు	పుట్టా మహేశ్‌ యాదవ్	1,78,326	టీడీపీ	కారుమూరి సునీల్‌ కుమార్‌
11	మచిలీపట్నం	వల్లభనేని బాలశౌరి	2,23,179	సింహాద్రి చంద్రశేఖర్‌ రావు
12	విజయవాడ	కేసినేని చిన్ని	2,82,082	టీడీపీ	కేసినేని నాని
13	గుంటూరు	పెమ్మసాని చంద్రశేఖర్‌	3,44,695	టీడీపీ	కిలారి వెంకట రోశయ్య
14	నరసరావుపేట	లావు కృష్ణదేవరాయులు	1,59,729	టీడీపీ	అనిల్‌ కుమార్ యాదవ్
15	బాపట్ల	టి.కృష్ణ ప్రసాద్	2,02,941	టీడీపీ	నందిగాం సురేష్‌ బాబు
16	ఒంగోలు	మాగుంట శ్రీనివాసులురెడ్డి	48,911	టీడీపీ	చెవిరెడ్డి భాస్కర్‌ రెడ్డి
17	నంద్యాల	శబరి(టీడీపీ)	1,36,278	టీడీపీ	పోచా బ్రహ్మానందరెడ్డి
18	కర్నూలు	బస్తిపాటి నాగరాజు	1,11,298	టీడీపీ	బివై రామయ్య
19	అనంతపురం	అంబికా లక్ష్మీనారాయణ	1,08,293	టీడీపీ	మాలగుండ్ల శంకర నారాయణ
20	హిందూపురం	బీకే పార్థ సారథి	1,25,607	టీడీపీ	జోలదరసి శాంత
21	కడప	అవినాష్‌ రెడ్డి	65,490	వైసీపీ	షర్మిల
22	నెల్లూరు	వేమురెడ్డి ప్రభాకర్ రెడ్డి	2,45,902	టీడీపీ	విజయసాయిరెడ్డి
23	తిరుపతి	మద్దిల గురుమూర్తి	14,569	వైసీపీ	వరప్రసాద్‌(బీజేపీ)
24	రాజంపేట	మిథున్ రెడ్డి	76,071	వైసీపీ	కిరణ్ కుమార్ రెడ్డి
25	చిత్తూరు	దగ్గుమళ్ల ప్రసాదరావు	2,20,479	టీడీపీ	ఎన్‌ రెడ్డప్ప